الموضوع: أبشروا يا ناس - بدأ العد التنازلى لانهيار امريكا

مش مشكلة اننا نغير كنتاكى او ماكدونالدز
متهيالى مش هنام من غير عشا او هنموت من الجوع يعنى
المشكلة الحقيقية هى انقيادنا الاعمى والكامل وربط كل مقدراتنا بامريكا فقط !! بدل من تنوع تلك الارتباطات كما تفعل دول كتيير ومنهم السودان جارتنا مثلا
ومش هنقول السودان
هنول فنزويلا وبوليفيا ودول امريكا اللاتينية
دى مش دول جبارة ولا حاجة
هيا دول معظمها نامية زينا
بس الفرق ان القيادة السياسية بتفكر ولها مواقف وقرارات تصب فى صالح بلدانها فى اخر المطاف
ولا تتورع عن معاداة اى قوة تحاول استمالتها تحت عبائتها لانهم نااس بتفهم وبتحافظ على شعوبها كويس
انما احنا كمواطنين ليس لنا راى او قرار
احنا بنتفرج وبنسمع وبنشوف فقط لاغير
وبنشاهد الفيلم وبنتمنى ان البطل ميموتش
بس للاسف الشواهد كلها بتقول انه هيموت خلاص
دى مش غلطتنا انا وانت
دى غلطتهم هما

المشاركة الأصلية كتبت بواسطة MOHAMED ABD EL SHAFY

يااخى
ليه ماتنهارش !!!!
هيا مش على راسها ريشه
ولو احنا كنا عايشين فى عام 1900 مثلا وقال احد ان انجلترا هتنهار كان بردة هنلاقى اللى يقول كدا
على العلم ان انجلترا كانت اقوى 100 الف مرة من امريكا
كفاية ان اراضيها كانت لا تغيب عنها الشمس
ولكن فعلا امريكا هتنهار ودا بدأ بالفعل منذ ضرب البرج
وظهر فى عجزهم عن حتلال ام قصر فى العراق لمدة اسبوعيين متتاليتنين
ومن قبلها هزيمتها فى الصومال وفيتنام
امريكا بتنزف بتنزف يا جماعة

كل طلعة شمس بتخسر الملايين من الدولارات فى الهواء بسبب العراق وافغانستان

امريكا بتندم من جواها الف مرة على احتلالها للعراق وتورطها فى افغانستان

امريكا تتراجع بقوة
وكلها بضعة اعوام وهنسمع عن حروب اهلية بها وعن مشاكل طاحنة بداخلها

ومن ورائها اسرائيل ستتلاشى

اول خيط ظهر فى انحدار كيرف اسرائيل هوا هزيمتها على يد حزب الله

ودا من كلام محللين اسرائليين بنفسهم اللى قالوا كدا

جيش علرمرم انهزم من حزب!!!! وانسحب بعار الهزيمة

فى الواقع امريكا صعب تنهار لعدة اسباب
أولها الامكانيات العظيمه لديها التى وهبها الله لها من كل شىء
وثانيها الديموقراطيه التى تحكم البلاد والتى لا يوجد فيها استبداد بالرأى ولا حكم الفرد
وثالثها التقدم الرهيب فى الصناعه وكمثال البرمجيات فقط وتخيل العائد الرهيب منها وزى ما حضرتك شايف بيتكلموا عن ال 700 مليار كانهم 7 مليون
رابعها الاهتمام الشديد بالعلم والعلماء وتوفير كل الامكانيات للعلماء
خامسها ان وجود بعض المشكلات الاقتصاديه بها لا يعنى انهيارها
سادسها المشكله الاقتصاديه الاخيره بها ليست بها وحدها بل فى اوروبا واليابان وغيرهم
وربنا يسترها علينا وعلى اولادنا من هذا المستقبل المظلم

المشاركة الأصلية كتبت بواسطة OlaOsman

انا مش فاهمة احنا ليه نتمنى انهيار أمريكا؟ ليه ما نتمناش اننا نبقى قوة لا يستهان بها و ساعتها مش هايفرق معانا انهيار أمريكا من عدمها؟ إيه الضعف اللي احنا فيه ده؟ بدل ما نشوف هانبني نفسنا ازاي نقوم نتمنى الانهيار للغير؟؟!!

ماهو ده يا علا زى الشخص الحاسد
بيتمنى زوال نعمة غيره بدلا من تمنيه مثلها له

احنا بدل منقول ينهارو لازم ندور احنا نبني نفسنا ازاى ومش نعتمد علي حد ولا نبقي تابعين لحد

ولا حتى ما ينهاروش ...احنا مالنا ؟؟؟
بقينا عاملين زى الفشلة اللى عاوزين الناس كلها فاشلين عشان محدش يبقي احسن من حد

فكر بلييد و سلبي

المشاركة الأصلية كتبت بواسطة Noha-M

ولا حتى ما ينهاروش ...احنا مالنا ؟؟؟
بقينا عاملين زى الفشلة اللى عاوزين الناس كلها فاشلين عشان محدش يبقي احسن من حد

فكر بلييد و سلبي

+ 10000000000

هوه احنا بقينا كده فعلا

متهيألى الناس مبتكرهش امريكا وتتمنى سقوطها من فراغ
وبالذات احنا المصريين والعرب والمسلمين
عشان احنا عانينا كتيير من ظلم امريكا
ايه الشئ الكويس اللى امريكا بتديهولنا عشان نحبها
حاربت الصومال
بتقطع فى السودان
تتحكم فى منابع نفط دول الخليج
قتلت الملايين من اخواتنا فى العراق ودمرته واحتلته ونهبت ثرواتة
حتى اثار العراق اتسرقت
بتهدد سوريا عشان ترضخها تحت رجل اسرائيل
بتقوى اسرائيل ضد اصحاب الارض الفلسطنيين
وقفت فى وشنا واجبرتنا على عدم التقدم فى حرب اكتوبر واحنا بنحرر ارضنا
وامدت اسرائيل بكل قوتها اثناء حرب اكتوبر
محتلانا سياسيا
المعونة اللى هى ضمن اتفاقية كامب ديفيد كل يوم بتطلع تزلنا بيها وتهدد بقطعها
ايه الشئ الجميل اللى امريكا بتعملة لينا !!!
دولة بتظلمنا كل يوم!!
اكيد محدش بيحب الظلم