الموضوع: التغير من الجيتا الى السيراتو

المشاركة الأصلية كتبت بواسطة temo85

رأى الشخصي بلاش , هتحس بفرق رهيب فى النزول من اى عربية اوربي لكورى او يابانى
اولا الكور متفوق علي اليابانى ككل , بمعنى فى قطع الغيار الكورى يكسب و فى اعاده البيع الكورى يكسب و فى الاعتمادية الكورى اثبت نفسه و الاأداء و الثبات متقارب جدا بينهم لكن اليابانى و الكورى فى كفه و الأوربي فى كفه تانيه
رأى حتى لو قررت بيع الجيتا هات حاجه أوربي برضه بنفس المبلغ ده لكن انا مش مقتنع ان الكورى يوصل للأرقام دى لأن دى مش شريحته ولا يستاهل الأرقام دى
على الرغم انك مش بتحب الفرنساوى لكن الفلونس الجديدة مختلفه تماما عن اى عربية قبلها من رينو و أثبتت وجودها و عربية فعلا محترمه و سعرها فى نفس الحدود فهى تكسب السيراتو و الانترا بجدااااااارة و مفيش وجهه مقارنه بين الاتنين
النيو سيراتو جربتها كذا مره مع اخويا جنط 16 وانا معايا الشكل اللي قبلها 2011 جنط 15 اولا الجديده عزلها افضل و الدركسيون الكهرباء ناعم جدا فيها اللى علقت عليه فيها ان عفشتها الخلفية ناشفة بطريقه غريبه تكاد تكون العربية بتنط من ورا مع فواصل الكبارى و المطبات , بالنسبة لثباتها هو معقول كحال كل الكورى و اليابانى لكن مفيش مقارنه بينها و بين الجيتا نهائيا لا فى راحه العفشة ولا فى الثبات على الطرق السريعه لانى سقت الجيتا وعارف هى عامله ازاى
ده مجرد رأى شخصى و ياريت محدش ياخدها بأنه هجوم او تحيذ لنوع عن أخر

انا مع حضرتك يا اخ تيمو فى كل كلامك بس الفكره ان العربيه فى اعادة البيع تكسب عن الاوربى وانها عربيه اقتصاديه واليابانى يتفوق عن الكورى فى نقط كتير منها الاعتماديه والعزل والتعليق طبعا بس للاسف انا مش بحب اليابانى رغم ان العربيات اليابانى من افضل العربيات فى العالم بس الفكره انى مفضل الكورى عن اليابانى ودا راى الشخصي انما كا مكانه فى العالم العربيات اليابانيه اعلى عربيات اعتماديه وعربيات العمر الطويل ومعمره ما شاء الله بطريقه رهيبه وافضل من 1000 كورى بس اعمل ايه عجبانى وشايف انها افضل عربيه فى الفتره الحاليه من الناحيه الاقتصاديه لحين ان ربنا يفرجها علينا كلنا ونرجع للعربيات الالمانى تانى

المشاركة الأصلية كتبت بواسطة abou-yahia

السيات التوليدو او الاسكودا رابيد

مالهم

اتفرجت علي التوليدو وكانت حلوة هى والرابيد

المشاركة الأصلية كتبت بواسطة spidars

شوف يا باشا انا الحمد لله معايا السيراتو الشكل الجديد هاي لين وكيل جنط 17وكان معيا قبلها لانسر سوبر اكشن 4سنين وبعجين جبت السيراتو القديمه وكانت غلطه مقعدتش غير اسبوعين وبعتها لانها معجبتنيش مش ثبته لاكن الجديده ماشاء الله مفيش حاجه بخاف اعملها بيها وخد ملفات المطار الحاده علي 160 .170 ولا الهوي بس علي وضع الاسبورت مود فرامل بلمس لدرجه اني بخاف ان الي ورا يخبط فيا من غشم الفرامل مريحه وناعمه ومفيش تنطيط في المطبات ولا فواصل الكباري وجنط ال17 مفيش اي احساس بيه اكنه 15 والصراحه هي عربيه مفهاش عيوب عامل بيها لحد دلوقتي 16 الف كيلو تكيف شغال صبح وليل

بسم الله ما شاء الله ربنا يباركلك فيها يا باشا ويكفيك شرها طمنتنى اكتر من نحيه العربيه والحمد لله اعجابى بيها من كلامكم بيزيد يوم عن يوم وبقتنع بيها اكتر

