الموضوع: أول Inter View رسمى مع أوبل إنسيجنيا

المشاركة الأصلية كتبت بواسطة hany63

اه تنطلق لما مؤشر الار بي ام يستقر من غير ما تستنى سخونية الموتورعشان العبره هنا بيكون ان الزيت خلاص انتشر في الموتور بس زي ما قلت لك من غير ما تعدي ال ٢٠٠٠ لفه لغاية ما الموتور ما يسخن و ده نظام تفضل عليه مع اي عربيه

بالنسبه للكيك داون و الحرق و الذي منه مبدئيا ما تعملوش الا لما فترة التليين تنتهي و هنا تراعي ان الار بي ام ما يزدش عن ال ٣٠٠٠ لفه
و طبعا في فترة التليين مفيش مانع انك تستعمل الشيفت بس ما تسقطش اكتر من نقله واحده و انت على ال ٢٠٠٠ لفه مثلا عشان ما تزديش عن ال ٣٠٠٠ لفه اللي اتفقنا عليهم امابعد التليين اعمل اللي انت عايزه
الفرق بين الكيك داون و الشيفت انك في الكيك داون بتسقط عدد من النقلات برجلك حسب الدوسه يعني ممكن لو كبست لاخر الدواسه ممكن تسقط ٣ نقلات مره واحده من السادس للتالت مثلا طبعا هنا العربيه هتنطلق زي الصاروخ بس اول ما تخف رجلك من على دواسة البنزين او دوست الفرامل هتنقل غصب عنك نقله او نقلتين زياده و بالتالي موضوع الكيك داون ده عشان تشد لفتره بسيطه و بعديها تمشي براحتك
انما لو استعملت الشفتات في المانيوال مود هنا بقى العربيه بقت مانيوال بالكامل زي اي عربيه مانيوال مع الفارق بدون دبرياج فانت بتتحكم في النقله اللي انت عايزها و مش هتنقل لفوق نهائي مهما رفعت رجلك من على البنزين الا لو دوست زائد انما يجوز تنقل لتحت بدالك لو انت ما دوستش ناقص و العربيه سرعتها نزلت عشان تحافظ لك على الفتيس
ارجو اني اكون افدتك

كفييييت ووفييت،،،،تسلم هانى بيه على الشرح المحترم الوافى ده،،،،،اظن انى مش ححتاج اسقطلها نقلات،،هى مجرد متكبسلها سنه بنزين بتاكل الاسفلت وبترووووووح

المشاركة الأصلية كتبت بواسطة marwan yahya

بسم الله ماشاء الله ربنا يباركلك فيها ويديك خيرها ويكفيك شرها

تسلم يا باشا ربنا يكرمك

المشاركة الأصلية كتبت بواسطة mohab.nabil

يمكن عشان انا بحب اللون الاحمر فى التابلوه فعشان كده شايف ان الاحمر كان يبقى اشيك بس هى فعلا شكلها شيك كده برضه و ربنا يبارك لك فيها يا باشا و يبعد عنك عيون الناس لأن ماشاء الله العربية ملفتة

و على فكرة انا مشجع قديم للنادى الاسماعيلى و لفيت القاهرة كلها عشان اجيب تى شيرت الاسماعيلى و ملقتهوش فأن شاء الله ناوى لما ارجع مصر اجى الااسماعيلية اجيب تى شيرت الاسماعيلى و كده اخد اللفة بتاعتى كمان بقى هههههه

تصدق بقى انا كنت ناوى اجبهالك لحد عندك تاخد اللفه بتاعتك،،بس بما انك طلعت بتشجع الاسماعيلى،،،،فإنسى يا عمرو ،،،،،متستغربش،،انا قاعد فى الاسماعيليه اه بس انا اصلا من القاهره،،،،واهلاوى جدا،،،اهلاوى خاللص،،،،،اهلاوى مووووت هاااااا،،،اظن كده الرساله وضحت ههههههه

ربنا يخليك يا باشا تنور فى اى وقت وربنا يباركلنا كلنا فى عربياتنا

المشاركة الأصلية كتبت بواسطة zrzr1

الف مبروك يا باشا وربنا يديك خيرها ويكفيك شرها..

زرزر باشا ،،تسلم يا كبيييير

المشاركة الأصلية كتبت بواسطة EmadFox

ربنا يكفيك شرها يارب

تسلم يا كبير

المشاركة الأصلية كتبت بواسطة Silent~Dream

تقرير مبتكر و ممتاز و الف مبروك و ربنا يديلك خيرها و يكفيك شرها

الله يبارك فيك يا كبيير احنا بنتعلم منك،،،انت استاذ التقارير المحترمه والقويه كلها