التغير من الجيتا الى السيراتو

**amr011111** · 26-03-2014 11:32 AM

المشاركة الأصلية كتبت بواسطة temoon

والله يا شباب انا مش عارف اقولكم ايه بس فى حاجه
اولا انا ما بحبش اليابانى نهائى رغم انه من اجمل العربيات
ثانيا بالنسبه للفرنساوى انا تاريخى اسود معاه
ثالثا انا كان نفسى اركب مرسيدس او بى ام بس الظروف السوده الى فيها البلد من حيث الاقتصاد والامان وكل المشاكل الى حضراتكم عارفينها انى دا يخلينى انى اركب عربيه رخيصه والى هى عجبتنى السيراتو لان معانا الهاى لاين القديمه وشايفها كويسه وغير كدا انا ما بحبش اركب عربيه ماتكونش هاى لاين فا بالنسبالى السيراتو افضل وانا فى العادى اصلا مشوارى كله 30 او 35 كيلو يوميا او اقل كمان مشوار الشغل وتحركاتى قليله فا الهاى لاين فى اليابانى هتعدى 200 الف جنيه ولو ب 1000 جنيه وانا بصراحه مش هدفع فى عربيه فوق 200 الف غير فى المانى فقط لاغير فا انا شايفها عربيه معقوله مش هتقول لا لانها كبيره وواسعه وظريفه انا كان حلمى لما انزل من الجيتا اركب e class or 5 series بس للاسف بلدنا كل يوم من سيئ لاسوء فا دا خلانى افكر فى السيراتو لانى شايفها معقولة ومش وحشه يعنى ما بين اليابانى وما تحتها وربنا يكرم وتقضى فترتها معايا وبعد كدا ربنا يكرم ونشوف حاجه تانيه وجايز البلد ينصلح حالها ساعتها هنجيب المرسيدس او بى ام دبليو او فولكس تانى بس بعد ما تكون كارثه الفتيس اتحلت نهائى واسف للاطاله

انت حليت الموضوع بنفسك
طالما عندك السيراتو القديمه وشايفاها كويسه
فالجديده هتعجبك اكتر واكتر

**Amr_650** · 26-03-2014 11:40 AM

المشاركة الأصلية كتبت بواسطة Hunting_Eagle

يا جماعة و النبي شوية عقﻻنية في الكﻻم

الناس اللي عمالة تقول الالماني و الكوري و الياباني .. الكﻻم ده اكل عليه الدهر و شرب

من واقع السوق المصري .. طلع المرسيدس و البي ام دبليو و الفولكس فاجن من اول الباسات و انت طالع .. الباقي كله زي بعضه

يعنى اﻻختيارات الموجودة ايه .. الكوروﻻ و الفلونس و اﻻسترا و السيراتو و اﻻنترا و الكروز و الشارك .. كلهم حاجة واحدة

انما تﻻقي واحد بيتكلم عن عربية تكنولوجي التسعينات و يقولك اصل انا راكب الماني و ما اركبش السيراتو اللي هي موديل 2014 !!

بعيدا عن كل الكﻻم ده..

انا رأي ان حضرتك لو عربيتك حالتها العامة و الميكانيكية سليمة .. اوعى تغيرها .. ﻻنها احسن من كل اللي في السوق و اقيم .. حتى احسن من الشيب الجديد بتاعها

ولو عاجباك السيراتو .. اتكل على الله .. و ان شاء الله تنبسط بيها و تجيب ال 528

طيب هل تعلم ان تلات اربع العربيات الالمانى موديل التسعينات الفاجر , انظف و اقوى وأامن و تكنولوجى اعلى من تلاتة اربع الكورى و اليابانى 2014

و لما نتكلم عن التكنولوجى مش قصدى السماعة اللى بتنور و لا اليو اس بى و لا الكاسيت اللى بيشغل MP3

الاوبشنز اللى بيضحكو بيها على الناس دى

**Hunting_Eagle** · 26-03-2014 01:56 PM

المشاركة الأصلية كتبت بواسطة Amr_650

طيب هل تعلم ان تلات اربع العربيات الالمانى موديل التسعينات الفاجر , انظف و اقوى وأامن و تكنولوجى اعلى من تلاتة اربع الكورى و اليابانى 2014

و لما نتكلم عن التكنولوجى مش قصدى السماعة اللى بتنور و لا اليو اس بى و لا الكاسيت اللى بيشغل MP3

الاوبشنز اللى بيضحكو بيها على الناس دى

لأ .. لا اعلم

الكلام اللي بتقوله ده رأي و ليست معلومة

**Amr_650** · 26-03-2014 02:33 PM

المشاركة الأصلية كتبت بواسطة hunting_eagle

لأ .. لا اعلم :copy of m-s5:

الكلام اللي بتقوله ده رأي و ليست معلومة

طيب معلومة ان الكيا اللى معايا 2014 مفيهاش abs و ايرباج واحد بس و لحد النهاردة العفشة بتاعتها تورشن بيم - عربيتى اللى بعتها فى مصر كانت فكترا 98 فيها abs و العفشة مالتى لنك و الفيرجن الالمانى بتاعها ( اللى مش منصور ) كان بينزل ب 2 الى 4 ايرباج و مالتى فانكشن !