المشاركة الأصلية كتبت بواسطة mohamed fetoh

شوف ياباشا
ركبت عربيات كتيره ابتداءا من مرسيدس 78 و82 و85
واوبل فيكترا وهوندا اكورد وتويوتا 2007
ونيسان صنى 2005
وتويوتا 2008 اللى كرهتنى فى التيوتا
والنترا 2009
وفلوانس 2012
شوف ياباشا تقدر تقول ملم بالعربيات يابانى على كورى على المانى على فرنسى

الكورى الان اصبح خاماته ممتازه وتطوروا جدا فى صناعة السيارات اجدهم دائما متطورين
وبيحدثوا السيارات كل عام بشكل رهيب .
موضوعك شدنى لافكر معك فى اختيارك للسيراتو هى سياره ممتازه جدا وعليها طلب رهيب فى شرائها
وصدقنى مفيش حاجه اسمها نازل من المانى وحركب كورى

شكرا لكلام حضرتك يا استاذ محمد وشكرا لتشجيعك بس بردو يا استاذ محمد الالمانى المانى بردو لان خبرة السنين بتفرق بردو ولا ايه راى حضرتك بس لما نتكلم على السيراتو بنقول انها عربيه كويسه وان تكنولوجيتها حديثه وانها عربيه مطلوبه فى السوق وانها نجحت وثبتت نفسها ولاا انت راى حضرتك ايه

المشاركة الأصلية كتبت بواسطة mahmoud/nabil

هو احنا شعب كده بيحب يقول انا راكب كذا و كذا .... مع احترامي للجيتا و الالماني ... الكوري الكله بيقول عليه وحش و في فرق .. الكيا حاليآ تعتبر بتاتفس في الهاي كلاس .... انا كنت في روسيا من ٥ شهور انا استغربت من كتر الكيا لدرجة اني خليت واحد من ال كانوا معايه يسأل و الرد كان غريب ... ان العربيه اه كوري و كل حاجه بس بيعمله الحاجه المحتاجها الناس ... لدرجة ان هناك بيفضلوا الكيا موهاف عن التيوتا و عربيات تانيه كتير و تعتبر بتانفس الجيمس و الجيب ... بس احنا كاشعب هنفضل كده الكوري وحش الكوري زفت ..... احب اقولك توكل علي الله و هتيجي في يوم و تقول ان فعلآ السيراتو تستحق و مش هتحس انك تزلت لفئه اقل و يمكن تحس انها فئه اعلي إن شاء الله ... كل الناس من اول الشيب القديم خلاص يقس عندهم مبدأ ان العربيه لو حد نفخ فيها هطير ... الشيب الجديد حاجه تانيه و ياريت البيشكك في العربيه دي يجربها كويس

انا مع كلام حضرتك يا استاذ محمود انهم بيعملو الحاجه الى محتاجاها الناس وانا شايف حاليا انها افضل اختيار وان هى الى تنفع معايا الفترة دى ولما جربتها عجبتنى وحسيتها عربيه كويسه فا عشان كدا قولت هى افضل اختيار حاليا

المشاركة الأصلية كتبت بواسطة abou-yahia

معلش كورسي في الكلوب

شايف الناس بتتكلم علي السيراتو تلشكل الجديد ومتفقه بما لا يدع مجال للشك انها افضل الكوري

ماشي

بصراحه مش عجبني عدم الموضوعيه ديه

امال الكروز تبقه ايه

شاسيه وموتور وفتيس اوبل استرا

عزل افضل كتييير من عربيات اخري

كذلك خامات داخليه

ثبات منقطع النظير ولا يقارن غير بالألمانية

الشكل طبعا اذواق

لاكن عفوا الكروز علي وجه التحديد افضل افضل الكوري

تحياتي

انا مع حضرتك فى كلامك يا اخ ابو يحيى وان الكروز افضل كورى وطبعا هى عربيه ما شاء الله جميله جدا ومن نحيه ثباتها هى ما شاء الله ثبات عالى جدا ودا عن كلام ملاك ليهم اعرفهم وعربيه جميله وشيك وكل حاجه بس بصراحه انا بكره حاجه اسمها منصور

المشاركة الأصلية كتبت بواسطة esam_ayad

أسف جدا اني أقول لحضرتك ان كلامك كله غلط ( والله مش اهانه ليك لكن ردا علي كلامك فقط)
معلش سيراتو ايه اللي بتلعب علي سرعة 100 ولا 120 ؟
انا معايا سيراتو2014 هاي لاين جنوط 17 وأنا لسه كنت بجري بيها علي 160 وعادي جدا جدا وكنت بسابق بيها عربيه فورد جي تي (طبعا هي اللي كسبتني) والجي تي عدت مني زي الطلقه وعربيتي كانت ماسكه حارتها وعادي جدا جدا ولا الهوا.

