الموضوع: كم مرة أستخدمت الاوتو بارك فى الركن منذ أستلامك للسيارة؟

المشاركة الأصلية كتبت بواسطة meggieboy

ده بس من ذوقك يا خالد بيه...
و لكن و للأمانة البشمهندس محمد هانى ينشط منتدى كامل مش بس قسم تويوتا هو و رجالة تويوتا المحترمين كلهم واحد واحد: باسم باشا, يوسف باشا, دكتورنا أبو فندى و كل الرجالة المحترمين و مش محتاجينا أحنا الجيران المشاكسين فى حاجة.....:)

فعلاً الهدف من موضوعى الأستفادة و ليس أكثر....
و بصراحة يا أستاذ خالد كده و عينى فى عينك يعنى أحنا علشان معندناش أوتو بارك هنقعد نقولهم وحش و كفاية علينا السنسور و الكلام بتاع المبيعات ده... :) :) طبعاً أكيد كنت أحب وجود أوبشن زى كده فى عربيتى.....

أكيد طبعاً كل واحد نفسه يجرب الكماليات الجديدة و يستخدمها و أنا تمام زى مهندس محمد بحب أستغل و أجرب كل كماليات عربيتى...و ده بكل أمانة الهدف من موضوعى لأن الأوبشن ده جديد علينا كلنا...ليس اكثر و لا أقل

فى الأخر تحياتى لأستاذ خالد و لجميع أحبابى من قسم تويوتا و أخصهم طبعاً مهندس محمد هانى و أستاذ باسم و أستاذ يوسف و دكتورنا أبو فندى و أرجو أنكم تستحملونى ضيف تقيل فى قسمكم

تحياتى.....

هاني بااشا
اشكرك على كلامك الجميل
ولما إتكلمت كان رأي شخصي ولا أعيب إطلاقا في خاصية ألاوتو بارك
وهتلاقي برضه المالكين للكورولا ولهذه الخاصية لا يستخدم تلك الخاصية
نظرا للمشاغل اللي بنتعرض ليهاااااا
موضوع الاوتو بارك أكثر إستعمالا كوسيلة رفاهيه ومافيش حد فمصر مبيعرفش يركن عربيته يدوي الا ناس قليلة جدااااا ولومبيعرفش يركن عربيته بإستخدامه يبقا ميتساهلش يسوق فالشارع لان دول اللي بيقفلو الشوارع والطرق وبيعطلو الدنيا
وبرضه الكلام ده وجهه نظري الشخصية فقط
وموضوع ان الخاصية موجوده ومش موجودة فعربياتنا
انا كان قدامي العروستين
وكانت قدامي الفئة الثانية تسليم فوري بسعر 198 الف ولكن ركبت العربية اللي استريحتلها أكثر
وصدقني لو راحتي النفسية كانت في تجاه الكورولا مكنش هيفرق اني أدفع ال 20 ألف جنيه
او على ألاقل كنت هصبر على الصني واحجز فالتوكيل والمبلغ هيبقا 10 مش 20