الموضوع: حقن السيارة بالمعطر

المشاركة الأصلية كتبت بواسطة birdybirdy

طبعا احب اشكر استاذ abdelaziz-waleed ودموع على الأفكار الهايلة دي

انا هاضيف حاجة بسيطة لمعالجة مشكلة انها تتقلب مع اي فرامل فجائية
في معطر انا اشتريته قبل كده كان عبارة عن علبة بلاستيك ملونة وغطاها مخرم بشكل لطيف كده ومعاها دبل استيكر (عبارة عن لازقة بتلزق من الناحيتين ناحية تحت العلبة والناحية التانية ممكن تحطها على التابلوه او تتلزق فوق اي مكان بلاستيك او فيبر في العربية)ودي هاتثبت المعلبة في مكانها ومش هاتتقلب طبعا ولا هاتتحرك اصلا.
المعطر ده كان رخيص موت انا قلت اجربه وانا عارفة انه اي كلام وطبعا مقعدش يومين بس انا ممكن اجيبه وافتح العلبة واشيل من جواها المعطر بتاع لانه ضعيف اوي احط جواها الاسفنجة واغرقها زيت البرفان اللي انا عايزاه زي ماقلتوا ونجرب الفكرة دي ونشوف النتايج ايه
وطبعا علبة المعطر دي شكلها احلى من علبة التونة وعلبة الورنيش طبعا :D وغطاها متخرم جاهز كمان.
بس في تنبيه يعني لو اتلزقت على التابلوه يفضل عدم ترك العربية في الشمس فترة كبيرة او يفضل وضع شماسة على الزجاج الأمامي يعني عشان البلاستيك بتاع العلبة نفسه ميسحش او اللزق نفسه يأثر على التابلوه يعني مع تفاعل اشعة الشمس مع الفيبر بتاع التابلوه.

انا هاحاول اجربها واشوف كده.

اهلا اهلا يا بيردى انا عارفه العلبه اللى قصدك عليها

استنى انا ممكن الطششششششششش منك حتت فكره صغننه بتاعه اللزق الدابل فيس
برضوا الزقها فى مكان مخفى
انا لن اتنازل عن علبه الورنيش :D:D:D انا مقدررش اتخلى عن بنات افكارى بسهوله
العلبه المعدن هتبقى اقوى لانها هتتاثر باى حراره بسيطه ده هيخلى الزيت يسخن ويتبخر اكثر واسرع
عشان كده نحطها فى مكان مخفى عن الشمس عشان تستمر فتره طويله

وبلاش تريقه على علبه الورنيش والتونه

:D:D

المشاركة الأصلية كتبت بواسطة karim_monir

يا ريس دمووع طالما الحاجة نهى وصلت تبقى تضمني وصول موضوع لقمة الساحة فترة طويلة
يعني ترافيك عاللي ومشاركات بالعبيط عينة
نيييييييييههههههههههههههه ههه
وبعدين بيردي بتقولك علبة المعطر اللي فيه جل بلاستيك وريحتة وحشة وب 2 جنية
العلبة دي معدن وليها غطاء بلاستيك مخرم ومرسوم عليها ورد ورد
كدة تضمني انتشار اكتر للرائحة والسغنجة ماتقعش من غير علب ورنيش
وبعدين دي علبة الورنيش وصلت 12 جنية
الا لو قصدك على الورنيش المصري اللي بيشيط الجزم ده
ابقي هاتيها بس ابقي قابليني لو ريحة العربية ماقلبتش ورنيش لما تقف في الشمس
ولو الفكرة نجحت ننزلها اكتتاب عام والسهم بربع جنية اهو احسن من سهام ابليس اللي نزلت كلها
نيييييييههههههههههههههههه هههههههههههه

