اقتباس المشاركة الأصلية كتبت بواسطة profshady مشاهدة المشاركة
طيب انا عايز اقولكم علي حاجة .... انا كان حصل معايا حوار قبل كده بالعربية كنت نازل منزل جامد اوووووي وكان فيه زيت في الارض او جاز المهم العربية اتزحلقت مني وعومت مع الفرامل وعديت بيها الرصيف اللي في النص ورعديت الناحية المقابل وحصل اللي حصل والحمد لله وشلتها علي الونش وعلي الميكانيكي ... راح قاللي لازم نرفع الموتور ونوديها للسمكري علشان يستعدل شوية حاجات في سدر العربية وقاعدة الموتور اتكسرت وغيرتها وبعد ما السمكري استعدل السدر وكده رشيت مكان شغله والميكانيكي نزل الموتور تاني والحمد لله كميكانيكا زي الفل كل اللي حصل غيرت طرنبة البور واستعدلت الريداتير ولحمت المروحتين عند بتاع الفيبر واشتغلت معايا زي الفل مع العلم الكلام ده حصل من حوالي سنة تقريبا ... فهل ده يعيب العربية يا جماعة يعني اخلص منها وكده ولا عادي جدا واكمل واظبط العربية واصرف عليها احسن ...
ملحوظة : واحد صاحبي بص علي العربية وما يعرفش اللي حصل معايا ... راح قاللي ده سدر العربية مستعدل قبل كده وشكله مرشوش فأخلص من العربية ده احسن لك ...
فهوة ده اللي خلاني افكر والله في موضوع البيع ده واجيب موديل احدث مع ان الناس كلها بتقولي الدايو احسن من الشيفروليه بس لو العيب مزمن اووووووي اللي عندي ده يبقي اخلص منها احسن ولا انتوا ايه رأيكم ....
انت تقصد بالصدر هو الشنب؟؟... المكان اللى راكب فية الكلاكس و قفل الكابوت و متثبت علية الرادياتير و سربنتينة التكييف؟؟؟

لو الاجابة "نعم" يبقى سيبك من كلام صاحبك دة... مع احترامى ليه صدر العربية مش من الحاجات اللى تعيب العربية... انت لو بوست اى عربية بوش عربيتك هتسمع فى الشنب (اللى هو الصدر على حد قولك) و الكابوت

الاساسيات يعنى فرد شاسية و كارتيرات و قوايم... غير كدة عادى... انت اصلا ممكن تشترى صدر جديد اصلى و تركبة و ترشة و الجن ابن العفريت مش هيعرف ان الصدر متغير فا فكك من الكلام الفاضى دة

و معنى اللى انت قولتة ان انت متضايق من العربية لاسباب نفسية بحتة... العربية ذات نفسها مفيهاش حاجة بتضايقك و انت سايق او عيوب جوهرية ظاهرة... كل القصة ان اللى رشلك الصدر مكنش محترف و الرش باين لاى حد بيبص على العربية

نصيحتى ليك: احتفظ بعربيتك طالما مش مزعلاك فى حاجة و شغالة زى الفل و متشغلش بالك بقصة الصدر و الورك ولا تدى ودنك لحد يعيبلك العربية على الفاضى

MMamdouh