تيجوا نظبط الفورد اسكورت؟؟؟؟؟؟

**theking_y** · 21-10-2008 11:32 PM

يا جماعة لو العربية ال معاكم 1300 cc فلازم يكون صوتها عالى لأن سير الكاتينة وير يعنى حديد فهو ده ال بيخلى صوتها عالى لكن ال 1600 كاربرتير والأنجكشن صوتهم عادى والفكرة من السير الوير إنه مبيبوظش زى السير العادى وعلى فكرة أنا معايا إسكورت 1600 إنجكشن كنت لسة شاريها من 6 شهور وفعلا العربية دى فوق الممتازة وبالنسبة لموضوع التظبيط أنا أول ما جيبتها ركبت فامية ورجعت شيلتة فى الساحل بعد القانون الجديد وأنا دلوقتى بدور على جنط مستعمل بالفرد مقاس 15 أو 16 إن شاء الله

**Egy** · 22-10-2008 02:58 AM

المشاركة الأصلية كتبت بواسطة theking_y

يا جماعة لو العربية ال معاكم 1300 cc فلازم يكون صوتها عالى لأن سير الكاتينة وير يعنى حديد فهو ده ال بيخلى صوتها عالى لكن ال 1600 كاربرتير والأنجكشن صوتهم عادى والفكرة من السير الوير إنه مبيبوظش زى السير العادى وعلى فكرة أنا معايا إسكورت 1600 إنجكشن كنت لسة شاريها من 6 شهور وفعلا العربية دى فوق الممتازة وبالنسبة لموضوع التظبيط أنا أول ما جيبتها ركبت فامية ورجعت شيلتة فى الساحل بعد القانون الجديد

وأنا دلوقتى بدور على جنط مستعمل بالفرد مقاس 15 أو 16 إن شاء الله

Momken bardo ya basha...

Bass ana 3an nafsi, el seir el 7adeed dah mesh mekhalleeni shayel hammo khales, we di meeza kebeera awi bardo to7sab lel 1.3 L

Thx for info

**wkisho2005** · 23-10-2008 02:38 AM

طب لو السير دا السبب في الصوت هل ممكن يتغير ويركب سير تاني زي بتاع ال1600؟؟؟؟؟؟؟؟؟ولا في اختلاف بينهم لاني اعرف ان اغلب حاجات ال1600 بتركب علي ال1300 عادي
وبعدين انا حاسس ان صوت اموتور نفسه اللي عالي مش صوت السيور

**wkisho2005** · 23-10-2008 02:42 AM

ومتنساش ياكينج باشا لما تركب الجنط ان شاء الله تبقي تصور العربية وتحط الصور هنا وربنا يباركلك فيها الفاميه انا مركبه بردو بس لسة مشلتوش مستني الاول لما يسحبوا الرخصة مني عشانوا ساعتها بئي ابقي اشيله (دماغي غبية شوية)ههههههههههههه وبعدين اصله بصراحة مخلي شكلها حلو

**vooooo** · 25-10-2008 02:36 AM

الأسكورت عربيه ممتازه و هى معايا و عجبانى جدآ
معايا ال زى تك بس 1800 لأنى غيرت الموتور
بس عيب العربيه ان لو حبيت ابيعها هيقل تمنها كتير و هتعب لحد لما ابيعها علشان مالهاش اقبال عند الناس

بس انا مش من النوع اللى بيظبط شكل عربيته
اهم حاجه عندى الموتور و العفشه و طبعآ الساوند سيستم

**wkisho2005** · 26-10-2008 02:02 AM

هي فعلا البيع من مشكلاتها انا لما افكرت ابيع عربيتي سمعت اسعار غريبة فصرفت نظر خصوصا ان العربية فعلا مش تعباني في حاجة بس نفسي بئي االاقي حل لصوت الموتور
بالمناسبة انت لما سقطلها الموتور ال1800 دا غيرت بئي حاجات تانية معاه؟؟وكلفك كام تقريبا؟؟؟

**vooooo** · 09-11-2008 01:00 AM

ال1800 مابيختلفش عن ال 1600 و طبعآ انا بتكلم عن الزىتك بس يعنى مش 1600 كاربراتير
غير طبعآ الأجزاء اللى جوه الموتور

لكن لو عربيتك 1300 يبقى هتغير حاجات كتير و برش منها احسن

انا اللى كلفنى تمن الموتور بس و جبته رخيص علشان ماغيرتش حاجات كتير عنى
لكن الموترو كامل بحاجته كلها تقريبآ هيبقى ب 5000 لو ماذادش حاجه بسيطه

**ahmad--ezzat** · 09-11-2008 09:25 AM

وياترا اية سبب تغيير الماتور مع ان حضرتك كنت بتشكر فى موتور ال 1600 يا استاذ voooo

**dr_meteor** · 19-11-2008 08:20 PM

اعضاء الموقع الكريم ...

انا لقيت عربية فورد اسكورت مو 1999 لقطة و ناويت اجيبها الحمد لله ...

المهم العربية عجباني جدا بس المشكلة هي ان الفتيس بتاعها مانيوال و انا الصراحة مش حريف سواقة (مش بتاع جري و سباقات خااالص) و نفسي انه يكون اوتوماتيك :k52:...

فهل ينفع يتغير من مانيوال لاوتوماتيك ؟
اهم حاجة يتكلف كام و اقدر اعمله فين (يا ريت حد مضمون) ؟
هل ده هيأثر على الاداء العربية ؟
هل ده هيأثر على سعرها لو حبيت ابيعها بعد فترة (كأنها ملعوب فيها) ؟!

متشكر جدا !

**ahmad--ezzat** · 19-11-2008 08:29 PM

الفورد اسكورت عربية كويسة ورهيبة وبتستحمل
واسمحلى ارد على اسئلتك لان صديق ليا يمتلكها وانا عارف عن العربية دى كتير
اولا صعب اوى تغير العربية من مانيول لاتوماتيك ودةلان اصلا مفيش اسكورت اتوماتيك خالص كلها مانيول وحتى لو لايت فتيس يركب عليها اعتقد ان العربية مش هتستريح مع الحاجة الدخيلة دى (الفتيس الجديد)
بالنسبة للسحب اكيد هيختلف اختلاف رهيب جدا ودة لان اصلا العربية وهيا مانيول تقيلة فسحبتها مابالك الاتوماتيك وانا بتكلم على ال 1300 وال 1600 اما بالنسبة لل 1800 فدة مش فمصر ومعرفهوش
وبالنسبة لاخر سؤال دة حضرتك رديت الاجابة وانت بتسال
طبعا الناس هتخاف تقرب للعربية .يوجد عربيات اسكورت بتبقى بسم الله ماشاء الله حالتها زيرو وعاملة 30 اللف لا حاجة ومش بتتباع بسهولة مابالك بقا اللى ملعوب فيها + ان موضوع البيع دة بيبقى حظ بردو يعنى ممكن تتباع بسرعة انت وشطارتك بس عموما اعتقد انك عمرك ما هتبعها
شكرا ليك

الموضوع: تيجوا نظبط الفورد اسكورت؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

ما رايكم في الفورد اسكورت

سؤال فى الفورد اسكورت

معلومات عن الفورد اسكورت

يا فورداوية : الفورد كا و الفورد فيستا الجداد وصلوا المينا

قطع غيار الفورد اسكورت؟

الكلمات الدلالية لهذا الموضوع

المفضلات

المفضلات

ضوابط المشاركة