هااام جدا بخصوص طقم الدبرياج الديسك و الاسطوانه و البليه

**AmirCode** · 26-03-2014 01:54 PM

الاسعار الاى سالت عليها عند عواد بالحرفيين بالقرب من فتح الباب طقم ساكس المانى لمتور 1600 سى سى قالى 950 جنيه و طقم ساكس المانى لمتور 1000 سى سى 850 جنيه اظن انه غالى كده

**mohammad isdf** · 26-03-2014 02:15 PM

اعتقد انه غالى
اتصل واتأكد عند دول
http://www.nilemotors.net/Nile/365862-a-2.html

**hossamalsadik** · 26-03-2014 03:17 PM

هوا فعلا غالى كده
بس انا لما سالت عواد قلى 780ج !! هوا يمكن عاوز شويت فصال وعند فتحى الباب 750ج للطقم ال 1000cc

**ehab_mansour** · 30-03-2014 01:17 PM

المشاركة الأصلية كتبت بواسطة zika99_eg

السلام عليكم
الحمد لله غيرت طقم الدبرياج كامل (ديسك- اسطوانه- بليه)
جبت نوع ساكس

من عند فتح الباب - فيصل
وصمم علي 750ج ومرديش ينزل شلن
هو البليه محفور عليها made in germany
والاسطوانه كتابه عليها

تم التركيب والدبرياج دلوقت خفيف جدا والسحب الحمد لله بقي تمام
في سؤال بس هو طقم الدبرياج مرتبط بالفتيس ولا بالموتور
عشان الطقم اللي انا جبته الكل بيقول عليه 1300-1400 وانا الموتور عندي 1600 aee
بس الفتيس عندي متغيير لل 1400!!!
هل عشان كده طقم الدبرياج بتاع 1300؟
وياترا انا لو غيرت الفتيس هغير الطقم ده تاني وهيأثر معي في ايه؟؟؟
الحمد لله الموضوع اقفل ال 1000 ج بالتمام

السلام عليكم
أولا بخصوص الموضوع من اساسه فأنا غير مقتنع بقصة اوريجينال و الماني من عدمه او صيني ... الكتابه و الطباعه مش اساس ان القطع تكون فعلا الماني لأن اي حد بيطبع الكلام ده
انا شاري نفس الطقم اللي محفور و مكتوب عليه البارت نمبر و انه الماني و ساكس ب 700 جنيه بالضبط من فترة حوالي شهرين او اكثر قليلا
الشركات المغذية للسيارات زي ساكس و فاليو و مايلي لم تعد تستطيع تصنيع تلك الاشياء بألمانيا و لكنها تقوم بتصنيعها بنفس الجوده ببعض دول الاتحاد الاوروبي و دول شرق اسيا

عل العموم مش هنختلف كثيرا و لصاحب الموضوع متزعلش من كلامي و لكني امس الصناعه في اوجه كثيرة و لدي خبره معقوله بما يحدث فيها

اما بخصوص ان فيه اطقم اسعارها غالية و اخري رخيصة فده انا ذكرتي في موضوعي من قبل فيما يخص تغيير طقم الدبرياج ....
اطقم الدبرياج بيختلف سعرها حسب هتتركب علي انهي محرك و حسب قوة و عزم كل محرك و في اكثر المحركات انتشارا لدي مجموعة فولكس فيوجد نوعان الاول قطر الديسك و الاسطوانه 19 ملليمتر و ده لكل المحركات ال 1000 سيسي و معظم ال 1400 و بعض ال 1600 و الاخر 20 ملليمتر و ده للمحركات اللي بتعدي 100 حصان قوة تقريبا (الموضوع محتاج بحث اقوي لبيان الانواع و ما يناسبها بالضبط )

اما بخصوص الطقم بيركب فين فهو بيركب كله علي ترس الفلام اللي هو جزء من المحرك بيدور علي عمود الكرنك فقط اكس الفتيس المسنن بيكون له تجويف بيدخل في فتحه مسننه في الاسطوانه و ايضا البلية بتركب علي فرش (حامل معدني ) الفتيس اللي بيحركه الدراع اللي بره بيحركه سلك الدبرياج

بمعني ان اللي بيحدد نوع الطقم هو مقاسات تثبيته علي ترس الفلام اي نوع المحرك يعني لو فتيس راكب مش بتاع محرك معين مش هيفرق في نوع الطقم

و اي سؤال تحت امركم و بالتوفيق للجميع

**mahmoud ghanem** · 30-03-2014 10:45 PM

المشاركة الأصلية كتبت بواسطة zika99_eg

السلام عليكم
الحمد لله غيرت طقم الدبرياج كامل (ديسك- اسطوانه- بليه)
جبت نوع ساكس

من عند فتح الباب - فيصل
وصمم علي 750ج ومرديش ينزل شلن
هو البليه محفور عليها made in germany
والاسطوانه كتابه عليها

تم التركيب والدبرياج دلوقت خفيف جدا والسحب الحمد لله بقي تمام
في سؤال بس هو طقم الدبرياج مرتبط بالفتيس ولا بالموتور
عشان الطقم اللي انا جبته الكل بيقول عليه 1300-1400 وانا الموتور عندي 1600 aee
بس الفتيس عندي متغيير لل 1400!!!
هل عشان كده طقم الدبرياج بتاع 1300؟
وياترا انا لو غيرت الفتيس هغير الطقم ده تاني وهيأثر معي في ايه؟؟؟
الحمد لله الموضوع اقفل ال 1000 ج بالتمام

مبروك يا كبير وان شاء الله الدنيا تبقى تمام معاك

**hossamalsadik** · 01-04-2014 08:06 AM

مبروك على طقم الدبرياج
طبعا كلام م / إيهاب مظبوط لاتعليق عليه
بالنسبه للصناعه وبلد منشأ قطعة الغيار أحنا بنحاول نجتهد قدر المستطاع وأعرف ان كل ماكان القطعه صحبها عارف انها اصلى بيرفع فى سعرها ومن امثلة ذلك التوكيل وأحيانا الواحد منعا للشك بيبعت يجبها مخصوص من بره مصر وده من عدة طرق زى صديق مسافر او من مواقع قطع الغيار المعروفه والمؤمونه ويشحنها وهكذا