الموضوع: حقن السيارة بالمعطر

المشاركة الأصلية كتبت بواسطة abdelaziz-waleed

بص يا سيدي افضل حاج تعملها تجيب علبة تونة فاضية طبعا او ما شابه ذلك
تجيب حتة سفنجة صغيرة بحيث تنفع تتدخل في العلبة
تروح عند اي واحد بتاع عطور وتختار المعطر اللي انت تحبه او عاوزه وتشتري منه
زيت المادة الخام او الاسانس وده الجرام بتاعه بيتراوح ما بين 75 و 125 قرش
ممكن تشتري عشرين جرام بالكتير
حط الزيت على السفنجة في العلبة وخليها في مكان امن في العربية بحيث ما تتقلبشي
واستمتع

المشاركة الأصلية كتبت بواسطة دموع الثلج

:cute::cute:تصدق جاتلى فكره هجربها طالما مش هتكلف حاجه :cute::cute:

بص هجيب علبه ورنيش فاضيه بتاعه الاحذيه عشان غطاها بيقفل جامد
وهقص قطعه سفنج على قد العلبه
هشترى الزيت بتاع العطر اللى بحبه وهحطه على السفنجه فى علبه الورنيش

هغطي العلبه خالص وهخرم الغطاء من فوق كذا فتحه صغيره كده وهسيبها تحت الكرسى مثلا

مع سخونيه العربيه والجرى العلبه هتسخن شويه وتبخر الزيت يطلع من الفتحات

ودى عاوزه براءه اختراع وتسجيل بعدين :D:D:D:D

افكاركو حلوة اوي يا جماعة

بس موضوع علبة التونة دي صعبة اوي يا استاذ عبد العزيز:D

بصراحة مش متخيله نفسي حاطه علبة تونة تحت الكرسي كده و افرمل بالعربيه فجأة و لا اخبط في حاجة و الاقي العلبه راحت جاريه جايه تحتي و اللي قاعد جنبي يشوفها

ساعتها و الله هاقول يا ارض انشقي و ابلعيني:k48:

ممكن الناس تفتكرني عندي ادمان مزمن للتونة و لا حاجة

هتبقي فضيحه بصراحة:laugh2:

و انتي يا دموع قبل ما تنشري اختراعك كده ابقي روحي سجليه في الشهر العقاري الاول

ايه التهور ده؟:k22:

مش خايفه الفكرة تتلطش و انتي تقعدي تغني ظلموه؟:k48:

المشاركة الأصلية كتبت بواسطة birdybirdy

ااااااااه احنا كده شكلنا اتدبسنا

عموما انا لو نفذت الاختراع ده هابقي اصوره واقولكوا تفاصيله وتكلفته بالكامل :D ونبقي نشوف بقي مشروع السامبلز ده انا وباقي بنات المنتدي ونعمل دليفري للسامبلز بالمرة :D

انا حاجز
اول واحد اهو عشان اى تأخير فى موعد الاستلام هشتكيكوا لحماية المستهلك :)

