رابطة مالكي الكريستالة..لانسر 1996 - 2000

**shrifelmasry** · 08-11-2012 08:33 PM

تحياتي للجميع

عندي مشكلة ياجماعة في ماكينة القزاز لباب السائق
من فترة بنزل القزاز بزرار الاتوماتيك ....نزل القزاز وقال طاخ ... ومقلش حاجة بعدها .. واكتشفت ان لوح القزاز وقع في قلب الباب ، والماكينة بتلف عل الفاضي .

رحت لبتاع أبواب ... فك الباب وطلع الماكينة بالماسورة اللي عليها الحتة الفيبر البيضاء ، اللي بتطلع القزاز وتنزلة ، ولقينا السلك مقطوع .

غيرنا السلك اللي هو كان فيه حاجة زى دبله بتحكم الفيبر الابيض عشان ترفع القزاز وتنزلة بواحد جديد وعمل لحام بدل الدبلة دي ، وجربناة ووووووووووو وقع تاني

المهم : الصنايعي عمل لحام للفيبر شوية أمير مع طافية سجاير مع محلول بودرة العفريت .... وركب القزاز .... اشتغل القزاز زي الفل وبعد يومين ... ووووووووووو وقع تاني

نفس القصة ........ ووووووووووو وقع رابع ، لكن انا سألتة لو الموضوع دة اتكرر هانعمل اية ؟؟؟ قال اشتري ماكينة قزاز كهرباء من غير موتور من الحرفيين وهات اركبها لك .

*الاستشارة : ( أكون شاكر اجابتكم عليها )

- هو انا لازم فعلاً اشتري الماكينة ؟ وهل بتتباع من غير موتور ؟
- وتقريباً السعر كام ؟ ومين ممكن نلاقي عندة الماكينة ؟

صورة المطلوب

**M.Elgergawy** · 08-11-2012 08:56 PM

المشاركة الأصلية كتبت بواسطة prisoner

ياريت كلنا ندعى لابن اخينا محمد الجرجاوى علشان عمل عملية دقيقة جدا والحمد لله خلصت على خير وربنا يتم شفاه على خير والف حمد الله على سلامتك سيف باشا

المشاركة الأصلية كتبت بواسطة yasser.essam

الحمد لله إبن محمد الجرجاوى فى تحسن ورربنا يتم شفاه علي خير بإذن الله :)

المشاركة الأصلية كتبت بواسطة m_adeleid

الف سلامه علي ابنك يا محمد وربنا يقومهولكو بالسلامه يا رب
داوو مرضاكم بالصدقه
اسأل مجرب

المشاركة الأصلية كتبت بواسطة saif1112

استاذ / مصطفى
كل سنه وحضرتك طيب
اسأل الله العظيم رب العرش العظيم ان يشفى بن الجرجاوى شفاءا لا يغادر سقما
انه ولى ذلك والقادر عليه

المشاركة الأصلية كتبت بواسطة emmer

الف سلامة على ابنك اخي العزيز محمد الجرجاوي ربنا يقومهولك بالسلامة

المشاركة الأصلية كتبت بواسطة husseinthemaster

الف سلامة يا استاذ محمد علي ابن حضرتك وربنا يقومة بالسلامة

المشاركة الأصلية كتبت بواسطة minded

الف مليون سلامة يا جرجاوي علي ابنك وربنا يشفيه ويبقي بالف خير

السلام عليكم جميعا وفعلا وحشتوني جدا
وبشكر كل الناس المحترمة هنا في المنتدى وفعلا والله كلكوا اكتر من الاخوات وربنا يديم المحبة بينا جميعا وشكرا على الدعوات الجميلة.
والحمدلله عمر ابني خرج ظهر اليوم من المستشفى والدكتور طمني الحمدلله

**shrifelmasry** · 08-11-2012 09:07 PM

.
ألف لا بأس علية ... و يقوم لكم بالسلامة ويفرحكم ... اللهم آمين

**bondokdar** · 09-11-2012 10:38 AM

اولا بجد بقالى 4 ساعات مش عارف اقوم من على الجهاز من كتر المعلومات اللى هنا والناس الجامده الشيك اللى حابه تخدم بعض اتمنى اكون واحد منكم و يا ريت التواصل مع الجميع اسمى محمد سيد محاسب فى شركه الكهرباء ساكن فى المعادى و شهرتى بندق معلش ملازمنى من وانا صغير اولا قبل ما نسى الف الف حمد لله على سلامه ابن الاستاذ جرجاوى و يا رب يحفظه و يحفظ كل الناس من كل شر .. عربيتى 98 عامله 182 الف و الحمد لله حالتها كويسه و عاجبانى تجربه الكريستاله بجد و ليا بقى شويه استفسارات
ا
اولا .. بما انى من سكان المعادى همام بتاع صقر قريش جامد بجد و لا غالىو صيت على الفاضى كمان عاوز اركب عتب اروح لمين و بيكون فيبر و لا صاج
ثانيا مين هنا فى الرابطه من المعادى او المناطق المحيطه حابب نتقابل و نتعرف و نفيد بعض
ثالثا .. انا عاوز احضر اشوف الناس كلها المقابله الجايه فين و امتى
رابعا .. عاوز اركب زينون ايه يكون نوعه و منين
خامسا ده تليفونى للتواصل و بجد تشرف بكل الناس 01223312495

