الموضوع: يا سلااااام علي شهامة المصريين

معلش ياجماعة مع احترامى لكل الأراء
بس واضح ان كل الناس عندهم عقدة الخواجة
يعنى انتوا بتلوموا الناس اللى راحت تتقدم عشان تتجوز السوريات دول
طب والراجل الطيب اللى كتر خيره راح يكفلهم ليه ماكفلش مصريات؟؟؟ اشمعنا سوريات
ليه اللى عنده محل دلوقتى عايز يشغل فيه سوريين طب ماعندك ولاد وبنات بلدك
ليه اللى عايز يتجوز بيدور على سوريات
ليه اللى بيدخل محل ويلاقى البياع مش مصرى بيشترى الحاجة حتى لو مش هايستخدمها ... وممكن كمان يشتريها من فرشة على الرصيف لمجرد ان البياع سورى
لييه وألف ليييييه
أنا عارف ان كتييير هايعارضونى...ولكن أنا فعلا متعاطف مع سوريا وأهلها وقضيتها...بس هما جم هنا هربانين من اللى بيحصل وكتر خيرنا كمان بنساعدهم ..... بس يعنى هو احنا حالنا كويس قوى؟؟؟؟؟؟ ما احنا منيلييين بنيلة وظروفنا الاقتصادية مهببة.....الحمد لله كل اللى فى المنتدى بيتبارى لفعل الخير مع هؤلاء الفتيات...مع إن فى مصريين كتييييييير مش لاقيين...صدقونى فى جوازات مش بتتم عشان العروسة مش قادرة تكمل جهازها

في ناس بتحسبه من وجهه نظرهم بكذا طريقه
اللي يقول انهم ناس جايين هربانين من حرب و بتكون حالهم تعبان ماديا و معنويا
و مالهمش حد في البلد ممكن يساعدهم
فبيحاول يسعدوهم باي حاجه

وفي ناس متخلفه كتير بيشغلوهم علشان لسانه حلو و لا شكله ولا شكلها حلو
وطبعا كتير بيدور انه يتجوز سوريه علشان حلوه
لو كانوا من افريقيا ولا كان حد عبرهم مع احترامي ليهم