الموضوع: تكريم فيفي عبدوا (( الأم المثالية )) تعليقكم يابهوات :)

المشاركة الأصلية كتبت بواسطة m.abdou

يا باشا الامر ملوش دعوه ولا بمهلبيه ولا شرعيه

وبلاش تاخد الموضوع فى اتجاه تانى خاالص

الامر حتى لو مش مهنه الرقص مش وليده اليوم ومن زمان فى مصر لكن معامله الراقصه وتكريمها والرفع من شانها بهذه الطريقه هوا اللى جديد على حياتنا

وافتكر دايما انه من زمان ومن ايام الرسول عليه الصلاه والسلام كان فى زنا وسرقه ووووو

لكن كانت محدوده مش مستفحله والاهم كمان انها كانت متواريه ولا يتشرف صاحبها بها

من علامات يوم القيامه ان يزنى الرجل بالمراه على قارعه الطريق

متقوليش بقى وايه يعنى ما هوا فى ايامنا دى الزنا مالى البلد والشقق المفروشه كتير والكلام ده

نشر الذنب والتفاخر به والتعليه من اصحاب الذنوب بلووووووه ومصيبه اكتر من الذنب نفسه لان ده بيكسر الثوابت عند اللى بعدينا بيخليهم ميعرفوش اصلا اصلا فين الصح وفين الغلط

فهمت ليه اللى زيى مضايقين وشايفين الامر مش عادى؟؟؟؟؟؟؟؟

أكيد اختيار رقاصه كأم مثاليه شيء غير اخلاقي بالمره بس العيب لو جه من أهل العيب ميبقاش عيب فمستني ايه من نادي الطيارين ومضيفات الميني جيب؟ من حكم في ماله ما ظلم وهما حرين في اختيارهم يعني لو نادي المهندسين عمل حاجه غلط المهندسين هما اللي من حقهم يعترضو لأنها في وشهم وبفلوس اشتراكاتهم. ولو نادي الاطباء كذلك الخ الخ دي فئه من المجتمع اختارت اختيار ومتفقه عليه هما حرين يولعو بجاز ودلوقتي بيحاولو يجملو شكلهم ويقولو ان اداره النادي مختارتش حد ولا كان فيه ترشيحات اصلا لكن الموضوع كان قرار فردي من المشرف الاجتماعي في النادي برضه دي مشكلتهم ملناش دعوه بيها.

واللي دخل الشرعيه في الموضوع ان حزب الشرعيه كان عامل حفله جايب فيها رقاصه والناس الشرعيين كانو مبسوطين عادي فالمواضيع بتجيب بعضها انما ان كان فيفي عبده ولا دولي شاهين الاتنين يولعو بجاز مكان ما يكونو والغلط غلط في أي مكان وزمان ورفضي ليه واضح للي عايز يشوفه.

