حقن السيارة بالمعطر

**Noha.M** · 09-10-2008 11:49 AM

المشاركة الأصلية كتبت بواسطة abdelaziz-waleed

يا باشمهندسة افكاري كلها تحت امرك وامر المنتدى
بس انتي نسيتي الساندويتش :D:D

باشمهندسة نهى واستاذ اسلام
ليكو اسبوع واحد بس Trial Version وبعد كدة لازم تدفعوا علشان تاخدو حق
تنفيذ الاختراع

لا انت كدة مش هتعمل زبووون ؟:D

ينفع كدة ؟؟

مش تستني اما سوقها يمشي بعدين تنزلها على النت و تبيع براءة الاختراع :D

**hamedo0** · 09-10-2008 12:15 PM

والله فكره حبقي اجربها

**usama_ra1** · 09-10-2008 12:29 PM

المشاركة الأصلية كتبت بواسطة abdelaziz-waleed

بص يا سيدي افضل حاج تعملها تجيب علبة تونة فاضية طبعا او ما شابه ذلك
تجيب حتة سفنجة صغيرة بحيث تنفع تتدخل في العلبة
تروح عند اي واحد بتاع عطور وتختار المعطر اللي انت تحبه او عاوزه وتشتري منه
زيت المادة الخام او الاسانس وده الجرام بتاعه بيتراوح ما بين 75 و 125 قرش
ممكن تشتري عشرين جرام بالكتير
حط الزيت على السفنجة في العلبة وخليها في مكان امن في العربية بحيث ما تتقلبشي
واستمتع

تصدق فكره جامده جدا أنا ان شاء الله ناوي أجربها

**hesham2004** · 09-10-2008 12:52 PM

جيب زجاجة كلونيا Fa او اى AFTERSHAVE و ادلقها على موكيت الأرضية تحت الكراسى ، و استمتع برائحة خفيفة منعشة بدون اضرار زيوت الفواحات و لا الأيسانسات .

**Nader** · 09-10-2008 12:53 PM

فكرة وليد حلوة، بس فكرة انك ترش الزيت او تنقطة على الرضية

دي صعبة قوي لان بعض فترة هتلاقي الارضية اتبقعت وشكلها مش تمام

الا لو مركب ارضية جلد يبقى دة موضوع تاني بس ساعتها الريحة

مش هتمسك في الارضية لفترة طويلة.

**Noha.M** · 09-10-2008 01:49 PM

المشاركة الأصلية كتبت بواسطة abdelaziz-waleed

مانا معتمد عليكي في موضوع الزبوون ده

انتي بقى تعمليلنا موضوع من بتوع ال 5000 مشاركة دول وتعلني عن المنتج ده
وانتي عليكي البارفان وانا عليا علب التونة والسفنج :D:D

بس والله الفكرة ديه وصلت معايا لدرجة ان لو سيبت حاجة في العربية يومين مثلا وبعد كدة اخدتها تفضل شايلة ريحة البارفان ده يجي يومين كمان

بجد خلاص انا عليا البرفان و مفيش اكتر من البرفانات عندى و انت تجيب التونة :D
بس يا خوفي لا تجيب علب تونة بجد و بدل ما العربية تبقي ريحتها برفان تبقي ريحتها تونة و سرديييين :Dو فى الاخر تيجي فيا انا :D!! ما انا اللى عاملة الدعاية

**دموع الثلج** · 09-10-2008 02:17 PM

المشاركة الأصلية كتبت بواسطة theking2690

بس يا جماعه المشكله فى الحل ده انى اى فرامل هتلاقى العلبه ديه عماله تتقلب فى العربيه و مش هتبقى ثابته فى مكان

يا مصطفى الياريس عندى كلها مخابى
فيه مخبا تحت الدريكسيون
وفيه تحت كرسى الراكب فى نص الكوريك ماهو متثبت تحت الكرسى
وفيه مكان فى الكونسول حامل الزجاجات

