أول Inter View رسمى مع أوبل إنسيجنيا

**Mr_revenger** · 16-03-2014 12:54 AM

المشاركة الأصلية كتبت بواسطة Abdo Taha

صدقني ما هتقدر تنزل منها الا على الفئة السابعة على طول لأن لو حطيت دي جنب الفئة الخامسة مش هتحس بالفارق الضخم اوي او تنزل على جاجوار

جاجوار مره واحده،،،،،انت متحيز اوى للانسيجنيا يا عوبد،،،،اقل من بوجاتى مش راكب بقى

**Mr_revenger** · 16-03-2014 01:00 AM

المشاركة الأصلية كتبت بواسطة dozo

الف مبروك ور ربنا يباركلك فيها و يكفيك شرها .
اخبار العفشه و الاحساس بالمطبات ايه و نظام التعليق الخلفى ايه معلش على كتر الاسئله .
سيبك انت اجمد حاجه اغنيه الملاك البرىء , الاغنيه دى جامده ههههههه .

الله يبارك فيك يا كبير،،،تسلم

بالنسبه للعفشه،،،انا محستش بيها نهائى،،،كلت بيها كام مطب وحفر،،،والعربيه اسد على الطريق،،،،الجنط ال ١٨ مع ارتفاع العربيه بيدوك اداء فوق الوصف،،،،،،،احبك وانت لمااااااح من الاغنيه اللى شغاله،،،،،، دنا مخدتش بالى منها الا من الكومنت بتاعك ههههههههههه

**Mr_revenger** · 16-03-2014 01:14 AM

المشاركة الأصلية كتبت بواسطة hany63

طب بالمره عاوز اقول لك ان موضوع الديلاي في الكيك داون موجود في كل الالماني و كان معايا باسات تربو كانت بتستنى ثانيه قبل تنطلق
موضوع الشيفت ده هتستعمله لما تكون ماشي في طريق سرعته من ٦٠ ل ١٠٠ مثلا هتقوم دايس مرتين على علامه ناقص فهتبقى على الرابع و ده هيديك عزم جميل في رانج السرعه دي اول ما تعدي ال ١٠٠ دوس مره على علامة زائد و ده بدل ما تقعد كل شويه تعمل كيك داون غير كده في الزحمه المعتاده الاوتو بيوفي بالغرض
بالنسبه لصوت الموتور العالي و موضوع التسخين حضرتك العربيه امشي بيها اول ما الار بي ام يستقر على ١٠٠٠ لفه مش لازم تستنى ان درجة الحراره توصل ل ٩٠ الفكره انك بلاش تزود عن ٢٠٠٠ لفه الا لما تسخن
والف مبروك و عقبال البي ام الفئه السابعه

طيب بما انك قديم وخبره فى موضوع الشيفت فتيس ده،،،،،هل تسقيطه النقلات فى المانيوال بتدى عزم وسحب اكتر من الكيك داون فى الاوتوماتك ولا العكس،،،،،،وبعدين هل الحرق على النقلات فى الاول ده غلط على الموتور ولا كده بيفتحه !؟ يعنى مثلاً الرابع اعتقد من ٦٠ لو حرقت لحد ٨٠ واخرت الخامس لحد ١٠٠ مثلاً ده كده صح ولا غلط !؟

وبالنسبه لموضوع ال ار بى ام،،،،انا بستنى دقيقه ونص كده المؤشر بيدينى انه على ٧٥٠ مثلاًً،،،،ساعتها اقدر انطلق حتى لو مؤشر السخونيه زى ما هو !؟

**corolladestroyer** · 16-03-2014 01:22 AM

بسم الله ماشاء الله...الف الف مبروك ربنا يديك خيرها ويكفيك شرها..

**hany63** · 16-03-2014 01:35 AM

المشاركة الأصلية كتبت بواسطة mr_revenger

طيب بما انك قديم وخبره فى موضوع الشيفت فتيس ده،،،،،هل تسقيطه النقلات فى المانيوال بتدى عزم وسحب اكتر من الكيك داون فى الاوتوماتك ولا العكس،،،،،،وبعدين هل الحرق على النقلات فى الاول ده غلط على الموتور ولا كده بيفتحه !؟ يعنى مثلاً الرابع اعتقد من ٦٠ لو حرقت لحد ٨٠ واخرت الخامس لحد ١٠٠ مثلاً ده كده صح ولا غلط !؟

وبالنسبه لموضوع ال ار بى ام،،،،انا بستنى دقيقه ونص كده المؤشر بيدينى انه على ٧٥٠ مثلاًً،،،،ساعتها اقدر انطلق حتى لو مؤشر السخونيه زى ما هو !؟

اه تنطلق لما مؤشر الار بي ام يستقر من غير ما تستنى سخونية الموتورعشان العبره هنا بيكون ان الزيت خلاص انتشر في الموتور بس زي ما قلت لك من غير ما تعدي ال ٢٠٠٠ لفه لغاية ما الموتور ما يسخن و ده نظام تفضل عليه مع اي عربيه

