أولا تعليقا على الفيديو اللي حضرتك أرفقته كدليل على إدانة شيوخ الوهابية هؤلاء كما تقول فالفيديو ليس فيه ما يدين الشيخ وعنوانه أساسا عنوان جائر وموهم فالشيخ كان يتحدث عن بداية السفور بعد أن كان العرف السائد في المجتمع هو تغطية الوجه وشبه الشيخ ذلك بتشبيه وهو أنه كان وجه المرأة كفرجها كدليل على المبالغة في تقبيح كشف المرأة لوجهها كما كان العرف يقتضي ذلك آنذاك
ثانيا لما شيوخ الوهابية أشاعوا أن المرأة قطعة لحم أمال الثقافات الغربية التي لا تنظر إلى المرأة إلا أنها مجرد شهوة جنسية يقضي منها الرجل حاجته ثم يرميها ويبحث عن غيرها هما دول اللي حفظوا للمرأة كرامتها ؟!
لما المرأة تصبح سلعة رخيصة لدرجة أي إعلان حتى لو كان إعلان عن بيرفيوم رجالي لازم يجيبوا فيه ستات عريانة يبقى دول إيه ؟!
هو الراجل لما يبقى بيحض على أن النساء تتحجب وتغطي وجهها ويتشدد أحيانا ويبالغ في ذلك وينهر من تعرض جسدها لكل عين في الشارع يبقى بيبصلها على إنها قطعة لحم واللي بيسعى جاهدا لتعريتها وينكر على من يأمر بتغطيتها هو ده اللي بيديها اعتبارها وحريتها وكرامتها ومش بيبصلها على إنها قطعة لحم ؟!
للدرجة دي المقاييس مقلوبة والموازيين متشقلبة عند حضرتك وعند كل اللي بيفكروا بنفس فكرك ؟!
إيه معيار حضرتك في حفاظ كرامة المرأة ومين في نظر حضرتك اللي بيحفظ كرامتها ولا ينظر إليها على أنها قطعة لحم ؟ ممكن مثال ؟
المفضلات