المشاركة الأصلية كتبت بواسطة birdybirdy

طبعا احب اشكر استاذ abdelaziz-waleed ودموع على الأفكار الهايلة دي

انا هاضيف حاجة بسيطة لمعالجة مشكلة انها تتقلب مع اي فرامل فجائية
في معطر انا اشتريته قبل كده كان عبارة عن علبة بلاستيك ملونة وغطاها مخرم بشكل لطيف كده ومعاها دبل استيكر (عبارة عن لازقة بتلزق من الناحيتين ناحية تحت العلبة والناحية التانية ممكن تحطها على التابلوه او تتلزق فوق اي مكان بلاستيك او فيبر في العربية)ودي هاتثبت المعلبة في مكانها ومش هاتتقلب طبعا ولا هاتتحرك اصلا.
المعطر ده كان رخيص موت انا قلت اجربه وانا عارفة انه اي كلام وطبعا مقعدش يومين بس انا ممكن اجيبه وافتح العلبة واشيل من جواها المعطر بتاع لانه ضعيف اوي احط جواها الاسفنجة واغرقها زيت البرفان اللي انا عايزاه زي ماقلتوا ونجرب الفكرة دي ونشوف النتايج ايه
وطبعا علبة المعطر دي شكلها احلى من علبة التونة وعلبة الورنيش طبعا :D وغطاها متخرم جاهز كمان.
بس في تنبيه يعني لو اتلزقت على التابلوه يفضل عدم ترك العربية في الشمس فترة كبيرة او يفضل وضع شماسة على الزجاج الأمامي يعني عشان البلاستيك بتاع العلبة نفسه ميسحش او اللزق نفسه يأثر على التابلوه يعني مع تفاعل اشعة الشمس مع الفيبر بتاع التابلوه.

انا هاحاول اجربها واشوف كده.

ايوه كده صح

هما البنوتات دايما لازم ييجو و معاهم حلول عصرية

شايفين الافكار يا جماعة

برضه الرجالة مهما كان حلولهم عملية بس old fashioned:D

شطورة يا بيردي:k18:

كده نايس جدا

بس قوليلنا بقي اسمها ايه علبة المعطر اللي انتي اتدبستي فيها دي عشان نروح نتدبس في واحده زيها؟:k48:

اهم حاجة انا عاوزة علبة pink عشان بحب اللون ده

المشاركة الأصلية كتبت بواسطة mimysheckles

فكره هايله يا وليد باشا
ديما عصابة اوبل كده بتطلع اسرارها بره
يلا ادينا بنخدم اخواتنا برده :)

ياعم الكراك نزل من دموع فى ساعتها
يعنى محدش هيشترى منك :D

:)

ما هو لازم كدة يا حمادة كل شوية عصابة اوب تطلع حاجة تكسر الدنيا. مش عصابة اوبل :D

المشاركة الأصلية كتبت بواسطة birdybirdy

:D:D

لا والله يافندم احنا منقدرش ناخد براءة الاختراع ونقسم لوحدينا انا عن نفسي قلت نقسم الارباح حسب الافكار لكن دموع بقي طمعت وقالت فيفتي فيفتي ماليش دعوة :D
هي شكلها بتعوض خسارتها في البورصة :D

عموما كل واحد ينفذ بطريقته ونعمل مسابقة في الاخر علي احسن اختراع :D:D:D
في معطر انا اشتريته قبل كده كان عبارة عن علبة بلاستيك ملونة وغطاها مخرم بشكل لطيف كده ومعاها دبل استيكر (عبارة عن لازقة بتلزق من الناحيتين ناحية تحت العلبة والناحية التانية ممكن تحطها على التابلوه او تتلزق فوق اي مكان بلاستيك او فيبر في العربية)ودي هاتثبت المعلبة في مكانها ومش هاتتقلب طبعا ولا هاتتحرك اصلا.

:D:D:D
اهي بيردي باعتك في مينيت يا دموع شكلها كانت طمعانة في اكتر من 50 في المية

بس انا ما بحبش يابيردي الزق حاجة على التابلوه خالص انا باحطها جمب فرامل اليد كدة في اماكن كتير ومش هاتتقلب

وعلى فكرة يا جماعة حتى لو اتقلبت الزيت مش هاينزل لأن السفنجة مش هاتسمح بذك اومال احنا حاطنها ليه . معمول حساب كل حاجة في الاختراع

المشاركة الأصلية كتبت بواسطة Bossy_Fadl

افكاركو حلوة اوي يا جماعة

بس موضوع علبة التونة دي صعبة اوي يا استاذ عبد العزيز:D

بصراحة مش متخيله نفسي حاطه علبة تونة تحت الكرسي كده و افرمل بالعربيه فجأة و لا اخبط في حاجة و الاقي العلبه راحت جاريه جايه تحتي و اللي قاعد جنبي يشوفها

