الموضوع: رابطة مالكي الكريستالة..لانسر 1996 - 2000

المشاركة الأصلية كتبت بواسطة mohammedabdallh

يا كبير انت جايب كوريك 2 طن وده فعلا سعره
الواحد طن ب 90 او اقل شويه
ربنا يباركلك فى العربيه
وتدوبها فى شوارع مصر
الله يبارك فيك وفى كل عشاق ومحبى الكريستالة

[QUOTE=emmer;3874554081]سؤال بقى تاني انا عندي مشكلة فى المارش هو احيانا بيفوت وانا بدور وبقعد احيلة مرة واتنين لحد مايلقط وصلحتة عند كهربائي وبرضة لسة العيب موجود امشي بية شوية كدة ولا اغيرة انا قلقان علشان العربية اتوماتيك وبسافر بيها كتير رأيكم اية ياجماعه ؟؟
وسؤال تاني هي اية الموبينة دي وبتعمل اية ؟
بص ياسيد الناس انا كان عندى حوار المارش زى عندك بالضبط واحدقال دة الاتوماتيتك
واحد قال دة ترس المارش
واحد قال ترس الفلام
دة طبعا كلام الكهربائية
دورت فى النت كتير على المشكلة دى وكان الجواب فى ترس المارش نفسة هو اللى عاوز يتغير وهو ثمنة من 40 ل 55 جنية حسب بلد المنشاء
نيجى بقا لسؤال الثانى الموبينة دى بطلع كهرباء ذات جهد عالى جداااااااااااا علشان البوجيهات تتطلع الشرارة بتعتها علشان عملية الاشتعال داخل غرف الاحتراق ويقال ان الفولت الخارج من الموبينة قد يصل الى 400او 1000فولت فى بعض الانواع

[QUOTE=ahmed_h_g;3874556270]

المشاركة الأصلية كتبت بواسطة osman1

تعديل بسيط
خرج الموبينة من 15 الى 25 الف فولت

ولو عايز تعرف معلومات أكتر أقرأ هذا الموضوع
http://www.nilemotors.net/Nile/91787-a.html

شكراااااااااااااااا لمرورك الكريم وكذلك لتعديلك البسيط بس جرب تمسك سلك الخارج من الموبينة طالع على الاسبرتير ودة طبعا فى العربيات القديمة وتكون العربية دايرة نصيحة من اخ اصغر ليك بلاش وعن تجربة

المشاركة الأصلية كتبت بواسطة m_adeleid

لا يا باشا بتتفك عادي من غير حاجه توسع
هوا المكان ضيق فعلا بس انت حاول تسايسها كده حتي ممكن بصباع واحد
اتجاه الفك ناحيه اليمين في اللمبتين
انت ساكن فين
لو قريب اعملهوملك انا ساكن في حلميه الزيتون شارع سليم الاول

يا باشا الف شكر ليك وعلي ردك السريع وعلي معلوماتك الكتيرة انا مش عايز اتعبك معايا بس انا للاسف ساكن بعيد عنك انا هحاول معاها
بس انا ليا سؤال تاني كده
من فترة انا غيرت السمعات الاصلية بسمعات بايونير 500 وات بيضاوي ففتحت في الصاج بس الراجل بعد ما حط السمعتين سابهم من غير ما يربطهم بمسامير هو الصوت كان حلو والبيز كويس جدا بس لو في مطب كنت بسمع تخبيط في الصاج فركبت الوش الاصلي بتاع السمعات الاصلية وزنقت السمعتين كويس صوت التخبيط راح مع المطبات بس البيز تقريبا مبقاش موجود الا مع تعلية السمعتين اوي وبيبقي الصوت مش حلو اوي انا مش عارف اعمل ايه ياريت لو تفيدني

ياجماعه انا عندى الفانوسين بتوع الكريستاله اضائتهم زى الزفت لدرجة ان لما الليل بيدخل عليا وانا بالكريستاله برجع البيت اخد البومة علشان نور الكريستاله مش بيسعفنى فى الروية على السريع دلوقتى انا الفوانيس عندى واحد مشبر اوى والتانى نص نص فانا عاوز اغيرهم فهل اجيب جديد ديبو تايوانى ولا اجيب اصلى استيراد جوز التايوانى عامل 250 جنيه والاستيراد الجوز عامل 450 السوال هنا انهى احسن الجديد ولا الاصلى وايه الفرق بينهم كااضاءة ولو هجيب استيراد اضمن منين انهم اصلى
تانى حاجة لو انا عاوز اضائة قوية اجيب لمبات نوعها ايه وشدتها اد ايه

المشاركة الأصلية كتبت بواسطة moody1987

يا باشا الف شكر ليك وعلي ردك السريع وعلي معلوماتك الكتيرة انا مش عايز اتعبك معايا بس انا للاسف ساكن بعيد عنك انا هحاول معاها
بس انا ليا سؤال تاني كده
من فترة انا غيرت السمعات الاصلية بسمعات بايونير 500 وات بيضاوي ففتحت في الصاج بس الراجل بعد ما حط السمعتين سابهم من غير ما يربطهم بمسامير هو الصوت كان حلو والبيز كويس جدا بس لو في مطب كنت بسمع تخبيط في الصاج فركبت الوش الاصلي بتاع السمعات الاصلية وزنقت السمعتين كويس صوت التخبيط راح مع المطبات بس البيز تقريبا مبقاش موجود الا مع تعلية السمعتين اوي وبيبقي الصوت مش حلو اوي انا مش عارف اعمل ايه ياريت لو تفيدني

رأيي ان السماعات لازم تتربط و البيز كان عامل كده من عدم الربط بتاعهم
انا مخضتش التجربه بتاعه تغيير السماعات قبل كده علشان لسا شغال بالستوك
بس مومو لسا مغير سماعات جديد ممكن يقولك تعمل ايه بالظبط