الموضوع: مشكلة الحرارة جننتني فيكترا بي 2

بمناسبة فرق العشر درجات يا أستاذ شادي :) على قول الأخ mohamed-adly
فرق القراءة بيبقى عشر درجات فعلا بين درجة حرارة المية على الـ Op-Com وبين مؤشر الحرارة بس دا في حالة وصول حرارة المية 86 او 87 درجة
لكن قبل الدرجة ديه ، بتبقى مظبوطة ويبتدي الفرق يكبر اول ماتوصل حرارة المية ل 80 درجة
مثال ، أول ما درجة الحرارة توصل لـ 81 بيبقى المؤشر على 78
ولما توصل لـ 83 بيبقى المؤشر على 79
وهكذا الفرق بيكبر لغاية اما يوصل لـ 10 درجات فرق بين قراءة درجة حرارة المية من خلال الـTech2/Op-com وبين مؤشر الحرارة على العدادات
وسبب الفرق دا من خلال تجربتي هو فرق قراءة حساس الكولانت لدرجة حرارة المية (اللي راكب في حوض الموتور) عن حساس مؤشر الحرارة (اللي راكب قبل الكوعة مباشرة) وأظن كدا الدنيا وضحت ليه بيحصل فرق في القراءة
وطبعا أغلب اللي بيقرؤا الحرارة من الـTech2/Op-com بيبقى من خلال الـ ECU واللي هو أخد معلومة درجة حرارة المية من حساس التبريد Coolant Sensor



عكس الـ Instrument اللي بياخد درجة حرارة المية من حساس الحرارة Temperature Gauge Sensor اللي راكب قبل الكوعة مباشرة




نيجي بقى للأخ mohamed-adly
ايه هي الساعة ؟ وايه هو الترموستات ؟ لأن كدا احنا اللي توهنا منك :)
يا أخ محمد الترموستات اللي الأستاذ شادي :) بيكلمك عليه هو معروف بترموستات المراوح وده شكل الترموستات الجي ام الأصلي




وده شكل الترموستات الـ BBT والمعروف بالترموستات الأصفر



كل اللي مطللوب من حضرتك فضلاً لا أمرا
انك تتأكد انت مركب انهو فيهم بالظبط
الأولاني والأصلي درجاته 100/95 - 105/100 وده وضع الفابريكة وده أحسن وضع في الدنيا مع احترامي لكل اللي معارض ، لأنك بتحافظ على العمر الافتراضي للمراوح بتاعتك ، بتشتغل دقيقة واحدة بدل ما تشتغل ربع ساعة على الأقل مع السويتش الأصفر
الثاني والمعروف بالأصفر درجاته 83-88 / 90-95 وزي ماهو واضح انه بيشغل سرعة أولى عن 85/84 درجة واللي هي مقاربة جدا لدرجات ترموستات الكوعة !
يعني ترموستات الكوعة عمالة تخرج المية بدرجة حرارة 85/82 والمراوح بتشتغل على نفس السرعة ، تقدروا تقولولي المراوح هاتفصل امتى ؟!!