الموضوع: رابطة مالكي الكريستالة..لانسر 1996 - 2000

انا و فى الصعيد الجو لسه حر اوى فسالت على واحد بتاع تكييف سيارات قالو لى فيه واحد كان شغال فى الخليج و فاهم اوى رحت له فقام مفرغ كل الغاز الموجود فى التكييف بتاع عربيتى لانه به نسبة هواء
وبعد كده قام بسحب كل الغاز والهواء عن طريق كمبروسور خارجى حتى يتأكد من عدم وجود غاز داخل التكييف
وبعد كده جاب زيت Refrigeration Oil
وخلى كمبروسور العربيه يسحب شويه ( نصف كوب شاى ) داخل التكييف وبعد كده قام بملئ التكييف غاز
ولكن درجة تصقيع التكييف مش حلوه زى ما انا عايز لكن هو برر ذلك ان الفلتر بايظ والكومبروسور بتاع العربيه ضعيف شويه بيعمل باك للغاز ............... هل هذه المبررات تعمل كده؟؟؟

ولكن للاسف انا و راجع مصر فى الطريق زودت العربيه ماء لالرياتير و نسيت اغلق غطاء الرياتير فحصل اللى حصل والبهدله انا والاسره على الصحراوى (( وش سلندر )) خراطه وجوانات و .... فى اسيوط وما ادراكم ما اسيوط
و الحمد لله من قبل ومن بعد

المشاركة الأصلية كتبت بواسطة bonanza

قدر الله و ماشاء فعل

بس ازاي جابت وش سلندر .. انت ماخدتش بالك انها بتسخن ؟؟ ولا عداد الحرارة مكنش شغال ؟؟

و الله واخد بالى من عداد الحراه كعاده عندى انا وسايق على طوووول
ولكن بمجرد ما ارتفع المؤشر وقفت على جنب وفتحت الكبود ففجأة بالردياتير مفتوح و العطاء موجود على الشنب
و الحمد لله شدتها بعربيه ووديتها اقرب مدينه كانت اسيوط
و تم عمل شنبر وخراطة وش السلندر وجوان ورجعت بيها الى مصر
لكن كانت فى ملاحظه لما اسرع اكثر من 110كم/ س مؤشر الحراره يرتفع عن النصف و اضطر اقف وابرد العربيه عن طريق مروحة الردياتير ولازم اكمل السير على سرعه قصوى 90:80كم/س اكيد فى مشكله فى الردياتير يعنى محتاج تسليك
علشان تسلك شويه هههههههههههههه

المشاركة الأصلية كتبت بواسطة bonanza

اولا حمد لله علي سلامتك يا سيف باشا

بتوع التكييفات دول بصراحة الواحد مبقاش يثق في اي كلمة بتطلع من بقهم

و اي غلطة منه بتكلف فلوس كتير

انا غيرت كومبريسور
و غيرت الخراطيم
و شحنت فريون اولاد رزق ( المفروض انه انضف فريون بيستخدم في مصر )

و طلع التسقيع مش تمام
و الراجل قالي ده عيب فلتر

غيرت الفلتر
و غيرت اكسبينشن
و فكيت التلاجة الداخلية وغسلتها برة العربية
و شحنت فريون اخوان رزق تاني
و ظبت كربراتير

و بعد ده كلة بردة التكييف تسقيعة مش حلو

و لو رحت لبتاع التكييف تاني هايطلعلي العيب من اي حاجة تانية .. ممكن يقولي الكاسيت مأثر علي التكييف مثلا

هو قالك سببين لضعف التسقيع ( فلتر و ضعف الكومبريسور )
يعني المفروض كان قالك الكلام ده قبل ما يشحن و يبان ان التسقيع ضعيف

و هو ده عدم الضمير

الواحد عاوز ياخد دورة في صيانة التكيفات و يبقي يشتغل بأيدة في العربية احسن

بخصوص عربيتك

قدر الله و ماشاء فعل

بس ازاي جابت وش سلندر .. انت ماخدتش بالك انها بتسخن ؟؟ ولا عداد الحرارة مكنش شغال ؟؟

المراوح اللي علي الريادياتير لو سرعتها ضعيفة بتاثر علي التبريد بتاع التكييف عشان السربنتينة مش بتبرد كويس

و لو السربنتينه مسدودة بالتراب برضة بتعمل نفس الاعراض

و لو بعد ده كله التبريد مش كويس يبقي كمبريسور علي طول

والله اعلي و اعلم

المشاركة الأصلية كتبت بواسطة د.أبونضال

حضرتك تقصد العجنة دي fimo

مش بالظبط
بس هى بتبقى اسطوانية الشكل
وتقريبا بنفس قطر خرطوم المياه

المشاركة الأصلية كتبت بواسطة magdmohammed

انا غيرت زيت الفتيس بتاعى من شهرين (أول مرة اغيره) وحطيت زيت موبيل atf 220 (الكيلو بـ 30 او 35 جنيه مش فاكر الصراحة) والمفروض انها تاخد 7.8 لتر على حسب الكتالوج بس هى اخدت 6 لتر بس (مع انى فكيت الطبة وخليتهم يرفعو العربية علشان انزل اكبر كمية ممكنة من الزيت) وبالنسبة للفلتر كل ما كنت اروح لحد يقولى خد فلتر زيت الموتور بتاع الهيونداى بس انا بصراحة رفضت. ورحت اشتريت الفلتر الاصلى بس كان غالى شوية ب 130 جنيه بس قلت اشترى دماغى.

شكرا جدا لردك انا روحت اغيره دوخت على الفلتر الاصلى مش لاقيه كل ما اروح اسال عليه يقولولى خد بتاع هيونداى بس انا مش بحب اركب غير الاصلى اصلا بتاع هيونداى ده بتاع زيت موتور واخره 5 الف كيلو يعنى ازاى هيقعد 40 الف كيلو والراجل بتاع الزيت قالى مش هعرف اغير غير 5 لتر بس من الطبة فبصراحة مش عارف اعمل ايه انا عاوز اغير الزيت والفلتر ومش لاقى الفلتر ومش عارف انزل الزيت كله من الفتيس