الموضوع: نيسان سنترا

[QUOTE=Meggieboy;3875475704]

المشاركة الأصلية كتبت بواسطة Mohamed.Hany

فعلا لولا نيسان دخلت بموتور و فتيس و تكييف في الفلوانس العربية دي كانت هتبقي محلك سر، مش عارف ناقصها ايه و يتكتب عليها نيسان :36_1_1[

هندسه انت عارف انا مش بقارن معاك فى الفرق خالص و بسيبك براحتك اهو و لكن اسمحلى ان الفلوانس موجودة من 2010 و عامله مبيعات جيدة جداً و ثابتة نفسها و ده اللى خلى الناس تقبل عليها مش الموتور و الفتيس و التكييف...لأ زيادة الأعتمادية فى الموديل القديم مقارنة بالميجان وانا متابع جيد للأتنين
تانى حاجة حضرتك بتقارن التويوتا ال 2014 مع الفلوانس اللى نازلة من 2010.....لاحظ انك بتقارن موديل حديث من تويوتا مع فيس ليفت من اربع سنين من رينو...استنى يا كبير لما رينو تنزل صاروخ 2015/2016 و نشوف ساعتها تويوتا هتعمل ايه

علشان نكلم صح تعالى نقارن التويوتا الشكل القديم ال 2013 مع الفلوانس القديم 2013 علشان نعرف فرق التكنولوجيا و التطور فى الشركتين...صح كده و لا ايه؟
ازاى بس يا كبير نيسان و محلك سر و الكلام الكبير ده؟
طيب تقارن الميجان القديم الصاروخ 2005-2010 بانه موديل من كورولا و اظن نيسان ملهاش دعوه بالميجان القديم
يا باشا كورولا القديم كعربية مع كامل احترامى و انا كنت هشتريها كانت توك توك بالنسبة للميجان سنة 2006
اعتمادية على عينى وراسى و توديك مشوارك وانتهينا و لكن كلمة رفاهية و ركوبة وامان و ثبات مكنتش كلمات فى قاموس كورولا
تحياتى

مع احترامي، فلوانس 2010 عاملة مبيعات جامدة مقارنة بالاوروبي ، لكن مقارنة بالياباني ؟
تقل العربية و ضعف الموتور و التكييف خلو ناس كتير يضايقو منها وده الكلام اللي بقوله انه لولا تغيير الاجزاء دي هيبقي المبيعات زي قبل كدة كعربيات اوروبي لكن بعد التعديل اداها مجال اعلي في المبيعات، يعني فعلا تغيير الفتيس و الموتور و التكييف اثروا ايجابافي حاجات كانت مضايقة الناس.
انا بقارن عربيتين موجودين قدامي دلوقتي ، الله اعلم لي 2015 الفلوانس هتبقي عاملة ازاي ؟ و معتقدش انهم هيزودو ال esp و ال trc لانهم لو كانو ناويين و الكلام يعود علي توكيل رينو في مصر كانو نزلوه في ال capture اللي ب 200 الف !
كلمة محلك سر اقصد بيها في المبيعات قصاد التويوتا او الياباني عموما في مصر، و لو هنقارن مبيعات فلوانس من 2010 لحد النهاردة بكوروﻻ 2011 الفاضية زي مبتقول ياهندسة هتلاقي رغم ان الكوروﻻ الفاضية و الاغلي و في وقت اقل محققة اضعاف مبيعات الفلوانس ، ده كان قصدي بمحلك سر، و اقرب مثال ان التويوتا 2013 رغم انها وقفو انتاجها وفاضية تماما من غير فوج لايت حتي و من غير ضمان لسه بتستورد و بتتباع بسعر خزعبلي و بالضرب فهل ممكن يحصل ده باي حال من الاحوال في الفلوانس ؟
ده غير طبعا سعر اعادة البيع ، لما اكون جايب كوروﻻ 2011 ب 150 الف و ابيعها بعد 3 سنين و ماشي 50 الف كم ب 165 الف و الاقي انها بقت بتتباع ب 175 الف مستعمل دلوقتي، فهل الفلوانس سوقها في مصر يسمح بالكلام ده ؟
فعلا الميجان و الفرنساوي من زمان كماليات عالية بس شوف الاعطال و اعادة البيع و الانتشار اخباره ايه ايام مكانت الكوروﻻ فاضية بس ركوبة اعتمادية.
طب و ايه الاحوال دلوقتي مع الكوروﻻ كماليات كتيرة جدا و كمان اعلي من الفلوانس + عوامل امان اعلي + اعتمادية و انتشار و اعادة بيع .
تحياتي ليك يا هندسة