ساعتها و الله هاقول يا ارض انشقي و ابلعيني:k48:

ممكن الناس تفتكرني عندي ادمان مزمن للتونة و لا حاجة

هتبقي فضيحه بصراحة:laugh2:

و انتي يا دموع قبل ما تنشري اختراعك كده ابقي روحي سجليه في الشهر العقاري الاول

ايه التهور ده؟:k22:

مش خايفه الفكرة تتلطش و انتي تقعدي تغني ظلموه؟:k48:

مالها علة التونة يا بوسي بس. انتي عارفة علبة التونة بقت ب 5 جنيه يعني اللي هايشوف عندك علبة تونة في العربية هايعرف انك غنية وبتاكلي تونة ويحسدك :D

انا الفكره دي فعلا عملتها واالي قالي عليها واحد متخصص عطور صناعيه كنت بركب معاه العربيه عيني فعلا كانت بتدمع من كتر العطور (حاجه ببلاش بقي)
وقالي انه بيعمل كذا حاجه بس طبعا لازم يكون الأسانس خالي من السبرتو تماما
1- كان بينقط علي الموكيت الخاص للسياره
2- كان حاطط المعطر + مياه داخل بخاخه وكان بيرش الكراسي (كنت جلد عنده)
3- كان بيجيب الشجره وبيغرقها الأسانس وبيسيبها تنشف وبعد كده يعلقها
4- خلاني اجيب العلب دي فعلا من عند واحد واقف في الأشاره كانت كرتونه كده فيها 5 علب وكانت ب 5 جنيه تقريبا وحط فيها اسفنجه (بس كانت عامله زي الجل كده بالظبط زي اللي بتلمع الطابلون نفس الخامه كده ) هو طبعا جابهالي من عنده وحطلي الأسانس فيهم كلهم وقالي حط اتنين تحت الكرسي واتنين تحت الكنبه (معرفش ليه) وواحده ورا جنب السماعتين
وبجد البرفان قعد كتيييييييييييييير بس ده علي كلام اصحابي لأن انا اتعودت علي البرفان وماكنتش بشمه بس كل اللي يركب كان بيقولي الريحه تجنن
وعلي فكره نوع البرفان كان (كوكونت)

المشاركة الأصلية كتبت بواسطة mimysheckles

فكره هايله يا وليد باشا
ديما عصابة اوبل كده بتطلع اسرارها بره
يلا ادينا بنخدم اخواتنا برده :)


وصلتى للجروب ده امتى يا دموع
شكلك كده متتبعه خطواتى :)

ثانيا ايه حكايه البورصه معاكى؟؟


انا عايز اعرف الريحه دى ايه
انا عمرى ما سمعت عنها
دهن العود ده غير العود العادى؟

:)

بص يا محمد عندك فى شارع العريش محل اسمه قصر العطور 32 ش العريش
انزل عليه بارشوت كده واقعد ششششششششم قوله ششممنى الشرقى والخليجى
بس اوعى تتحول مدمن واشيل ذنبك بعدين :D:D

قصدك على جروب كريم انا مراقبه من زمان
وبالنسبه للمحروقه البورصه اكلت منى فلوس الحته الباسات اللى كنت هحجزها نفسى اعيط ما تجبها لى هديه

المشاركة الأصلية كتبت بواسطة دموع الثلج

بص يا محمد عندك فى شارع العريش محل اسمه قصر العطور 32 ش العريش

انزل عليه بارشوت كده واقعد ششششششششم قوله ششممنى الشرقى والخليجى
بس اوعى تتحول مدمن واشيل ذنبك بعدين :D:D

قصدك على جروب كريم انا مراقبه من زمان

وبالنسبه للمحروقه البورصه اكلت منى فلوس الحته الباسات اللى كنت هحجزها نفسى اعيط ما تجبها لى هديه

فين بالضبط شارع العريش ده يا دموع