الموضوع: أول Inter View رسمى مع أوبل إنسيجنيا

المشاركة الأصلية كتبت بواسطة ahmad--ezzat

الف مبروووك بس راي شخصي

بدون حساسيه

حاسس انها موديل 2005 2006

مش 2014 2015

العربية شكلها فى الحقيقة فخم جدا و شيك و بصراحة انا مش شايفها موديل قديم خالص بالعكس الشكل مميز و احسن من عربيات كتير فى 2014

ايه اللى مش عجبك فيها ؟

انا اللى مستغربه بس ليه مخلوش انوار التابلوه لونها احمر زى الاسترا كانت هتبقى اشيك .. بس مع الشاشات شكلها شيك برضه و لو انى مستغرب ليه مخلوش انوار التابلوه احمر

المشاركة الأصلية كتبت بواسطة J A G U A R

بسم الله ما شاء الله ربنا يباركلك فيها ويكفيك شرها ويحفظهالك ..
وتقرير جميل ومرتب .

الله يبارك فيك يا باشا تسلم،،،،،عاوز اقولك صوت ال ٧ سماعات مع تظبيط البييز والتويتات بتعمل احلى سكسكه تسمعها فى حياتك،،،،ارفعلك القبعه على النقطه دى انت اللى لفت نظرى ليها

المشاركة الأصلية كتبت بواسطة eng wael

ماشاء الله ربنا يباركلك فيها
انتم السابقون وان شاء الله بكم لاحقون

يا باشا ربنا يخلييك وتلحقنا على خيير ان شاء الله فى انتظارك

المشاركة الأصلية كتبت بواسطة hagagatc

بسم الله ما شاء الله ربنا يبارك للك فيها وديك خيرها ويكفيك شرها
بس السوال هنا هل الموديلات الي بتنزل بره بتكون اعلي في الكمالايات عن التوب لاين الي معاك
يعني منصور مقصص حجات منها

ربنا يخليك يا باشا تسلم،،،،، من خلال متابعتى لريفيوهات العربيه الكتيره،،، كعاده منصور الواطى شايل منها حاجات برده،،بس بسيطه اوى زى اوبشن ان العربيه تديك انذار اول متخرج عن الحاره اللى انت فيها،،،،والكاميرا الخلفيه،،،ونظام النقطه العمياء فى المرايات،،،والاهم من ده كله فى نظرى شايل حليتين الشكمان الكروم منها،،،،بس ان شاء الله ححاول ادعبس واركبها،،،بتفرق جدا فى شكل العربيه

المشاركة الأصلية كتبت بواسطة Mohab.Nabil

ماشاء الله العربية ديه شكلها جميل جدا و سعرها حلو كمان على الاوبشنز اللى فيها

ربنا يباركلك فيها يا باشا و عقبال الـ 5 series او الـ e class

تسلم يا باشا ربنا يرزقك باللى احسن منها ١٠٠ مره،،،ولا يا عم انا قنووع وراضى بيها ومش ناوى اغيرها فى القريب العاجل،،كده رضا

المشاركة الأصلية كتبت بواسطة Abdo Taha

ايه الحلاوةو الدلع ده عاجبني أسلوب و الحوار مع البرنس و البرنسيسة دايما كل اما تيجي قدامي لازم اقعد ابص عليها و هى الوحيدة اللي لازم اقلها كلام حلو ده احنا يعتبر قرايب برضه بصراحة لما قعدت فيها امبارح راحة ما بعدها راحة كراسي روعة الفرش جميل جدا و الله احلى من الفئة الثالثة بدون تحيز او مبالغة بس للحق الملكة المتوجة في القاعدة الخلفية ال 508 اما الامامية فالانسجنيا و ترتيب الازرار مناسب و قليلة على فكرة و لا تتوه و لا حاجة عكس البيجو اللي صدمتني لما لقيت زرار الباركينج و ال esp في الدرج بتاع السواق و للأسف مفهاش دلع زي الانسجنيا مفهاش كاسيت و الوان و فيديو و حركات ، سلامي للنجمة ذات الجمال الذي لا يوصف و ابهرت جميع المتفرجين في المعرض امبارح و سلامي للبرنس مهند باشا اللي عمل تقرير شيق و اسلوبه رائع و جذاب فعلا بس عايزه يشوف هل النجمة بتطير و لا هتتحجج ان الكوتشي ديق عليها و تتمشى و عشان متعملش كده دلعها بهدية كده و حلييتين شكمان ليها ، و في الاخر تسفيق حار و حاد جدا

تنويه واجب يا جماعه،،،،،الفضل بعد ربنا فى ظهور التقرير ده للنور هو عبده باشا لانه هو اللى رفع كل الصور وبعتهالى بصراحه

والله يا عبده باشا انا يهمنى الكرسى بتاعى،،وده مريحنى جداً مليش فيه بقى اللى قاعد ورا مرتاح ولا لاء

وفعلا اضاءه التابلوه بتاع الانسيجنيا مع الشاشه متناسقه ورائعه جداً لو تفتكر كنت عاوز احط اضاءه حمراء زى بتاعت الاسترا تحت الفتيس بس لما ركبتها الاضاءه كافيه جداً

اما بالنسبه للجرى،،،،فمتقلقش يا باشا الانسيجنيا بتجرى حافيه،،،دى رجلها مقاس ١٨ يا عم،،فأكيد حتنطلق اول ما اديها الامر،،،اتقل عليها شويه بس وحفرجك على سحر وشعوذه حيطلعوا منها ان شاء الله

المشاركة الأصلية كتبت بواسطة فادى محمد

اسلوب جميل وتقرير رائع
تسلم ايك وربنا يبارك لك فيها
فعلا احلي حاجه فيها هي اللا مؤاخذه
بس ايه النمر الجامده دي ؟؟

ردك هو الاروع والاجمل فادى بيه،،،. الله يباركلك فى عربيتك يا باشا تسلم،،،واحترمك جداً بما ان اللامؤاخذه بتاعتها لفتت نظرك،،،راجل ذوااق،،،،وعشان كده لامؤاخذه زى دى ميتعلقلهاش اى نمر،،،مش كده ولا ايه،،،،،لازم نستخدم نفوذنا وعلاقتنا اومال ايه