( اسأل استشير ) عاوزين نعرف عاوزين نتعلم

**verna2008auto** · 23-04-2014 02:22 PM

المشاركة الأصلية كتبت بواسطة verna2008auto

معلش يا فيرناويها ...
هاجيبلكم رد التساؤلات الهامه دي

كل سنه وانتم طيبين ...
معلش اتأخرت الاجابات ... بس ان شاء الله ها تتحط

**moe gawad** · 25-04-2014 05:38 PM

اسف جدا على تاخرى على الرد على التساؤلات، بس المهم انا رجعتلكم تانى اهو،
نتكلم على مسمار السنترك، المسمار اللى هو ماسك امقص الخلفى ، والخاص بالزوايا الخلفيه، وهو مسمار هام جدا حيث انه هو المسؤول كليا عن الزوايا بالعجلتين الخلفيين،

**wael6** · 25-04-2014 07:15 PM

السلام عليكم
لاحظت وانا على سرعة عاليه مش اوى يعنى كنت تقريبا على 80 كم ودوست فرامل برجه خفيفه فى الدواسه ؟
وكان العفشجي قالى ع الموضوع ده بس انا مكنتش بلاحظه
يا ترى هوا شاف ايه خلاه يقولى كده لوحده ؟
مع العلم انى على وشك تغيير تيل الفرامل الامامى ؟
ومعلش فكرونى بافضل نوع تيل فرامل للفيرنا ؟

وهو الخلفي بيتغير كل اد ايه وايه علامات تغييره من فضلكم ؟

متابع حضراتكم
وشكرا جزيلا

**verna2008auto** · 25-04-2014 11:31 PM

المشاركة الأصلية كتبت بواسطة wael6

السلام عليكم
لاحظت وانا على سرعة عاليه مش اوى يعنى كنت تقريبا على 80 كم ودوست فرامل برجه خفيفه فى الدواسه ؟
وكان العفشجي قالى ع الموضوع ده بس انا مكنتش بلاحظه
يا ترى هوا شاف ايه خلاه يقولى كده لوحده ؟
مع العلم انى على وشك تغيير تيل الفرامل الامامى ؟
ومعلش فكرونى بافضل نوع تيل فرامل للفيرنا ؟

وهو الخلفي بيتغير كل اد ايه وايه علامات تغييره من فضلكم ؟

متابع حضراتكم
وشكرا جزيلا

انت عاوز تمسح الطنابير عند خراط .. لانها فيها تعريجات بتسمع مع الفيامل ...
المسح ب 30 جنيه عن اي خراط والتركيب ب 20 وركب بعد كده التيل براحتك

**wael6** · 26-04-2014 12:00 AM

المشاركة الأصلية كتبت بواسطة verna2008auto

انت عاوز تمسح الطنابير عند خراط .. لانها فيها تعريجات بتسمع مع الفيامل ...
المسح ب 30 جنيه عن اي خراط والتركيب ب 20 وركب بعد كده التيل براحتك

ويا ترى ايه السبب فى كده؟

وشكرا

**verna2008auto** · 26-04-2014 12:49 AM

المشاركة الأصلية كتبت بواسطة wael6

ويا ترى ايه السبب فى كده؟:u_thin1[1]:

وشكرا

بتحصل كتير من مشوار طويل مثلا والطنابير تكون سخنه وبعد كده تهدي وتدخل في بركت مايه ( عادي بيحصلنا كتير .. فا الطنابير تتأثر من البروده المفاجئه ..
او تيل ناشف شويه من منتصفه فا بيعمل دواير هلاليه برده بتأثر ..
بس

**moe gawad** · 26-04-2014 11:24 AM

بشمهندس يا عاصم. يابنى سيبك من الاوناش وتعالى على المركز عندى.
بس فيه احتمال اخر للطنابير وهة استعمال تيل فرامل الشوائب فيه عاليه. زى مثلا الجولد. ده سبب انه يحصل ريجه فى الطنبوره.
المهم. لو الريجه خفيفه امسح الطنابير عادى
لو جامده غير واوعى تمسح . علشان الطنابير الاماميه فى الكورى ضعيفه جدا. ومسحها يسبب تآكل جزء كبير من سمكها. وهو رقيقه . فمع اول مطب صناعى قوى او بلاعه تتكسر .