معلومة اهية و ليست راى

**mohamed fetoh** · 26-03-2014 04:46 PM

شكرا لكلام حضرتك يا استاذ محمد وشكرا لتشجيعك بس بردو يا استاذ محمد الالمانى المانى بردو لان خبرة السنين بتفرق بردو ولا ايه راى حضرتك بس لما نتكلم على السيراتو بنقول انها عربيه كويسه وان تكنولوجيتها حديثه وانها عربيه مطلوبه فى السوق وانها نجحت وثبتت نفسها ولاا انت راى حضرتك ايه

ياباشا عشان تعرف ان معايا سبورتاج .عشان متفتكرش انى بشجعك انك تشترى السيراتو
ومش عاوز ادخل فى تفاصيل الماركات التانيه لان كل واحده منهم فيها لمسه جماليه وسلبيه فى نفس الوقت .ولو عاوز كورى فيه فوق 400 الف ونص مليون .

**Hunting_Eagle** · 26-03-2014 05:05 PM

المشاركة الأصلية كتبت بواسطة Amr_650

طيب معلومة ان الكيا اللى معايا 2014 مفيهاش abs و ايرباج واحد بس و لحد النهاردة العفشة بتاعتها تورشن بيم - عربيتى اللى بعتها فى مصر كانت فكترا 98 فيها abs و العفشة مالتى لنك و الفيرجن الالمانى بتاعها ( اللى مش منصور ) كان بينزل ب 2 الى 4 ايرباج و مالتى فانكشن !

معلومة اهية و ليست راى

كمية تناقضات غريبة

1- ليه مش راكب اللي فيها abs و airbags ؟؟ مش معنى انك راكب عربية الفئة بتاعتها مفيهاش عوامل الأمان ان العربية مفيهاش التكنولوجيا دي

2- بتشكر في أوبل انها كانت منزلة عربية مالتي لينك و abs .. في حين ان انت نفسك مش مهتم بعوامل الامان في عربيتك اللي راكبها .. يعنى بتدافع عن الصانع و تنتقد نفسك .. وده حالنا كمستهلكين في مصر .. لسه مش واخدين بالنا اننا مستهلكين .. يعنى لا هتاخد حاجة من اوبل و لا هناخد حاجة من كيا .. فبلاش الانحياز لاجل الانحياز

المشاركة الأصلية كتبت بواسطة Amr_650

طيب هل تعلم ان تلات اربع العربيات الالمانى موديل التسعينات الفاجر , انظف و اقوى وأامن و تكنولوجى اعلى من تلاتة اربع الكورى و اليابانى 2014

و لما نتكلم عن التكنولوجى مش قصدى السماعة اللى بتنور و لا اليو اس بى و لا الكاسيت اللى بيشغل MP3

الاوبشنز اللى بيضحكو بيها على الناس دى

3- هنا بقى عايزين نتكلم بالورقة و القلم .. على كلامك ان لو عملنا مقارنة مثلا بين 8 عربيات ألماني موديلات التسعينات و 8 عربيات ياباني على كوري موديلات 2014 .. هنلاقي 6 من الألماني افضل من 6 من الكوري و الياباني

ياريت تدينا أمثلة و تعملنا مقارنة في المواتير و التكنولوجيا و عوامل الأمان و الاعتمادية و الحاجات دي

و ياريت تبقى مقارنة بين نفس الفئات علشان الموضوعية

يعني مثلا .. فيكترا موديل 98 أحسن في كذا و كذا من كورولا 2014 .. كمثال يعني مش اكتر

علشان بس ميبقاش كلام مرسل

**samoreception** · 26-03-2014 05:10 PM

ممكن اعرف حضرتك هتبيع الجيتا الهاى لاين بكام ؟
وسعر الكيا سيراتوا الهاى لاين جديدة بكام ؟

**Islam Zaki** · 26-03-2014 05:33 PM

انا معايا السيراتو 2014 فئة sx اللي هي قبل هاي لاين الصراحة العربية واسعة اوي والشنطة بتاعتها واسعة جدا و مريحة من جوة ثابتة علي الطريق و في الملفات التكييف لسة مجربتوش و الفرامل بتاعتها قوية جدا وانا بسوق بسبورت درايف كوجه عام شايفها انها عربية جميلة مع العلم اني مركبتش الماني قبل كدة فمش هقدر افيدك في المقارنة بس بالنسبة ليا شافيها كويسة