متهيالى انت كده دخلت رونج سايد
ختمتها بكلام عن اكتتابات واسهم وانت عارف ده الوتر الحساس عندى اليومين دول وماسكه نفسى لو فتحت فى العياط هغرق لكم المنتدى كله بالمواضيع وبنهى ومشاركاتها اللى فى العبيط:D:D:D
فلوس الحته البورش راحت وهقعد قريب على البورش
هو انا هعمل اقتباس علبه ورنيش من بابا لانى خلاص بقيت حافيه القدمين
انا هنزل اعمل بحث للمكونات بتاعه الاختراع وان شاء الله انزلكم صور الاختراع بعد ماازوق العلبه وارسم عليها شعار نايل موتورز

ايه دهن العود ده يا جماعة يا ريت حد يرفعلنا sample عالمنتدي :D

انا فيه ريحة من الروائح العربية شميتها قبل كدة و عجبتني أوي بس مش عارف إسمها .. بس كانت ريحتها شبه لبان ترايدينت اللي بالقرفة

عامة الفكرة حلوة لو ملقتش ريحة ترايدينت دي هحط برفيوم و خلاص .

المشاركة الأصلية كتبت بواسطة birdybirdy

ازيك يادموع والله ياأختي مش قصدي التريقة خالص بس مش منظر يعني لما ندخل عربية نلاقي علبة ورنيش ولا علبة تونة وياسلام بقي لو حد جعان وطلبت معاه يفتح علبة التونة ويقوم بيها مثلا ولا حد حب يلمع الشوز بتاع بعلبة الورنيش ساعتها هايبقي المنظر مسخرة :D.
اقولك ابقي لبسيها Cover او الزقي عليها استيكرز مثلا زي ماكنا بنعمل زمان في المدرسة ونجيب علب اي حاجة ونزوقها من بره :D.

بس قوليلي طيب الزيت اللي بتتكلمي عليه ده (دهن العود) بكام ومنين عشان واضح من كلامك انتي ونهي انه ريحته حلوة.
بس مانتيش ملاحظة حاجة من اول الموضوع عمالة تاخدي فكرة من هنا على فكرة من هناهوه ومقضياها اقتباس كده يادموع عموما لو الاختراع اتنفذ نبقي نقسم الارباح حسب الافكار :D وكل واحد ياخد حقه بقي :D

انتى عارفه المحلات اللى بتعمل تركيبات العطور دى منتشره
يقولك نعمل لك تركيبه اى برفان عاوزه
هتلاقى عنده عطور شرقيه وخليجيه <<< منها جميع انواع العود هندى ولا كمبودى ولا سعودى ..... كثير اوى
وهتلاقى ريحه البخور العربى
ومخلط ملكى المهم الروائح كثير شمى انتى اللى ترتاحى له
وفيه رائحه جميع انواع الفواكهه
اختارى اللى يعجيك يا قمر وهنقسم بالنص فى الاخر فيفتى فيفتى

المشاركة الأصلية كتبت بواسطة دموع الثلج

انتى عارفه المحلات اللى بتعمل تركيبات العطور دى منتشره

يقولك نعمل لك تركيبه اى برفان عاوزه
هتلاقى عنده عطور شرقيه وخليجيه <<< منها جميع انواع العود هندى ولا كمبودى ولا سعودى ..... كثير اوى
وهتلاقى ريحه البخور العربى
ومخلط ملكى المهم الروائح كثير شمى انتى اللى ترتاحى له
وفيه رائحه جميع انواع الفواكهه

اختارى اللى يعجيك يا قمر وهنقسم بالنص فى الاخر فيفتى فيفتى

ايه ده
اغيب ساعتين ارجع الاقي الاختراع اتعمله تطوير وكمان فيفتي فيفتي
شوفتي يا نهى. قعدتي تقوليلي استنى اما سوقها يمشي وبعد كدة نعملها براءة اختراع
اهو شوفتي منظمات المافيا بقيادة دموع وبيردي اخدو الاختراع وبيطورو فيه وهايقسمو مع بعض :D:D

فكره هايله يا وليد باشا
ديما عصابة اوبل كده بتطلع اسرارها بره
يلا ادينا بنخدم اخواتنا برده :)