بالنسبه للكيك داون و الحرق و الذي منه مبدئيا ما تعملوش الا لما فترة التليين تنتهي و هنا تراعي ان الار بي ام ما يزدش عن ال ٣٠٠٠ لفه
و طبعا في فترة التليين مفيش مانع انك تستعمل الشيفت بس ما تسقطش اكتر من نقله واحده و انت على ال ٢٠٠٠ لفه مثلا عشان ما تزديش عن ال ٣٠٠٠ لفه اللي اتفقنا عليهم امابعد التليين اعمل اللي انت عايزه
الفرق بين الكيك داون و الشيفت انك في الكيك داون بتسقط عدد من النقلات برجلك حسب الدوسه يعني ممكن لو كبست لاخر الدواسه ممكن تسقط ٣ نقلات مره واحده من السادس للتالت مثلا طبعا هنا العربيه هتنطلق زي الصاروخ بس اول ما تخف رجلك من على دواسة البنزين او دوست الفرامل هتنقل غصب عنك نقله او نقلتين زياده و بالتالي موضوع الكيك داون ده عشان تشد لفتره بسيطه و بعديها تمشي براحتك
انما لو استعملت الشفتات في المانيوال مود هنا بقى العربيه بقت مانيوال بالكامل زي اي عربيه مانيوال مع الفارق بدون دبرياج فانت بتتحكم في النقله اللي انت عايزها و مش هتنقل لفوق نهائي مهما رفعت رجلك من على البنزين الا لو دوست زائد انما يجوز تنقل لتحت بدالك لو انت ما دوستش ناقص و العربيه سرعتها نزلت عشان تحافظ لك على الفتيس
ارجو اني اكون افدتك

**Marwan yahya** · 16-03-2014 02:06 AM

بسم الله ماشاء الله ربنا يباركلك فيها ويديك خيرها ويكفيك شرها

**Mohab.Nabil** · 16-03-2014 04:48 AM

المشاركة الأصلية كتبت بواسطة mr_revenger

اقولك انا يا كبير ليه مخلوش الاضاءه حمرا زى الاسترا،،،،شاشه الكاسيت بتاعت الاسترا حمرا،،،فنور التابلوه والفتيس منطقى يبقوا احمر عشان يبقى فيه سيميلاريتى فى الشكل،،،انما الانسيجنيا الكاسيت بتاعها الوان،،،فلما يوحدلك النور احمر حتبقى نشاذ،،،انما شكل الاضاءه مع الكاسيت كده لايقه جداً،،،،تعالى خد لفه بيها وانت حتغير رأيك تماماً :s_thum1[1]:

يمكن عشان انا بحب اللون الاحمر فى التابلوه فعشان كده شايف ان الاحمر كان يبقى اشيك بس هى فعلا شكلها شيك كده برضه و ربنا يبارك لك فيها يا باشا و يبعد عنك عيون الناس لأن ماشاء الله العربية ملفتة

و على فكرة انا مشجع قديم للنادى الاسماعيلى و لفيت القاهرة كلها عشان اجيب تى شيرت الاسماعيلى و ملقتهوش فأن شاء الله ناوى لما ارجع مصر اجى الااسماعيلية اجيب تى شيرت الاسماعيلى و كده اخد اللفة بتاعتى كمان بقى هههههه

**Abdo Taha** · 16-03-2014 05:50 AM

المشاركة الأصلية كتبت بواسطة Mr_revenger

جاجوار مره واحده،،،،،انت متحيز اوى للانسيجنيا يا عوبد،،،،اقل من بوجاتى مش راكب بقى

مش حكاية متحيز بس هى شكلها فعلا يوحي بأنها فئة اعلى من فئتها فلذلك مش عتحس بالفارق الرهييب جدا اكيد طبعا الفارق لصالح البي ام و لكن عشان تحس انك نقلت نقلة مختلفة تماما يبقى جاجوار لأنها تعتبر بين الفئة الخامسة و السابعة و عقبال البوجاتي كده بس ساعتها هيكون في بنزين اصلا يشغلها ؟

**EmadFox** · 16-03-2014 12:36 PM

ربنا يكفيك شرها يارب

-

الموضوع: أول Inter View رسمى مع أوبل إنسيجنيا

LinkBack

أدوات الموضوع

عرض

-

-

-

-

-

المواضيع المتشابهه

انفراد لنايل موتورز : أوبل إنسيجنيا فى مصر موصفات وصور

أوبل تُزيح الستار عن إنسيجنيا كانتري تورر الجديدة

NISSAN AVM : Around View Monitor

Fw: Not even 0.1% Muslims had the opportunity to see this View

الكلمات الدلالية لهذا الموضوع

المفضلات

المفضلات

ضوابط المشاركة