الموضوع: رابطة مالكي الكريستالة..لانسر 1996 - 2000

السلام عليكم جميعا
عندى بعض المشاكل ومحتاج مساعدة من حضراتكم
1- المارش اجى ادور تلقية يلف على الفاضى ( يعنى ترس المارش مش بعشق على ترس الفلام ) افضل ادى العربية غيارات وبعدين ادور تدور اعتقد دة عيب فى الاوتوماتيك بتاع المارش فهل يمكن تغير الاوتوماتيك لوحدة؟؟؟ وكام سعرة؟؟؟؟
2-عندى كمان رعشة خفيف فى العربية كلها وخصوصا عند تشغيل التكيف ياترى دى قواعد الموتور ولا حاجة تانية؟؟وهل الافضل قواعد مستعملة ولا جديد لانى سمعت ان التيوانى بعمل رعشة بردو؟؟
3-عاوز اعرف موديل المرسيدس اللى ممكن نشترى السوست بتعتها لتعلية العربية

ولكم جزيل الشكر والعرفان

المشاركة الأصلية كتبت بواسطة osman1

السلام عليكم جميعا
عندى بعض المشاكل ومحتاج مساعدة من حضراتكم
1- المارش اجى ادور تلقية يلف على الفاضى ( يعنى ترس المارش مش بعشق على ترس الفلام ) افضل ادى العربية غيارات وبعدين ادور تدور اعتقد دة عيب فى الاوتوماتيك بتاع المارش فهل يمكن تغير الاوتوماتيك لوحدة؟؟؟ وكام سعرة؟؟؟؟
2-عندى كمان رعشة خفيف فى العربية كلها وخصوصا عند تشغيل التكيف ياترى دى قواعد الموتور ولا حاجة تانية؟؟وهل الافضل قواعد مستعملة ولا جديد لانى سمعت ان التيوانى بعمل رعشة بردو؟؟
3-عاوز اعرف موديل المرسيدس اللى ممكن نشترى السوست بتعتها لتعلية العربية

ولكم جزيل الشكر والعرفان

اعتقد ينفع تغير الاتوماتيك لوحده
بس مقدرش افيدك فى السعر

والقواعد الاستيراد افضل 1000000000 مرة من التايوانى الجديدة
بس تكون حالتها نظيفة

من فضلكم عايز اعرف في طريقة لاضائة انوار الفتيس الاتوماتيك لانسر 99؟

المشاركة الأصلية كتبت بواسطة sasa3

مما شاء الله الكريستالاوية كل يوم بيزيدو عن اليوم الى قبله:):):)



بص هو تقريباا كده النور بتاع الفتيس الاوتو بيكون بلمبات صغيرة زى بتاعت التابلوه كده و دى اسمها لمبة بدون كعب حاول لو تعرف تفك الوش بتاع الفتيس معرفش الراحة ازاى لانىو معضم الناس هنا مانيوال بس هتلاقى اللمبات دى محروقة تغيرها بس كده و لو تغير معاهااى لمبات تانية محروقة فى العدادات او فى الاكر بتاعت التكييف



عند اى حد بتع قطع غيار للكريستالة ا والاكسسوار هتلاقى عنده الدلايات الى ورا دده و كانت ب10 جنيه الواحده ومتوفرة يعنى و ممكن تلاقى عنده الطاسة دى من قطع هما سعات بيبوعوها واحده واحده علشان لو حد زيك كده او قطع كان فيه عيب فى قطعه يبيعلك باقى الطقم

الف شكر يا باشا علي الرد
استفسارين والنبي
1-و التكييف شغال المروحتين بتوع التكييف و التبريد بيشتغلو ده كده صح و لا المفروض التكييف بس اللي تشتغل و التبريد تشتغل لما تحتاج تبرد بس؟
2- لما بيشتغلو الاتنين والتكييف شغال بيشتغلو شويه و يفصلو شويه هل ده كده مظبوط ؟
في السيفيا قبلها كانو الاتنين برضو بيشتغلو مع التكييف بس بيفضلو شغالين مش بيفصلو

استفسارين والنبي
1-و التكييف شغال المروحتين بتوع التكييف و التبريد بيشتغلو ده كده صح و لا المفروض التكييف بس اللي تشتغل و التبريد تشتغل لما تحتاج تبرد بس؟
2- لما بيشتغلو الاتنين والتكييف شغال بيشتغلو شويه و يفصلو شويه هل ده كده مظبوط ؟

1- هما مروحتين وانت فاتح الكبوت هيبقى علي يمينك مروحة التكييف ودى بتفضل طول مالتكييف شغال

والمروحه اللى علي شمالك دى مروحة الردياتير ودى بتشتغل علي ترموستات لما بيحس انه عايز يبرد الموتور بتشتغل لحد ماتديله التبريد وتفصل

وفى كل الحالات كلّه فى السليم متقلقش :)

لأن التكييف لازم يفصل ويشتغل عشان الكومبريسور مايتحرقش وبالتالى المروحه بتفصل معاه

فى الغالب بيفضل فاصل من 10 لـ 15 ثانيه وبيشتغل تانى :)