الموضوع: كم مرة أستخدمت الاوتو بارك فى الركن منذ أستلامك للسيارة؟

هو لازم اركن على اليمين مينفعش اركن على الشمال طبعا بالاوتوبارك

المشاركة الأصلية كتبت بواسطة bassem.naguib

طالما السؤال طلع بريء .. يبقى خلاص براءه .. حبيبي يا هندسة

الأوتو بارك كخاصية ممتعة جداً عند استخدامها .. بتحس بالفشخرة كدة وأنت بتركن بيها .. وأسأل رجالة رينو اللي شرفونا المرة اللي فاتت وشافوا بعنيهم .. واللي حيشرفونا المرات القادمة أو أحنا نجيلكم في أي مقابلة ليكم ويكون لينا الشرف بكدة .. وهو على فكرة نسبة دقته كبيرة جداً جداً تكاد تصل ل 100% ..

بالنسبة ليا أنا شخصياً .. استخدامي ليه ممكن يكون 50 % واستخدمته حوالي 4 أو 5 مرات بالكتير لأن ركوبي للعربية قليل (حوالي 2000كم في أكتر من ثلاث شهور) .. وساعات ببقى ناسي من الاستعجال أن معايا أوتو بارك وأركن بنفسي (الطبع يغلب التطبع) .. وباقي الركنات بتقى عمودية مش موازية .. وطبعاً السينسور مفيد في الحالة دي لأن أبعاد العربية من الخلف من الصعب تقديرها بسهولة بدون سينسور .

هو مفيد في تقدير المسافة اللي حتركن فيها ورصدها .. وبيحضن على الرصيف كويس جداً ولا أجدع سواق .

@ أبو حميد ... ده هو فايدته الرئيسية في الشوارع الضيقة بالعرض .. ولو الشارع عندك ضيق ومش بتستخدم الخاصية .. بتركن مانيوال ازاي ؟!

ما هو يا باشا عشان تشتغل الخاصية لازم مسافة الركنة تكون طول العربية + متر ..
بالاضافة انه يكون عندك مساحة فاضية على شمالك لو حتركن يمين و يكون عندك مساحة فاضية شمال لو حتركن يمين ..
الشارع عندى عربيات راكنة يمين و شمال و فى الغالب بركن تحت بيتى يمين و مسافة الركنة بتكون اقل من المطلوب ( اقل من طول العربية + متر ) و كمان غالبا بتكون راكنة عربية طرف الشارع ناحية الشمال زانقانى فى الركن .. و اللى بيحصل بأه انى بضغط الزر لتشغيل الخاصية و اعدى مكان الركنة و السينسور بيقرا انه موجود مكان فاضى ( عارف لما تظر صورة العربية و يمينها مجسمات فى نصها مكان فاضى ) .. المهم بأه انى بمشى لحد ما تظهر علامة r عشان اركن .. و دا مش بيحصل عشان الاوتو بارك مش بيركنها فى المسافة دى .. فبضطر اركن مانيوال ..
مش عارف قدرت اوصلها و لا لا