المشاركة الأصلية كتبت بواسطة دموع الثلج

فيه جروب على الفيس بوك لاكسسورات السيارات وبيعملوا حقن بالمعطر

وده الرابط بتاعهم كلمهم وابقى قولنا التفاصيل لو عملته

هــــــــــنــا

وصلتى للجروب ده امتى يا دموع
شكلك كده متتبعه خطواتى :)

ثانيا ايه حكايه البورصه معاكى؟؟

المشاركة الأصلية كتبت بواسطة Noha-M

فعلا اجمد ريحة عندك حق انا كمان بعشق الريحة دى و لعلمك حتى لو جرام العود و المسك بيبقي اغلى بس مش هيطير زى لانه زيت و كمان لو حسبتيها هتلاقى نفسك كل شوية جايبة بتاعه المعطر الشجرة دة و يخلص فى اسبوع و متحسيش بريحته

فكرة حلوة نجربها :)

انا عايز اعرف الريحه دى ايه
انا عمرى ما سمعت عنها
دهن العود ده غير العود العادى؟

المشاركة الأصلية كتبت بواسطة abdelaziz-waleed

يا باشمهندسة افكاري كلها تحت امرك وامر المنتدى
بس انتي نسيتي الساندويتش :D:D



باشمهندسة نهى واستاذ اسلام
ليكو اسبوع واحد بس Trial Version وبعد كدة لازم تدفعوا علشان تاخدو حق
تنفيذ الاختراع

ياعم الكراك نزل من دموع فى ساعتها
يعنى محدش هيشترى منك :D

المشاركة الأصلية كتبت بواسطة birdybirdy

طبعا احب اشكر استاذ abdelaziz-waleed ودموع على الأفكار الهايلة دي

انا هاضيف حاجة بسيطة لمعالجة مشكلة انها تتقلب مع اي فرامل فجائية
في معطر انا اشتريته قبل كده كان عبارة عن علبة بلاستيك ملونة وغطاها مخرم بشكل لطيف كده ومعاها دبل استيكر (عبارة عن لازقة بتلزق من الناحيتين ناحية تحت العلبة والناحية التانية ممكن تحطها على التابلوه او تتلزق فوق اي مكان بلاستيك او فيبر في العربية)ودي هاتثبت المعلبة في مكانها ومش هاتتقلب طبعا ولا هاتتحرك اصلا.
المعطر ده كان رخيص موت انا قلت اجربه وانا عارفة انه اي كلام وطبعا مقعدش يومين بس انا ممكن اجيبه وافتح العلبة واشيل من جواها المعطر بتاع لانه ضعيف اوي احط جواها الاسفنجة واغرقها زيت البرفان اللي انا عايزاه زي ماقلتوا ونجرب الفكرة دي ونشوف النتايج ايه
وطبعا علبة المعطر دي شكلها احلى من علبة التونة وعلبة الورنيش طبعا :D وغطاها متخرم جاهز كمان.
بس في تنبيه يعني لو اتلزقت على التابلوه يفضل عدم ترك العربية في الشمس فترة كبيرة او يفضل وضع شماسة على الزجاج الأمامي يعني عشان البلاستيك بتاع العلبة نفسه ميسحش او اللزق نفسه يأثر على التابلوه يعني مع تفاعل اشعة الشمس مع الفيبر بتاع التابلوه.

انا هاحاول اجربها واشوف كده.

انا محبش الزق اى حاجة على التابلوه بخاف يحصله اى حاجة :(
ارميها تحت الكرسى احسن

المشاركة الأصلية كتبت بواسطة birdybirdy

بس قوليلي طيب الزيت اللي بتتكلمي عليه ده (دهن العود) بكام ومنين عشان واضح من كلامك انتي ونهي انه ريحته حلوة.

المفروض فعلا انتى ونهى تعملوا سامبلز وتوزعوها على اعضاء المنتدى :)