مشكلة مع الكريديت كارد ارجو الافادة

**MoneyWizard** · 19-03-2014 01:36 PM

بسم الله الرحمن الرحيم

انا كنت عامل فيزا ماستر كارد مع بنك مصر للمشتريات في السفر عن طريق شهاده استثمار وعمل لوك على جزء من الشهاده المشكة بدات لما حصلت ظروف اجبرتني اسحب كاش وتم خصم مبالغ كبيره علشان السحب الكاش طبعا انشغلت ونسيت الموضوع لان كل اللي سحبته في دماغي انه من الشهاده عندي وطبعا صدمت بعد فتره لما اكتشفت اني مدويون للبنك بمبلغ من المال كنت سحبته كاش من شهاده الاستثمار

دلوقتي انا مديون للبنك بمبلغ وانا ليا شهاده عندهم ياريت حد عنده خبره يفدني ايه اللي اقدر اعمله

هل اسد اللي سحبته واحول الشهاده حساب جاري

ويا ترى ايه المده اللي حقدر اني اسحب فيها الفلوس تاني من الحساب الجاري

ولو سبت الموضوع نهائي هل الكريديت حتتكنسل لوحدها ولا حلاقي نفسي مديون بعد سنه بمبلغ للبنك خيالي

**maheralsisi** · 19-03-2014 02:54 PM

انا هاقولك اللى اعرفه
حلها و سدد بأى طريقة و ما تكنسلش الموضوع لان البنك بيعد فوايد عليك و بعد سنة هاتلاقى المبلغ اللى عليك زاد

**ahmedteam** · 19-03-2014 03:27 PM

من الاخر اللى اعرفه انك لازم هتدفع و متحاولش تتأخر اكتر من كده او تحور عليهم علشان النتيجه هتكون مش تمام

متزعلش منى انا بقول الحقيقه

**MoneyWizard** · 19-03-2014 04:01 PM

المشاركة الأصلية كتبت بواسطة ahmedteam

من الاخر اللى اعرفه انك لازم هتدفع و متحاولش تتأخر اكتر من كده او تحور عليهم علشان النتيجه هتكون مش تمام

متزعلش منى انا بقول الحقيقه

لا خالص يا باشا انا مش بحور ولا حاجه عليهم كل القصه اني حطيت مبلغ للمشتريات كشهاده استثمار ولما سحبت فلوس بقيت من دائن لمديون

ان شاء الله اسدد والغي الكريديت لانها خسرتني مبلغ محترم والحمدلله