**verna2008auto** · 26-04-2014 12:55 PM

المشاركة الأصلية كتبت بواسطة moe gawad

بشمهندس يا عاصم. يابنى سيبك من الاوناش وتعالى على المركز عندى.
بس فيه احتمال اخر للطنابير وهة استعمال تيل فرامل الشوائب فيه عاليه. زى مثلا الجولد. ده سبب انه يحصل ريجه فى الطنبوره.
المهم. لو الريجه خفيفه امسح الطنابير عادى
لو جامده غير واوعى تمسح . علشان الطنابير الاماميه فى الكورى ضعيفه جدا. ومسحها يسبب تآكل جزء كبير من سمكها. وهو رقيقه . فمع اول مطب صناعى قوى او بلاعه تتكسر .

تمام يا مومبيك ...احلي كلام ..

بالنسبه للاوناش والكواريك ماقدرش ابعد عنهم احسن ياخدو علي خاطرهم مني

**verna2008auto** · 26-04-2014 12:59 PM

سؤال هام ..

بمناسبه الصيف ..
1- ايه سبب ارتفاع امبير الحراره مع السرعات وبعد ال 100 كلم بالتحديد.
2- ايه سبب نقص المياه في الريدياتير.
3- ايه سبب ارتفاع امبير الحراره مع التكييف فقط .

ما هو الحل بالتفصيل الممل ..
وهل يجب تغيير خراطيم مثلا ؟؟ مع تسليك الريدياتير وشجره المياه السفليه
مع الاسعار لو امكن ...

نرجو الاجابه سريعا

**moe gawad** · 26-04-2014 11:26 PM

سيدى الفاضل. مع انى عارف ومتاكد انك عارف الاجابه جدا علشان احنا بنتعلم منك . بس يالا يمكن الناس تستفيد.

بخصوص مياه الصيف. فيه طريقه تعرف بيها الريداتير محتاج تسليك ولا لا.
حضرتك عند 2 خرطوم مياه بالريداتر. علوى وسفلى . العلوى هو الخاص بدخول المياه من الموتور والسفلى الى الموتور.
حضرتك هاتحط ايدك على الريداتير من اعلى . ناحية الخرطوم العلوى هاتكون سخنه والمفروض ناحية السفلى تكون اقل حراره بكثير حيث ان دورة المياة بردت قبل الدخول رجعا للموتور.
ه اولا. انا عن موضوع السخونيه مع الجرى او التكييف. فده ليها 50 احتمال. طلمبة المياه ضعيفه بالتقليب.
حساس الحراره
كوعة المياه

وتسريب الفيرنا بالذات لازم مراجعته بالعين . علشان مافيش حاجه متكررة التسريب فى الفيرنا اكثر من الكوليهات اللى فى الخراطيم لما بتكون مش رباط. نصيحه تخلوها من اللى بتتربط بمفك . والواحد تقريبا بحنيه ونصف . والعربيه بتحتاج 4 كوليهات حجم كبير و 4 وسط و 2 صغير وبس.

الموضوع: ( اسأل استشير ) عاوزين نعرف عاوزين نتعلم

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوزين نعرف ؟؟؟؟؟؟؟؟؟؟؟؟؟؟

بعد اللى حصل معايا ومع غيرى فى التوكيل عاوزين نعرف أسعار صيانات مركز عصام وصفا

عاوزين نعرف رأيك !!!!!!!!!!!!

عاوزين نعرف اقدم اوبترا فى المنتدى

عاوزين نعرف الاسعار

الكلمات الدلالية لهذا الموضوع

المفضلات

المفضلات

ضوابط المشاركة