سؤال لملاك فلوانس و ارجو الرد

**Mohamed.Hany** · 22-03-2014 01:30 PM

زملائي الاعزاء بقسم رينو السلام عليكم ......
صديق لي معاه فلوانس فيس ليفت و عمل حادثة وهو للاسف مش مأمن علي العربية.
الخبطة قدام ناحية السواق, الاكصدام والفانوس الامامي شمال اتكسروا مع تطبيقة في الكبوت من الجنب, انا مشفتش العربية بصراحة بس قلتله انه ممكن يسمكر الكبوت, يلحم الاكصدام و يصب الفانوس بس هو مش عاوز يصلح في عربية جديدة و عاوز يغير القطع دي كلها بس هو بيقولي انه راح التوكيل سأل علي :
اكصدام امامي 3500 جنيه
الكبوت 3200 جنيه
الفانوس الامامي شمال 1950 جنيه
ده غير المصنعيات فهو طلب مني اني اسأله في المنتدي يقدر يلاقي القطع دي برة التوكيل سواء استيراد او جديد بكام و منين وصنايعي كويس ان امكن ناحية مدينة نصر وشكرا .

**miceg** · 22-03-2014 01:53 PM

ربنا يأجره في مصيبته ويخلفه خيرااااا منها
ان شاء الله حد من الأخوه يساعدوك
ومنور المنتدى يامحمد بك

**Mohamed.Hany** · 22-03-2014 02:13 PM

المشاركة الأصلية كتبت بواسطة miceg

ربنا يأجره في مصيبته ويخلفه خيرااااا منها
ان شاء الله حد من الأخوه يساعدوك
ومنور المنتدى يامحمد بك

اشكرك يا خالد باشا
و في انتظار رد الاعضاء الكرام لأن الراجل بيكلمني كل شوية و متضايق جدا عشان العربية لسة جديدة لانج

**Hany Saad** · 22-03-2014 02:16 PM

منور مكانك و مطرحك يا هندسة.....
طبعاً قدر الله و ما شاء فعل و ربنا يعوضه فى مصيبنه.....
بالنسبة للكابوت أنا أفضل ما يسمكروش علشان مش هيعرف يلزق العضم اللى تحت تانى و هيبان لو حب يبيع بعد كده....يغير بواحد جديد أو من عربيات حوادث أو أنصص و يرشهعند حد نظيف جداً.....
فانوس مش هيلاقى بره غير الديبو التايوانى ده أنظف حاجة فى السوق و لكن طبعاً شتان الفرق بينه و بين الأصلى و هيصفر معاه من الشمس ده غير أن الجديد معدلينه و حطينله shade أسود من الداخل علشان يعمل منظر....فلو جاب الديبو مش هيمشى مع الفردة التانية....بفضل فانوس التوكيل مهما كان سعره

الأكصدام طبعاً لازم توكيل...أكيد مش هيلاقيه بره و لو بفرض لقاه هيبقى خامة فى الضياع و بتنطر الدوكو بعد الرش.....

طبعاً لو عاوز يوفر شوية يجيب الحاجات دى من التوكيل و يركب بره يبقى وفر شوية مصنعية و ضريبة مبيعات

تحت أمرك يا كبير.....

**Mohamed.Hany** · 22-03-2014 02:28 PM

المشاركة الأصلية كتبت بواسطة meggieboy

منور مكانك و مطرحك يا هندسة.....
طبعاً قدر الله و ما شاء فعل و ربنا يعوضه فى مصيبنه.....
بالنسبة للكابوت أنا أفضل ما يسمكروش علشان مش هيعرف يلزق العضم اللى تحت تانى و هيبان لو حب يبيع بعد كده....يغير بواحد جديد أو من عربيات حوادث أو أنصص و يرشهعند حد نظيف جداً.....
فانوس مش هيلاقى بره غير الديبو التايوانى ده أنظف حاجة فى السوق و لكن طبعاً شتان الفرق بينه و بين الأصلى و هيصفر معاه من الشمس ده غير أن الجديد معدلينه و حطينله shade أسود من الداخل علشان يعمل منظر....فلو جاب الديبو مش هيمشى مع الفردة التانية....بفضل فانوس التوكيل مهما كان سعره

الأكصدام طبعاً لازم توكيل...أكيد مش هيلاقيه بره و لو بفرض لقاه هيبقى خامة فى الضياع و بتنطر الدوكو بعد الرش.....

طبعاً لو عاوز يوفر شوية يجيب الحاجات دى من التوكيل و يركب بره يبقى وفر شوية مصنعية و ضريبة مبيعات

تحت أمرك يا كبير.....

اشكرك يا هاني باشا علي النصايح الغالية , هوصله الكلام ده و الامر لله