كله بالحب

مهو ملكة جمال مصر مبتبقاش حلوه ولا نيله كله بالحـــــب

لا حول ولا قوة الا بالله
يارب ارحمنا انا فعلا شفت الخبر ومكنتش مصدق نفسي وقعدت اقرا الردود كلها وبصراحة استفدت كتير قوى مابين مؤيد ومعارض والغريب انى متفق مع كل الاراء ( مش نفاق يعني ) لا انا مع الاخ اللى قال مالناش دعوة ولو كنا شفناها فى فرح او كدة ومع كل واحد سخر منها لانها اقل واجب انا زى الناس اللى لو كانت ردت كانت اتنسفت مدى الحياة مش اتوقفت بس فعلا الواحد المفروض يسكت عند المواقف اللى زى دى ويشوف طالعة اصلا من عند مين المشكلة اللى اكتر صعوبة انحدار الاخلاق بشكل غريب لما الواحد بيروح كافيه او مطعم فى حتة محترمة محدش بيشوف البنات واخلاقها ولبسها والله انا اكتر من مكان دخلته افتكر ان احنا برة مصر ومش مصدق اللى بشوفه بنات صغيرة وبتشرب شيشة ومش بيتكسفوا وده للاسف الى فى كل موضوع سياسي اقوله للاسف الامريكان واليهود اتمكنوا مننا جامد جدا ونجحوا يحتلونا بس مش عسكريا وده اللى هامننا وقاعدين نقول حضارة 7000 سنة وانتصار 73 ومنعرفش الخيبة الاكبر انهم احتلونا بس باسلوب تانى هما شافوا ان احنا شعب يزهق وهنتعبهم لو احتلونا عسكريا قالو يدخلو من الحاجات اللى احنا بنحبها وللاسف اتمكنوا مننا قوى والله العظيم سواء فى القاهرة او الساحل او اسكندرية عموما احس انى مش فى مصر ربنا يرحمنا وبتمنى لنفسي قبل اى حد ان احنا نفوق ونبطل نشتم بعض ونقوم البلد دى تانى وانا كنت واحد من الناس اللى بتشتم فى البلد لغاية مافكرت قد ايه ربنا سلمنا البلد دى من انظف مما يكون واحنا اللى رمينا الزبالة واسف جدا على الاطالة وتقبلوا راى ومرورى تحياتى

المشاركة الأصلية كتبت بواسطة Ahmed_Adham

أكيد اختيار رقاصه كأم مثاليه شيء غير اخلاقي بالمره بس العيب لو جه من أهل العيب ميبقاش عيب فمستني ايه من نادي الطيارين ومضيفات الميني جيب؟ من حكم في ماله ما ظلم وهما حرين في اختيارهم يعني لو نادي المهندسين عمل حاجه غلط المهندسين هما اللي من حقهم يعترضو لأنها في وشهم وبفلوس اشتراكاتهم. ولو نادي الاطباء كذلك الخ الخ دي فئه من المجتمع اختارت اختيار ومتفقه عليه هما حرين يولعو بجاز ودلوقتي بيحاولو يجملو شكلهم ويقولو ان اداره النادي مختارتش حد ولا كان فيه ترشيحات اصلا لكن الموضوع كان قرار فردي من المشرف الاجتماعي في النادي برضه دي مشكلتهم ملناش دعوه بيها.

واللي دخل الشرعيه في الموضوع ان حزب الشرعيه كان عامل حفله جايب فيها رقاصه والناس الشرعيين كانو مبسوطين عادي فالمواضيع بتجيب بعضها انما ان كان فيفي عبده ولا دولي شاهين الاتنين يولعو بجاز مكان ما يكونو والغلط غلط في أي مكان وزمان ورفضي ليه واضح للي عايز يشوفه.

اللى ودانا فى داهيه ومصيبه كلمه هما حرين فى رايهم

يعملوا اللى هما عاوزينه

ده فى وشهم هما مش وشنا احنا

انا مش حرد عليك بمقاله كبيره واقولك ده اجتماعيا واخلاقيا مينفعش والكلام ده

انا حذكرك حديث عن الرسول كانه موصوف للرد على الكلام بتاعك ده بالظبط

لو لسه مش مقتنع بعد ما تعرفه يبقى شكرا انا معنديش كلام حقدر ااقولهولك تانى


حدثنا أبو نعيم حدثنا زكرياء قال سمعت عامرا يقول سمعت النعمان بن بشير رضي الله عنهما عن النبي صلى الله عليه وسلم قال مثل القائم على حدود الله والواقع فيها كمثل قوم استهموا على سفينة فأصاب بعضهم أعلاها وبعضهم أسفلها فكان الذين في أسفلها إذا استقوا من الماء مروا على من فوقهم فقالوا لو أنا خرقنا في نصيبنا خرقا ولم نؤذ من فوقنا فإن يتركوهم وما أرادوا هلكوا جميعا وإن أخذوا على أيديهم نجوا ونجوا جميعا