عضو جديد معاكم استغنا عن قسم الهوندا وبالمثل عن سيارته السيفيك قبيل متعة القيادة bmw

**mr_vampire** · 22-03-2014 08:20 PM

المشاركة الأصلية كتبت بواسطة mamdoh zaky

ربنا يباركلك فيها وتقلقش من الفرامل امشى على التيل الحديد 500 كيلو وروح خد هوا من الفرامل من الاربع عجلات البدال هيعلى اوى فوق متتخيل

الله يبارك فيك ياباشا. طب والبنسبة للصفير قبل الوقوف مباشرا ده ؟؟؟؟

واخيرا موضوع ال 2000 ولا 1800 سي سي ؟؟؟؟

**FAR!D** · 22-03-2014 08:37 PM

ال 1800 كام من 99 ال 2001 قبل الفيس ليفت وكان 116 هورس باور و 180العزم
و ال 2000 كان من اواخر 2001 مع الفيس ليفت و حتى 2005 و كان 141 هورس باور و 200 العزم

**novo** · 22-03-2014 11:41 PM

المشاركة الأصلية كتبت بواسطة mr_vampire

الف مبروك وربنا يديك خيرها ويكفيك شرها. انا كمان لسة شاري ٣١٨ موديل ٢٠٠٤ بس للاسف مش في مصر.
سوال بقي انتا متاكد من موضوع انها ٢٠٠٠ سي سي ده ؟؟؟؟ لاني اعرف انها ١٨٠٠ ب ١٤٣ هورس باور . فايها الصح بقي ٢٠٠٠ ولا ١٨٠٠ ؟؟؟

تاني سوال للشباب القديمة انا لسة مغير طقم فرامل كاااامل ادام ووار ديسكات وتيل . فبسمع صفارة كدة عند ضربها قبل الوقوف مباااااشرا انما لو ماشي بسرعة وبضرب فرامل عادي. الصوت بس بيظهر قبل الوقوف مباشرا. فده عادي عشان التيل والديسكل لسة جداد ومطبعوش علي بعض وكدة ولا هستمتع بالصوت ده لحد ماغيره تاني ؟؟؟؟؟

وكمان حاسس ان دواسة الفرامل وطيت شوية اكتر من الاول قبل مااغير مع ان التيل والديسكات القديمة كانت خلصانة خاااااالص بمعني الكلمة وده سبب اني غيرت الاربعة مرة واحدة فهل برده مع الوقت وانهم يطبعو الدواسة هتعلي شوية ولا لا ؟؟؟؟؟

واخيرا احب اقول انها فعلاااا عربية محترمة . انا في مصر معايا لانسر بس لما ركبت ده فرق شاااااسع فالسحب والثبات والاستجابة وبالذااااات لما تحول للتيبترونيك تحسها بتنط ومهما دوست لسة بتجيب وعايزة اكتر .

مفيش 1800cc 318 e46
هيا بتزل 1900 و 2000 سي سي فقط

**FAR!D** · 23-03-2014 12:16 AM

المشاركة الأصلية كتبت بواسطة novo

مفيش 1800cc 318 e46
هيا بتزل 1900 و 2000 سي سي فقط

انا عارف يا نوفو بس اسمها الدارج 1800 محدش يعرف موضوع 1900 الا العاشقين و المتيميين
وازيدك من البيت شعرا ال 1800 او 1900 بالظبط بالظبط 1895
و ال 2000 بالظبط بالظبط 1995

**FAR!D** · 23-03-2014 12:20 AM

المشاركة الأصلية كتبت بواسطة mr_vampire

الف شكر ياشباب. وطبعا ال 2000 الهاي لاين و 1800 البيز لاين.
طب وبالنسبة لموضوع صفير الفرامل قبل الوقوف مباشرا ده فهل ده عشان ان الديسك والتيل ججاد ولسة مطبعوش ؟؟؟؟

ال 1800 مش شرط تكون بيز لايم ولا ال 2000 شرط تكون هاي لاين الفرق ان ده قبل الفيست ليفت كانت 1800من سنه 1999 لحد 2001 و من بعد الفيس ليفت ( معناه تعديل بسيط في الشكل ) بقيت 2000 من اواخر سنه 2001 لحد 2005
لكن الاتنين فيهم هاي ولاين ( صحح يانوفو لو غلطان او سهيت )

**FAR!D** · 23-03-2014 12:47 AM

المشاركة الأصلية كتبت بواسطة mr_vampire

ايه ياباشا الفيس ليفت ؟؟؟؟؟
وحوار صفير الفرامل قبل الوقوف مباشرا ده رايك ايه فيه ؟؟؟؟

بص يا بوب الفيس ليفت معناه في عالم السيارات انهم يجوا في سنه يغيروا بسيط في شكل فانوس او تضليعه الكابوت يعني مثلا ممكن يكون الشكل بس او ممكن يكون معاه تغير في الاجزاء الداخليه بس مايكونش تغيير جازري والا حيكون اسمه شكل جديد او موديل جديد

ديه قبل الفيس ليفت

و ديه لبعد الفيس ليفت

اما صفاره التيل ديه حاجتين يا اما التيل جديد و لسه بيطبع او اتاكل و عايز يتغير و بيتعرف لما تخلعه و تلاحظ ان مافيش سمك للتيل و تشوف ركبته من كام الف كيلو
واتمني اني اكون جاوبت على اسألتك

**novo** · 23-03-2014 01:57 AM

المشاركة الأصلية كتبت بواسطة crazydeepman

ال 1800 مش شرط تكون بيز لايم ولا ال 2000 شرط تكون هاي لاين الفرق ان ده قبل الفيست ليفت كانت 1800من سنه 1999 لحد 2001 و من بعد الفيس ليفت ( معناه تعديل بسيط في الشكل ) بقيت 2000 من اواخر سنه 2001 لحد 2005
لكن الاتنين فيهم هاي ولاين ( صحح يانوفو لو غلطان او سهيت )

الموضوع مش تصحيح ولا حاجة بس كلنا بنتعلم و الهدف توصيل المعلومة المضبوطة
من 1999الى 2001 فئة واحدة بس
من 2002 الى 2005 أربع فئات
316 منوال
318 بيز لين و هاي لين
325 كاملة