عربيتى اتسرقت والحرامى عاوز 25 الف !!!

**mohamed raslan** · 26-03-2014 07:32 PM

ربنا يكون فى عونك .........للاسف الحكايه دى منتشرة اوى اليومين دول و غالبا مبيبقاش فى ضمان هما الجماعه دول فى الاغلب بياخدوا الفلوس ويقولك العرابيه فى المكان الفلانى روحى خديها وان شاء الله ترجع تانى بس حاولوا تفاصلوا معاه شويه.

**drmohamedkhater** · 26-03-2014 07:32 PM

نصيحتى بلغى البوليس و شوفى حد فى الداخليه - و اصبرى و ان شاء الله هترجع هترجع - و هيه كدا كدا هتتبهدل و يتسرق منها حاجات - ف الاحسن تلجأى للبوليس و ان شاء الله ترجع
بس روحى مديرية الأمن اللى تابعين ليها على طول مش القسم و لو محصلش ابعتى فاكس لوزير الداخليه او روحى اشتكى فى الوزارة نفسها
و ربنا معاكم يا رب و يسترها معانا

**ahmedelfeky** · 26-03-2014 08:45 PM

ربنا يرجعهالك ان شاء الله هي فعلا حاجه تحير

**mohammedabdallh** · 26-03-2014 08:51 PM

نصيحه بلاش تدفعى الا لما تكونو
جوه العربيه
علشان انا دفعت والعربيه مرجعتشى
وعملت زيكوا 100الف ولا 10 الاف
ورنا يسترها عليكوا

**فادى محمد** · 26-03-2014 09:25 PM

اقترح انك تدفعي 3000 ج مثلا لبلطجيه يروحوا علي انهم معاهم الفلوس ويعملوا شرك للحرامي او من معه ويخطفوه ( تيجي تصيده يصيدك) وطبعا هو هيبقي موضب العربيه في مكان وواقف علي مكالمه علشان يسلمها او
يوديها للمكان المتفق عليه. هتتم المكالمه والسكينه علي رقبته. وحد منهم يروح المكان يستلم العربيه ومايتسابش
الا بعد ما تاخدوا العربيه. معلش ده مش اسلوب متحضر ولا اخلاقي. ولكن للاسف البلد ماشيه كده ,وانتي مضطره
علشان تاخدي حقك .ربنا يجيرك في مصيبتك وابقي طمنينا

**starlanos** · 26-03-2014 10:29 PM

حاولي سلم وتستلم وغالبا هيرفض
وانتي وحظك ممكن يديكي العربية وممكن ياخد الفلوس و العربيه
في ناس فعلا خدو عربيتهم وناس مطلوش حاجه
بس مسمعتش اذو حد كل همهم الفلوس بس

**Elawany13** · 26-03-2014 11:34 PM

المشاركة الأصلية كتبت بواسطة agom3a

ليا صديق كل عائلته وكلاء نيابة و تمت سرقة عربية زوجته
كانت سيفيك 2000 تقريباً و فضلت مسروقه شهر
و الشرطة ولا عملت حاجه
و في الأخر حد يعرفه جابله ناس "مخلصاتية" اداهم الفلوس اللي الحرامي طلبها و راحوا و جابولوا العربية و أخدوا عراقهم
بس مش فاكر أخدو كام بالظبط ..... بس كان مبلغ مش قليل لآنهم بيطلعوا بآلي و شيروكي و عربية كمان و بيبقوا عددهم مش قليل ، عشان لو لا قدر الله حصل حاجه

الله يكون في عونك و ان شاء الله العربية ترجع بالسلامه

ده ايه الغم اللى احنا فيه ده
شاطرين فى التليفزيون والراديو هارينا تسلم الايادى