الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة yasser.essam

الحمد لله والشكر لله نقلنا ملكيه ورخصنا العربيه بإسم الحاج دادى :d

واللى حصل كالأتى :d

روحنا الشعر العقارى بالرخصه وعملنا عقد بيع للنفس ( اللى هو لـ عصام :d )

بس الموظف اللى هناك كان رخم شويه .. طلب التوكيل الاساسى اللى عامله صاحب العربيه لأخوه ... والكلام ده طبعاً من زماان جداً . ( بس لحسن الحظ لقيناه موجود )

المهم

عملنا نقل الملكيه وكانت الرسوم كالأتى من الوصل


1- رسوم مقرره = 19 جنيه

2- دمغة اتساع ( ومتسألنيش يعنى إيه الكلام ده ) = 9 قروش =))

3- نقل ملكيه = 452 جنيه

4-متنوعه ( وبلاش تسأل برضوا ) = 1 قرش

5- رسم إضافى المحاكم = 3 جنيه

الإجمالى = 475 جنيه ..


كده نقل الملكيه خلص وكل سنه وانت طيب ^_^

الخطوه التانيه ( المروور ) ...

جبنا شهادة بيانات من المرور الأول للمرور التانى

وجبنا شهادة المخالفات من المرور الاول وسددناها فى نيابة المرور . كانوا 43 جنيه بس =))

بعد كده روحنا المرور التانى عملنا فحص ورفعنا البصمه

وبعدين المهندس راح كاتب جواب للمهندس اللى فى المرور الاولانى عشان يعمل مطابقة بصمه ..

إطلع علي المرور التانى بورقة الفحص والجواب للمهندس اللى فى المرور الاولانى عشان يمضي ويختم علي الورقه انها مطابقه ...

بعد كده ترجع للمرور التانى وتدفع

- التأمين الاجبارى

- الضريبه السنويه

- طفاية الحريق :d

1- التأمين الاجبارى = 102 جنيه

2- الضريبه السنويه = 193/سنه ..

3- الطفايه مش فاكر كانت 50 - 70 حاجه كده :d



فى حاجه لفتت نظرى فى الموضوع دى وهى

لما فكينا النمر بتاعة العربيه وروحنا لشباك نقل الملكيه

الموظفه قالت إنت جايب النمر دى ليه !

قولنالها مش حضرتك المفروض فى نقل الملكيه بنسلم النمر القديمه عشان ناخد النمر التابعه للمرور الحالى بالنظام لحالى اللى ماشى بيه المرور ..

قالت لأ طالما فى المحيط الجغرافى ( اللى هو نفس المحافظه يعنى ) - ( الجيزه ) , يبقى مش محتاج تغير النمر وهتفضل النمر زى ماهى ...

بينى وبينكوا مصلحه زى الفل لأن لو كنت سلمت النمر وخدت نمر جديده كنت هتدفع وتكع فلوس برضوا للنمر الجديده =))

والحمد لله علي كل شيء :)

اسف علي الاطاله بس انا قصدت اقول بالتفصيل عشان تعيشوا معايا فى الهم ده :p

الف مبروك يا ياسر
بتحس بعد الموضوع ده لما يخلص ان هم وانزاح من عليك

المشاركة الأصلية كتبت بواسطة memo200545

عندى سؤال ارجو حد يجاوبنى عليه انا النهاردة كنت ماشى على الطريق الزفت الزراعى اللى فيه كل كيلو مطبين هههههههههه المهم مطولش عليكما كل مهدى اخد مطب اللاقى الار بى ام على 700 ذى الفل شوية جيت اهدى على مطب تانى لقيت الار بى ام على 400 شوية جيت اهدى على مطب كمان لقيت العربية فصلت دورت العربية ومشيت تانى وبهدى لمطب لقيت الار بى ام على 700 وهكذا الخ الخ ايه العيب والحل ولكم جزيل الشكر

هو ملهاش علاج ولا ايه ايه اللى جرى ياشباب فينكوا

ازيكم يارجالة
يا رب تكونوا بخير.....كان عندي سؤال لخبراء الكريستاله.
لوحبيت أبيعها موديل 99 عامله 195000
ممكن تجيب كام هي حالتها جيده جدا..وزي الفل الحمد لله
مستني ردكم وألف شكر