الموضوع: معلومه مهمه.............. الانفرتر

معلومه مهمه..............

عشان اشترى الانفرتر لازم الاول احدد ايه الاجهزة اللى محتاج اشغلها و قدرة كل جهاز و على حسب القدرة الكلية بشترى الانفرتر ... مثلا لو انا مجموع الاجهزة اللى عايز اشغلها من اضاءة و شواحب و كمبيوتر و تليفزيون الخ كل ده لو كان مجموع قدرته 1500 وات بشترى انفرتر اعلى شوية يعنى مثلا انفرتر بقدرة 200 وات ( عادة يكون المتوفر فى الاسواق بقدرة 500 و 1000 و 1500 و 2000 وات و حتى 3000 وات او اكثر )

- لازم نعرف ان الانفرتر نوعين :
النوع الاول يسمى pure sine wave power inverter اى يكون خرج الانفرتر فى هذه الحالة نقى تماما و مماثل تقريبا للكهرباء التى نحصل عليها من شركة الكهرباء .. و هذا النوع مناسب لكافة الاستخدامات مثل الاضاءة و اجهزة الحاسب و المراوح ( ذات قدرة غير عالية ) و غيرها
النوع الثانى : و يكون خرجه غير نقى اى يحتوى على توافقيات Harmonics هذه التوافقيات قد تسبب مشاكل لبعض الاجهزة الحساسة مثل الاجهزة الالكترونية الحساسة و المواتير ( اذا استخدم مع مراوح سيحدث زنه عند دورانها و يقلل من عمر المروحة و جهاز الانفرتر نفسه)

اذا يفضل جدا ان تتأكد عند الشراء ان نوع الانفرتر هو النوع الاول pure sine wave power inverter

- يجب الابتعاد تماما عن الانواع الصينى حيث انها رديئة الجودة جدا و فى معظم الاحيان تكون قدرة الجهاز غير صحيحة حيث يمكن ان تشترى انفرتر صينى مكتوب عليه قدرة 1000 وات و عند تشغيله لا يتحمل اكثر من 300 وات .. لذلك ابتعد تماما عن الصينى ... فى المقابل توجد انواع جيدة اخرى مثل التايوانى و الايطالى و الهندى و غيرها

- لازم تاخد بالك ان الانفرتر يكون عليه هذه الحمايات الهامة :

-حماية ضد الحمل الزائد حيث عند تحميل اجهزة بقدرة اعلى من قدرة الانفرتر .. يرفض الانفرتر العمل و عادة يعطى صفارة انذار
- حماية ضد حدوث دائرة قصر short circuit .. حيث يحتوى على فيوز و يمكن تغييره بسهولة
- حماية عند اقتراب انتهاء مدة عمل البطارية .. حيث بعض الانواع من الانفرتارات تقوم بفصل دائرة الحمل عند اقتراب انتهاء شحنة البطارية و ذلك لحمايتها
منقول

هو اصلا مينفعش يكون تلاجات او تكييف لانه مش حيقعد خالص معاه.....وبردوا لازم يكون pure sin wave
اغلب الاحمال لازم تكون اضاءه وتلفزيون وممكن مروحه