الموضوع: تكريم فيفي عبدوا (( الأم المثالية )) تعليقكم يابهوات :)

المشاركة الأصلية كتبت بواسطة تامر.محمد

ههههههههههههههههههههههههه ههه

و الله انا مش عارف يعني الواحد لما يشوف حاجة غلط و يقول دي غلط هايخسر ايه
مفروض ولا حاجة
بس للاسف لان الواحد بيبقى مويد للوضع على بعضه فبياخده لكشة بكل بلاويه و يدافع عنها كانه بيدافع عن نفسه
صدق من قال العند بي. ..
ولا بلاش لتتفهم غلط

Sent from my GT-N7000 using Forum Runner

اللي كرمها نادي الطيران بتاع الطيارين والمضيفين الجويين وهما حرين في اختيارهم ولو الحكومه اللي كانت كرمتها (وزاره الشؤون الاجتماعيه مثلا) كان من حق الواحد يعترض وينتقد القرار.

الغلط بقى لما نمسك في تصرف فردي من جهه خاصه ونقول ده اتجاه الحكم الحالي وبتاع. أي هري فاضي ومش هيمشي البضاعه البايره بتاع الشرعيه في المهلبيه.

المشاركة الأصلية كتبت بواسطة mtak

هى الناس زعلانه ليه

واحده لها ما لها و عليها ما عليها , تم تكريمها على امومتها

ايه المشكله ما هى تعبت و اشتغلت سنين طويله علشان تطلع جيل و را جيل

نتكلم بجد , الناس زعلانه ليه و عامله الهياج دا كله

ليه كل مره يترمى حاجه للناس يقوم الناس تهييج وراها و تنسى اى حاجه تانيه بتحصل فى البلد

ايه يعنى خدت الام و لا الست و لا حتى سيده القصر

لو انت زعلان انها اهانه لكلمه الام المثاليه , خلاص يا عم و خلاص يا افندم لما ييجوا يكرنوا الست الوالده قولهم التكريم فقد مصداقيته

النقطه التانيه , هى الناس شايفه ان البلد لامؤاخذه ماشيه على الصراط المستقيم و دى جت غلط

انا ابقى صحيح زعلان لما يبقى فى مثل سميره موسى و فيفى عبده و الاقيهم بيكرموا فيفى و سايبيين سميره (الله يرحمها)

هما لو كرموا مثلا الفنانه دلال عبد العزيز على انها ام مثاليه هاتسكتوا و لا برضوا هايحصل اللى بيحصل

كلنا فينا العيب و نبص على عيوب غيرنا

كلنا منذ اجيال لما كنا بنقعد بالساعات قدام التليفزيون علشان نشوف الفنانه الفلانيه و الفنان العلانى و هو بيتكلم عن مشواره و الصعوبات اللى قابلته
او بنقعد علشان نشوفهم بيمثلوا بدون كلام

الله يمسيه بالخير لى صديق هاجر امريكا من فتره و بفضل الله وصل الى انه اصبح يعمل فى نقطه معينه لا يوجد بالولايات المتحده الامريكيه كلها اكثر من 200 شخص

فى نفس التخصص

كان دايما يقول لى قبل ما يهاجر (عندما نتكلم عن البرامج الحواريه الفنيه) مين دى او ده علشان اقعد اتفرج عليهم

و ايه اللى ممكن يقولوه استطيع الاستفاده منه

---------------------------------

نقطه على جنب و ارجو الا يفهمنى احد خطأ و لا اقصد اسقاط على اى شخص بالمنتدى

من 3 سنوات

لو كنت قابلت فيفى فى محل او فرح , كام واحد هايروح يتصور معاها و يرجع يحكى لاصحابه انه شاف فيفى على الحقيقه

و يقعد يوصف هى مقاساتها على الحقيقه غير ما بتظهر و الكلام من هذا القبيل

---------

لو الناس لقت فيفى مره واحده فى المترو راكبه معهم , تفتكروا هايحصل ايه (طبعا غير التحام الجماهير و قوى الشعب وقتها)
---------************************-----------------------
رحم الله الشيخ الفاضل / عطيه صقر

ايام الكليه كان ساكن فى الشارع اللى ورايا و رأيته يركب معى مترو الانفاق كأى شخص عادى و الناس ......................

يا بيه طول عمرها بلد الرقاصات ولعيبه الكوره وده متغيرش ولا السنه دي ولا اللي فاتت ولا اللي قبلها. على رأيك ايه الجديد يعني. على ما اتذكر أخر عالم اتكرم في مصر كان احمد زويل وده من 10 سنين وأكتر وكان بعد ما خد جايزه نوبل خلاص وحتى دلوقتي بيقولو عليه طابور خامس وعميل الخ الخ ولما تبص على اللي بيقول عليه كده تلاقيه طبال زفه.

المشاركة الأصلية كتبت بواسطة تامر.محمد

لا يا راجل
و كان بيحصل قبل كده ان اي جهة في البلد دي تجروء تعمل حركة زي دي؟
ولا هما فهموا اللي مانتاش عايز تفهمه؟

دخل الشرعية و المهلبية في اي حاجة و خلاص و اهو تدي لنفسك مبرر تدافع عن تكريم الرقاصين

sent from my gt-n7000 using forum runner

معلشي فكرني كده بالحته اللي أنا دافعت فيها عن تكريم الرقاصين عشان فاتتني ملحقتهاش.

أعطى من لا يملك من لا يستحق