طارة اللوجان

**tarek_742** · 25-03-2014 04:16 PM

انا موديل 2010 وكنت خارج الضمان ولما سمعت الموضوع من شهرين كدة كلمتهم فى التوكيل وقولتلهم على موضوع الطارة دة قالى بعتولك رسالة او اى حد كلمك من الشركة قولتلة لا بس انا سمعت ان دة عيب صناعة وانتو بتغيروو حاجة فى الدركسيون اهم حاجة فى الاخر قالى رقم شاسية العربية كام قولتهولة وسابنى كدة 3 دقايق على التيلفون ورجع قالى احجز ميعاد وتعالى احنا بنغيير الطارة بس بطارة تانية خامتها احسن ودة محستوش صراحة يعنى حسيت انة عمل حاجة تانية فى العربية مش موضوع الطارة لانى حاطط كفر على الطارة لقيتة زى ماهو ولما حاولت اشيلة لقيت اثر تراب على الحواف معنى كدة انة مفكرش يغيير الطارة اصلا

**tamer61** · 25-03-2014 06:48 PM

المشاركة الأصلية كتبت بواسطة meggieboy

أسف على التأخير فى الرد......
هنعمل حل كده مع بعض و ربنا يسهل يظبط معانا

بما أن أستاذ مازن زياد هو أول واحد فتح الموضوع فهنبتدى الحل معاه:
أستاذ مازن عربيته لسه خاجة من الضمان من 4 شهور...طبعاً لازم تكون الصيانات كلها حتى وقتنا هذا معمولة فى التوكيل بأنتظام
1- أستاذ مازن هيروح التوكيل عادى جداً و يشتكى من التقشير و يطالب بالتغيير تحت الضمان بما أنه عيب صناعة...بس هارجع أقول تانى لازم الصيانات تكون معمولة بأنتظام فى التوكيل و إلا يفشل هذا الحل
لو وافقوا يبقى تمام
موفقوش:

ننتقل للحل رقم 2:

هندخل على صفحة رينو الشرق الأوسط على الفيس بوك renault middle east و نعمل بوست بالمشكلة بكل هدؤ و نقول أن العربية لسه خارجة من الضمان من 4 شهور و عاملة كذا ألف كم و الصيانات الدورية بتتعمل بأنتظام و الطارة قشرت و ده عيب تصنيع و أنا بطالب بتغييرها فى الضمان و التوكيل رافض يغييرها

برجاء تجربة الحلين دول و لو منفعوش هنصعد للحل رقم 3

بالتوفيق و طمنونى

انا قلت لهم كده في التوكيل اكتر من مره ومفيش فايده ... كل مره يقولولي طالما ان مجاتلكش رساله يبقي عربيتك مش حيتغير لها الطاره .....

**Hany Saad** · 25-03-2014 07:22 PM

المشاركة الأصلية كتبت بواسطة tamer61

انا قلت لهم كده في التوكيل اكتر من مره ومفيش فايده ... كل مره يقولولي طالما ان مجاتلكش رساله يبقي عربيتك مش حيتغير لها الطاره .....

جميل جداً.....يبقى نتجه نحو الحل رقم 2.....اشتكى على صفحتهم على الفيس

**mazenzyad** · 26-03-2014 07:06 PM

شوفو يا شباب /
اتصلت وبلغونى بان عربيتى مينفعشراغير الطارة علشان فول اوبشن و لو كانت هاف كانو هيغيروها
همشى على الحل رقمة2 و هرجعلكو
شكرا لحماس الوحوش

**tamer61** · 26-03-2014 07:55 PM

انا حبعت مباشرة ل رينو فرنسا وأشوف ويبقي كده مشينا في كل الاتجاهات في نفس الوقت وربنا يسهل حاجه منهم تجيب نتيجه ...... شكرًا لدعمكم المستمر يا رجاله

**Hany Saad** · 26-03-2014 10:27 PM

للتأكيد على هذه الحلول انا شخصياً جربت الحلول دى فى الميجان بتاعتى و كانوا بيغرولى حاجات عيوب صناعة حتى بعد انتهاء الضمان......
نصيحتى لكم خدوا السلم بالتدريج....
يعنى الأول رينو ميدل ايست و بعدين نعلى لفرنسا

حل اخير لو كل ده فشل و ان شاء الله لن يفشل
فيه حاجة ظريفة اسمها good will يعنى انا لسه خارج حالاً من الضمان و بعمل صياناتى فى التوكيل و ده عيب صناعة يبقى التوكيل بيشيل نسبة تحمل عالية حوالى من 40 الى 50% و انا بدفع الباقى

شدوا حيلكم يا رجالة و ان شاء الله تفرحونا قريب....بالتوفيق
لا يضيع حق خلفه مطالب......