الموضوع: رابطة مالكي الكريستالة..لانسر 1996 - 2000

صباح الفل والورد على الناس الموجودة كلها
عندى تزيق جامد من ناحية الفردة الشمال خلفى وخصوصا لما تكون العربية محملة ومش عارف السبب لانى لسة جديد فى الكرستالة
ولكم جزيل الشكر

المشاركة الأصلية كتبت بواسطة osman1

صباح الفل والورد على الناس الموجودة كلها
عندى تزيق جامد من ناحية الفردة الشمال خلفى وخصوصا لما تكون العربية محملة ومش عارف السبب لانى لسة جديد فى الكرستالة
ولكم جزيل الشكر

هوا لازم طبعا تروح لعفشجي يشيك علي الجنب ده ممكن تكون سوستته هيا اللي بتعمل كده او ممكن تكون اسهل و تكون محتاج بس تغسل العفشه كويس
بس طالما العربيه لسا جايبها جديد يبقي لازم تكشف علي العفشه
والف مبروك وربنا يبارك لنا في كل كريستالاتنا

خير خير :d

لسا طالع من الجراج انا و اخويا
كنت طلبت منه يظبطلي شويه حجات في العربيه علشان انا مش حعرف اليومين دول علشان عندي غضروف خارج من فقرات رقبتي و ممنوع من الحركه الكتير
المهم
كان عندي العدادات متربه جدا من جوا (شكلها متفكتش اتنضفت من يوم ما اتصنعت )و لمبات كتير فيها مش شغاله فكها و نضفناها كويس و غيرنا اللمبات والحمد لله اشتغلت كلها كويس
و ركبت لمبه للولاعه و الطفايه علشان كانو برضو محروقين
وفكينا زرار الانتظار وفك لمبته واخدها يجيب زيها و ركبناه تاني ( بس محتاج دقه)
وركبت نور ليدات للصالون والشنطه
يعني طلعه انوار كده علي الماشي
واكتشفت بالصدفه ان العربيه خليجي(مكتوب علي القايم بتاع السواق) بس مش عارف بتزيد ايه في العربيه نفسها
وعقبال بقي لما الدكتور يقولي اني اقدر اسوق علشان اعرف اتمتع بيها لاني من يوم ما جبتها وانا ممنوع من السواقه

[quote=sasa3;3874520983]طيب تمام جميل جداا و ربنا يباركلك فيها ان شاء الله و هى ثبات حلو و استهلاك كويس بس كنت مشغل تكييف؟؟




اوى الف سلامة عليك و ربنا يقومك بالسلامه يا رب

و حلو طقم الليدات الى ركبته فى العربية كلها ده :)
و بالنسبة للخليجى علشان انا معاييا خليجى برضه

هى المفروض تزيد ان دورة التبريد احسن من المصرى و التكيي بيكون احسن و اشد من المصرى

و فى حاجه كمان مش متاكد منها ان اللون بتاع الخليجى بيكون اثبت و اتقل علشان الشمي هناك فالعربية بتاخد كذا وش دهان فبيكون اتقل و اثبت

و الف سلامة عليك تانى[/quote
الله يسلمك و ربنا يخليك
اعتقد ان ده الفرق فعلا
ولسا ممكن نكتشف حجات تانيه
كان في حد بيقول قبل كده ان الخليجي فيها صفاره انزار عند سرعه 120