**devil_storm** · 26-03-2014 05:36 PM

المشاركة الأصلية كتبت بواسطة Hunting_Eagle

كمية تناقضات غريبة

1- ليه مش راكب اللي فيها abs و airbags ؟؟ مش معنى انك راكب عربية الفئة بتاعتها مفيهاش عوامل الأمان ان العربية مفيهاش التكنولوجيا دي

2- بتشكر في أوبل انها كانت منزلة عربية مالتي لينك و abs .. في حين ان انت نفسك مش مهتم بعوامل الامان في عربيتك اللي راكبها .. يعنى بتدافع عن الصانع و تنتقد نفسك .. وده حالنا كمستهلكين في مصر .. لسه مش واخدين بالنا اننا مستهلكين .. يعنى لا هتاخد حاجة من اوبل و لا هناخد حاجة من كيا .. فبلاش الانحياز لاجل الانحياز

3- هنا بقى عايزين نتكلم بالورقة و القلم .. على كلامك ان لو عملنا مقارنة مثلا بين 8 عربيات ألماني موديلات التسعينات و 8 عربيات ياباني على كوري موديلات 2014 .. هنلاقي 6 من الألماني افضل من 6 من الكوري و الياباني

ياريت تدينا أمثلة و تعملنا مقارنة في المواتير و التكنولوجيا و عوامل الأمان و الاعتمادية و الحاجات دي

و ياريت تبقى مقارنة بين نفس الفئات علشان الموضوعية

يعني مثلا .. فيكترا موديل 98 أحسن في كذا و كذا من كورولا 2014 .. كمثال يعني مش اكتر

علشان بس ميبقاش كلام مرسل

+١١١١
الله ينور عليك ... بضم صوتي ليك و عايز اعرف الاوبل ٩٨ افضل من الكرولا ٢٠١٤ ولا الكرولا الافضل؟؟؟ علشان محترم بينهم الصراحه :)

و يا تري الكلام العبقري ده في العالم كله ولا عندنا بس في مصر!!! فعلا مصر بلد العجايب

الي صاحب الموضوع الاصلي لو الجيتا مريحاك و مفيش مشاكل يبقي اوعي تسيبها و ممكن توضبها شويه لانها عربيه محترمه جدا جدا و كفايه عفشتها و خامات الصالون الجامده و الثبات الجميل ... اما لو تعباك مشاكل و اعطال يبقي طبعا توكل علي الله في السيراتو الجديده بس فئه sx و حتعجبك جدا لانها عربيه محترمه

**abou-yahia** · 26-03-2014 06:58 PM

المشاركة الأصلية كتبت بواسطة devil_storm

+١١١١
الله ينور عليك ... بضم صوتي ليك و عايز اعرف الاوبل ٩٨ افضل من الكرولا ٢٠١٤ ولا الكرولا الافضل؟؟؟ علشان محترم بينهم الصراحه :)

و يا تري الكلام العبقري ده في العالم كله ولا عندنا بس في مصر!!! فعلا مصر بلد العجايب

الي صاحب الموضوع الاصلي لو الجيتا مريحاك و مفيش مشاكل يبقي اوعي تسيبها و ممكن توضبها شويه لانها عربيه محترمه جدا جدا و كفايه عفشتها و خامات الصالون الجامده و الثبات الجميل ... اما لو تعباك مشاكل و اعطال يبقي طبعا توكل علي الله في السيراتو الجديده بس فئه sx و حتعجبك جدا لانها عربيه محترمه

طبعا من وجهه نظري

المقارنه ظالمه

لان سعر مقابل قيمه لو الاوبل حاله افضل كتييير جدا من التيوتا 2014

لاكن المقارنه تكون هل الاوبل 98 ذي التيةتا 98 سنه 2014 لو نفس الحاله

هوه اجابه السؤال ده هيه الخلاصه

الموضوع: التغير من الجيتا الى السيراتو

LinkBack

أدوات الموضوع

عرض

-

-

-

-

-

-

-

المواضيع المتشابهه

كابل دبرياج 128 هل من حل غير التغير

الافضل فى التسارع السيراتو ام الجيتا؟؟

ياريت حد يفيدنى من مالكى الجيتا عن مواصفات وفئات الجيتا الخليجى والاسعار

صوت طقّه عند التغير من n الى r في قير المازدا .

زوايا الجيتا ارجو الافادة من مالكى الجيتا

الكلمات الدلالية لهذا الموضوع

المفضلات

المفضلات

ضوابط المشاركة