وفيه مكان برضوا فى المخدع الخلفى يوووووووه انا عربيتى كلها جيوب سحريه
هات انت بس الاختراع ومليكش دعوه:D:D

**R A N A** · 09-10-2008 02:20 PM

المشاركة الأصلية كتبت بواسطة theking2690

بس يا جماعه المشكله فى الحل ده انى اى فرامل هتلاقى العلبه ديه عماله تتقلب فى العربيه و مش هتبقى ثابته فى مكان

طبعا احب اشكر استاذ abdelaziz-waleed ودموع على الأفكار الهايلة دي

انا هاضيف حاجة بسيطة لمعالجة مشكلة انها تتقلب مع اي فرامل فجائية
في معطر انا اشتريته قبل كده كان عبارة عن علبة بلاستيك ملونة وغطاها مخرم بشكل لطيف كده ومعاها دبل استيكر (عبارة عن لازقة بتلزق من الناحيتين ناحية تحت العلبة والناحية التانية ممكن تحطها على التابلوه او تتلزق فوق اي مكان بلاستيك او فيبر في العربية)ودي هاتثبت المعلبة في مكانها ومش هاتتقلب طبعا ولا هاتتحرك اصلا.

المعطر ده كان رخيص موت انا قلت اجربه وانا عارفة انه اي كلام وطبعا مقعدش يومين بس انا ممكن اجيبه وافتح العلبة واشيل من جواها المعطر بتاع لانه ضعيف اوي احط جواها الاسفنجة واغرقها زيت البرفان اللي انا عايزاه زي ماقلتوا ونجرب الفكرة دي ونشوف النتايج ايه

وطبعا علبة المعطر دي شكلها احلى من علبة التونة وعلبة الورنيش طبعا :D وغطاها متخرم جاهز كمان.
بس في تنبيه يعني لو اتلزقت على التابلوه يفضل عدم ترك العربية في الشمس فترة كبيرة او يفضل وضع شماسة على الزجاج الأمامي يعني عشان البلاستيك بتاع العلبة نفسه ميسحش او اللزق نفسه يأثر على التابلوه يعني مع تفاعل اشعة الشمس مع الفيبر بتاع التابلوه.

انا هاحاول اجربها واشوف كده.

**دموع الثلج** · 09-10-2008 02:26 PM

المشاركة الأصلية كتبت بواسطة Noha-M

فعلا اجمد ريحة عندك حق انا كمان بعشق الريحة دى و لعلمك حتى لو جرام العود و المسك بيبقي اغلى بس مش هيطير زى لانه زيت و كمان لو حسبتيها هتلاقى نفسك كل شوية جايبة بتاعه المعطر الشجرة دة و يخلص فى اسبوع و متحسيش بريحته

فكرة حلوة نجربها :)

ااااااااااااااستر يارب

ايه اللى جاب الحاجه نهى هنا ............

كده مش هنعرف نفتكس فى الموضوع ونطلع اختراعات

بصى يا روحى دهن العود ده زيت طبيعى مش اسانس يعنى طلعنا من قصه السيراتو

يوووه قصدى السبرا تو

ولا الكحول اللى بيتحط على العطر ويجيب حساسيه بعدين

-

الموضوع: حقن السيارة بالمعطر

LinkBack

أدوات الموضوع

عرض

-

-

-

-

-

-

-

المواضيع المتشابهه

كيف تعمل السيارة: 1-شرح مبسط لكيفية عمل محرك السيارة

السيارة بتكون مكتومة استجابتها للبنزين بطيئة عند تفويل السيارة للاخر بالبنزين

خطوات شراء سيارة مستعملة + نقل السيارة من مرور لأخر و السيارة رخصتها فى فترة السماح

Gm بتمنح عملائها 60 يوم لتجربة السيارة لضمان الرضاء عن السيارة (مش في مصر!!)

لماذا تعمل مروحة السيارة بعد ايقاف تشغيل السيارة؟

الكلمات الدلالية لهذا الموضوع

المفضلات

المفضلات

ضوابط المشاركة