المشاركة الأصلية كتبت بواسطة amgomaa

هو بالفعل احسن متغيرش الجيتا ولو هتغير ممكن السيفيك ممتازه وفيها vsc بس بالنسبه لحوار السيراتو الشكل الجديد تلعب بعد 100 اوفر شويه العربيه علي الطريق لحد 160 مفيش اي تأثير علي الثبات وانا بقول 160 لانى مبزودش عن 120 اساسا

Sent from my GT-S5282 using Forum Runner

المشاركة الأصلية كتبت بواسطة esam_ayad

اه معلش افتكرت حاجه كمان
كنت مره ماشي براحتي خالص علي سرعة 100 أول ماإشتريت السياره وواخد الحاره التانيه وفي امان الله وفجأه ييجي واحد سايق عربيه جيب بسرعه جدا مش فاكر هي ايه بس اعتقد يإما جمس يوكن او تويوتا سيكوويا وياخد الحاره اللأولي زي الصاروخ ويعدي من جنبي في لحظه واحده علي سرعة لا تقل عن 160 ولله الحمد عربيتي كل اللي حصلها انها اتهزت في مكانها فقط لا غير وأنا اللي اتخضيت وأنا كمان كنت ماسك الدركسيون بإيد واحده

المشاركة الأصلية كتبت بواسطة esam_ayad

بالنسبه للفرامل ياباشا فهي لو فئة الهايلاين أو الفول اوبشن فهي ديسكات اماميه وخلفيه وده بيخليها قويه كفايه انها تفرمل بقوة بالإضافه لميزة الـ abs
والنهارده بالصدفه كنت طالع قرفان من الشغل ولما الإشاره فتحت قرصت علي البنزين وطلعت فوق الستين بحاجه بسيطه وكنت ماسك الموبايل بكتب رساله لصاحبي وفجأة الطريق وقف تماما ولقيت بيني وبين الكورولا اللي قدامي متر واحد تقريبا مش اكتر ولله الحمد حطيت رجلي علي الفرامل وبصيت ورايا لحسن حد يلبس فيا وسبت العربيه اللي هالبس فيها ولله الحمد العربيه وقفت في ثانيتين ومش فشخره لكن ثقه اولا في الله وثقه في فرامل السيراتو الرائعه.

رجالة صباح الفل ,, مين بس اللى قال انها بتلعب ؟!! ,, بص من ساعة مبدات اسوق و الحمد لله مركبتش غير المانى و عاشق للالمانى فى كل حاجة :) .. فكلامى هنا اية , انى شخصيا ببقى مقلق جدااا و انا مسافر حتى لو مش بجرى و انا راكب كورى او يابانى ( ماعدا الهوندا لانى كانت معايا فترة ومقفل عدادها- عربية تحترم جدااا - انا شايفها مرسيدس اليابانى )

و بما ان الراجل كان راكب المانى من وجهة نظرى هيبقى مقلق جدا لو ركب الكيا او حتى التيوتا

لكن شهادة لله انا قعدت معايا فترة السيراتو اللى قبل دى و الكوبية بتاعتها سافرت بيها كتيرر فى مصر - العربية فعلا - مع احترامى لملاكها - متتركبش العربية مع السرعة زبالة و الله معرفت انام مرة و انا راجع كل شوية اخبط فى السقف !! و اخر مرة حلفت منا مسافر بيها تانى - راجع البيت برجع من العفشة - الطريق كان كلو مطبات هوا و الله العظيم بطنى قلبت !!! - حاسس راكب تكتك .

انما السراتو الجديد بصراحة فجأتنى خالصصصص .. لا الشغل الجميل بيبان و الله - العربية واسحة و مريحة و الاهم معرفش عملو اية فى العفشة بقت ثابتة جدا ( مقارنة باللى قبلها ) _ و سريعة اكتر ( مقارنة باللى قبلها ) و يكفى انها فى السعودية انظف من الكورولا الجديدة !!! بشهادة ناس كتييير جدا و انا بنفسى روحت شفتها فى التوكيل - التيويتا زفت بلاستك و تحس انها تقفيل صينى - بوظوها خالصصص .

السراتو تقفلها اشيك و احلى ..

ارجع ابص تانى بصة كدة للباسات و انت طالع اعرف حاجة واحدة بس

اليابانى و الكورى ( و قريبا الصينى ) فى كفة و الالمانى وحدة فى كفة

بجد الناس دى عشان توصل للالمانى قدامها 100 سنة ضوئية ( مع احترامى و دى رائى عن تجربة )