الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة prisoner

من فترة كده كنت محتاج اغير تيل فرامل المهم دوخت عليه لانه خليجى وبعد بحث لقيته بس الصينى ومكنش قدامى غير انى اجيبه المهم توكلت على الله وجيبته والحمد لله شغال كويس بكام بقى ب65 جنيه بس خاماته نظيفة جدا وعجب الراجلاللى ركبهوللى المهم انهاردة نزلت اسال عليه قولت اجيب واحد احطياطى لقيته مغرق السوق وفيه منه نوعين نوع مكتوب ومحفور عليه انه يابانى والنوع الثانى الريمسا الاسبانى عملت مقارنة بين الاثنين اولا اليابانى سعره120 جنيه والريمسا سعره125 ولما مسكت الاثنين مش حاسس انهم يابانى والااسبانى والمفاجاة السعر اللى ضرب فى اثنين فى اقل من سنة انا كنت جايبه فى حدود 65-70 بالكتيير قولت خليهبقى لما يحصل حاجة تانية ابقى مظطر اجيبه بس محتار ومش عارف الواحد يفكر فى ايه تحياتى

صباح الفل عليك يا درش و علي كل حبايبنا الجدعان

بص يا باشا انا مجرب التيل التركي اسمه ( Beser ) و ده سعرة 60 جنيه

بقالي سنه تقريبا ماشي عليه و لسة مغيرة من 3 اسابييع بواحد تاني نفس النوع بردو

ولا بيصفر ولا بياكل الطنابير و شغال زي الفل

و دي صورته

11/11/

المشاركة الأصلية كتبت بواسطة prisoner

هوة مين اللى قال 185 انا اعرف ان الكربراتير 85 بس والانجكشن 100 وبعدينالكلام ده انا مش مقتنع بيه علشان كده لما بروح ومش بلاقى الراجل اللى هناك مش بقف مع حد خالص حتى لو لابس بالطو ابيض ويقولوا عليه دكتورررررررررررررررررر واللى عرفنى انها اشتغالة ان مفيش حاجة اسمها الاتشوك انت وحظك بيتفك وجوانات ويتنظف وكده يعنى

هحححححح (زافير شديد) انا ماكنتش عاوز اتكلم بس بصراحة بقى موضوع المركز دة كلة مرة بحس ان واخد اكتر من حقة اى نعم عارف انهم محترمين لكن مش لدرجة المثالية لانى وعلى كلامكم رحتلة وكانت لى تجربة سيئة جدااااااااااااا عندهم وكنت هعمل موضوع لكن تراجعت علشان لقيت ناس بتشكر فية كتير فاقلت هاجى على نفسى واعتبر انى حادث فردى ولا امثل المركز

المهم انا مش داخل اشرد لكن فعلا ركبوا الطبة الشهيرة وخرطوا التشوك (مكان تركيب الطبة)وحاسبونى على تصليح التشوك وعلى قطع الغيار وخرط التشوك وفى الاخر ماشتغلش مع العلم الطبة اللى اتحسبتلى ب 60 جنية تقريبا ما هى الى طبه عادية جدا (زى بتاعة كرتيرة الزيت ام 5 جنية لكن مقاس اكبر)
حساب خرط التشوك مش عارف كام مع ان باختصار تمشيط سن التشوك بيكون بالطبة الجديدة عادى او فى اسوأ الحالات بتمشط بعدة كدة اسمها بوجى( شكل المسمار بس سنة حاد) لكن كلمة خرط دة بتوهمنى انها راح لخراط وعملها على مخرطة

اخيرا انا فكيت التشوك بنفسى وصلحتة بعد ما اتأكدت انة مش شغال .... وعلى فكرة كل دة مش السبب انى اشتكى من المركز .... دة موضوع يطول شرحة....

بالنسبة لصاحب السؤال ممكن اساعدة ان يعرف ازاى يشغلة وان شاء الله هبقى اصور الطريقة فى اقرب وقت

بالمناسبة بردة انا بعمل كل حاجة فى العربية بنفسى تقريبا (اى شغل كهربا تركيب سنتر وانذار وفتح الشنطة بالريموت واصلاح مكنة المارشدير - تغيير سير كاتينة - تغيير وتعديل الريداتير والمراوح - تصليح كوعة الحساس المتآكل - تغيير السوست والمساعدين وجلب الشدادات - تغيير تيل الفرامل - شحن التكييف - وشوية حاجات خفافى كدة ) مالجأتش للميكانيكى الا لتغيير جوان وش السلندر و الدبرياج لانه دى بقى بهدلة جامدة وطبعا كلة بفضل الله ثم فضلكم

المشاركة الأصلية كتبت بواسطة m_adeleid

طب احنا كده عاوزين حد فاهم نلجأله في موضوع النتشه اللي علي الاول و التاني و تصليح السخان

مكونات السخان
جسم خارجى فية مدخل ومخرج للمياة من دورة مياة التبريد وحساس حرارة زى بتاع سخان الغاز وعمود متصل بالسخان وهو المسئول عن خفض سرعة المحرك

فكرة عمل السخان
السخان فى حقيقتة لما بيشتغل بيعمل على خفض سرعىة المحرك بمعنى ان فى الوضع العادى (الموتور بارد) بيكون الزراع اللى باللون الاخضر راجع للخلف برد فعل بسوستة مرتبطة بزراع زيادة السرعة ياعنى تقدر تقول كأنك دايس على دواسة البنزين او بمعنى اخر ان الموتور فى الوضع العادى المفروض ال RPM يكون على 1200 لفة حتى لو السخان مش موجود

طريقة عمل السخان
لما الموتور يسخن فالبتالى مية التبريد هتسخن وسخونة المية هتخلى حساس الحرارة اللى باللون الاحمر يتمدد فيدفع العمود اللى باللون الاحمر اللى متصل بذراع دواسة البنزين وبالتالى كأنك شلت رجلك من على دواسة البنزين فالموتور سرعت هتقل وبكدة يرجع لسرعتة الظبوطة 900 او 1000 وطبعا لما المية ترجع لدرجة الحرارة العادية الحساس هينكمش فذراع زيادة السرعة بفعل السوسة هيتقدم سنة للامام فى اتجاة زيادة السرعة

أعطال السخان
الحساس نادرا ما يبوظ لكن معظم الاعطال ان يقفش فى جسم السخان من الاملاح الموجودة فى المية وطريقة اصلاحة انة يتفك ويتنظف كويس بالاضافة الى تغيير الطبة لو كانت بتسرب بطبة تانية بمقاس اكبر