**shrifelmasry** · 09-11-2012 01:37 PM

أنا قلت دي صورة يمكن توضح أنا قصدي اية وبتكلم عن اية

يمكن حد يقدر يفيدني

مع ملاحظة أن ماكينة الزجاج اللي فى الصور ل لانوس - دايو

و اتمني مشاركة الاعضاء

**momo44** · 09-11-2012 01:57 PM

المشاركة الأصلية كتبت بواسطة shrifelmasry

أنا قلت دي صورة يمكن توضح أنا قصدي اية وبتكلم عن اية

يمكن حد يقدر يفيدني

مع ملاحظة أن ماكينة الزجاج اللي فى الصور ل لانوس - دايو

و اتمني مشاركة الاعضاء

ماكينة الزجاج بتتباع عند زوزا ب 150 جنيه وطبعاا بالماتور

**husseinthemaster** · 09-11-2012 03:39 PM

السلام عليكم انا عايز اقولكم علي حاجة مفيدة جدا انا كان الردياتير اتخرم من العلبة اللي تحت كنت طلعت علي الرصيف وطبعا رحت لكذا واحد كلة قال لازم العلبة تتغير بكام ب100 جنية وفي قالو الردياتير اتلوح ومش هينفع تاني تركبة علبة لازم يتغير الجديد ب450 والاستيراد 400 المهم انا اول متخبط كان بليل ولازم اروح جبت حاجة اسمها العجينة السحرية ولحمتة بيها قعد يومين وفك وبعدين لحمتة تاني بقي بنقط بسيط قلت لغاية ما ربنا يسهل واجيب واحد وبعدين كنت في سبنس لقيت علبة مكتوب عليها لحام الردياتير المهم جبتها كانت ب11 جنية وحطيتها مع المياة وسبت العربية دايرة عشر دقايق والمفاجاة ان الخرم اتسد وكلة بقي تمام فحبيت اعرفكم كلكم عشان الكل يستفيد وشكرا

**prisoner** · 09-11-2012 07:26 PM

المشاركة الأصلية كتبت بواسطة bondokdar

اولا بجد بقالى 4 ساعات مش عارف اقوم من على الجهاز من كتر المعلومات اللى هنا والناس الجامده الشيك اللى حابه تخدم بعض اتمنى اكون واحد منكم و يا ريت التواصل مع الجميع اسمى محمد سيد محاسب فى شركه الكهرباء ساكن فى المعادى و شهرتى بندق معلش ملازمنى من وانا صغير اولا قبل ما نسى الف الف حمد لله على سلامه ابن الاستاذ جرجاوى و يا رب يحفظه و يحفظ كل الناس من كل شر .. عربيتى 98 عامله 182 الف و الحمد لله حالتها كويسه و عاجبانى تجربه الكريستاله بجد و ليا بقى شويه استفسارات
ا
اولا .. بما انى من سكان المعادى همام بتاع صقر قريش جامد بجد و لا غالىو صيت على الفاضى كمان عاوز اركب عتب اروح لمين و بيكون فيبر و لا صاج
ثانيا مين هنا فى الرابطه من المعادى او المناطق المحيطه حابب نتقابل و نتعرف و نفيد بعض
ثالثا .. انا عاوز احضر اشوف الناس كلها المقابله الجايه فين و امتى
رابعا .. عاوز اركب زينون ايه يكون نوعه و منين
خامسا ده تليفونى للتواصل و بجد تشرف بكل الناس 01223312495

اهلا وسهلا بيك معانا وماشاء الله دايما في زيادة
ربنا يزيد ويبارك ويشرفنا معرفتك
وبالنسبة للمعادي انا عن نفسي معرفش حد علشان احكم عليها ولسة تقي الاعضاء اكيد هيفيدوك اكتر مني
تحياتي

**bondokdar** · 10-11-2012 12:53 AM

يا باشا ربنا يخليك و دايما كده سباق بالخير تابعت حوارات كتير و عرفت انك من الشخصيات المهمه هنا قوى يشرفنى معرفتك يا كبير لحد ما نتقابل ان شاء الله

**Yasser.Essam** · 10-11-2012 02:35 AM

حمداً لله علي سلامة عمر محمد الجرجاوى وربنا يحميه من كل شر ومكروه :)

============================

اهلاً وسهلاً بيك يا بندق باشا معانا :)

اصغر كريستالاوى فى الرابطه ^_^

21 سنه اخوك الصغير يعنى

وربنا يباركلك في عربيتك ويكفيك شر الحوادث والحموله الزياده عشان ماتحكش :d

طب ماينفعش إمبابه يا بندق :d

بالنسبه للزينون فى كله صينى بس فى حاجات بتبدأ من 250 وانت طالع :) فـ خير الامور الوسط وعلي حسب ظروف حضرتك :)

بالنسبه للمقابله الناس بتحدد قبلها بكام يوم المعاد والمكان والساعه كام وهنتجمع إن شاء الله

كان فى مقابله من فتره بس ندمت إنى ماروحتش بس هتتعوض بإذن الله

وما شاء الله الرابطه بتزيد والناس الحلوه بتزيد وربنا يديمها :)

أخوك ياسر :)