عربيتى اتسرقت والحرامى عاوز 25 الف !!!

**Hossni96** · 27-03-2014 12:49 AM

حضرتك انا عربيتى النترا اتسرقت قبل كده و دفعت 30 الف و خدتها فعلا بس انتى ياريت ال يروح يستلم ميكونش شخص فيه الطمه او يروح بعربيه فيها الطمع بردو انا من طنطا والعربيه خدتها من الكيلو 26 اول الساحل الشمالى والشخص ال بتتفقى معاه فى التليفون قوليلو يشوف العربية واحنا بندفع سلم واستلم والعربيه لما جت كانت مافيهاش الجنوط الاستبن والعربية كانو مشغلنها بامعلقه والكونتاكت مكسور

**omaranes77** · 27-03-2014 01:40 AM

يارب سترك ورضاك
طب حضرتك ماعندكوش اي ضابط في العيلة او حد يعرف اي ظابط
اصل في واحد صاحب والدي كان معاة شاهين واتسرقت منة بس كان اخوة ظابط جوية كلم القسم بس اهتموا بالموضوع
يومين والعربية جاتلوا
هيا الشرطة مكسلة بس
طب انا اسف لصاحبة الموضوع انشاء اللة الفرج قريب
سؤال ..اية هيا المناطق الي بيتواجد فيها العربيات المسروقة ..لان عربيتنا الاكسل القديمة مسروقة ووالدي خايف يروح بالجديدة لايرجع من غيرها ههه العربية مسروقة من العيد الصغير الي فات واحنا خايفين تروح ندور عليها ولا حاجة

**Mohamedalinagd** · 27-03-2014 01:40 AM

المشاركة الأصلية كتبت بواسطة noran mohammed

دلوقتى عربيتى اتسرقت والحرامى بيساومنا على 25 الف وفاصلنا معاه قال 21 بالعافيه
المشكله انه حيتكلم تانى وحيحدد معاد ومكان
انا اضمن منين انى حاخد العربيه وانه مش حياخد الفلوس وميدنيش العربيه كمان

وطبعا بلغت البوليس ولا الهوا :( !
ايه الحل وانا خايفه على الناس اللى حتروح تستلم العربيه لحسن يخطفهم ولا يعمل فيهم حاجه

لا هوا مش هياخد الفلوس ويمشى ولا حاجة هوا هياخد الفلوس وهيديكى العربية وهوا دا تملى السعر اللى بيطلبوه انا اعرف ناس كتير حصل معاها كدا هوا هتديلوا الفلوس وهيقولك العربية فى المكان الفولانى هتروحى تلاقيها موجودة بالمفتاح

وربنا يعوض عليكى ان شا الله

**bassemali** · 27-03-2014 03:04 AM

تروحي لمأمور القسم وتديله على دماغه وتقوليله بيانات الحرامي وكل تفاصيل الاتفاق وهما مسؤولين يعملوا له الكمين ويجيبوه هو وعربيتك .. لو مانفعش تطلعي على مديرية الامن وتعملي بلاغ هناك .. وبعدها مشوار ساعتين زمن للنيابه الاداريه تعملي بلاغ ف المأمور والضباط اللي ف القسم انهم تقاعسوا عن اداء واجبهم ... وتصبري شويه .. لكن دفع فلوس لأ لان الفلوس ممكن تتاخد وماترجعلكيش العربيه .. هوالحرامي لو مالقاش منكم رجى هيسيبها في اي حته والحكومه هتجيبها بعد شهرين ثلاثه إن شاء الله ... اما ولاد ال .... بتوع الداخليه دول لازم يتاخد معاهم موقف .

**raed666** · 27-03-2014 04:31 AM

حد يستخبى فى المكان اللي حتسلم الفلوس فية و يمسك الحرامى و يسلمة للشرطة

**omaranes77** · 27-03-2014 06:15 AM

المشاركة الأصلية كتبت بواسطة raed666

حد يستخبى فى المكان اللي حتسلم الفلوس فية و يمسك الحرامى و يسلمة للشرطة

اية ياباشا شغل حمادة وتوتو دة

**أسامه الحسيني** · 27-03-2014 08:14 AM

المشاركة الأصلية كتبت بواسطة raed666

حد يستخبى فى المكان اللي حتسلم الفلوس فية و يمسك الحرامى و يسلمة للشرطة

يا باشا دول عالم وسخ**** ولا اوسا*** بيحدودوا مكان وبعد كدا يغيروا المكان ولو شكوا ان في حد بيراقف المكان ممكن يغيروا المكان لثالث مرة او يلغوا الصفقة بس هما الخسارنيين لانة متاكد لا يمكن يعرف يبعها بالمبلغ دا كتيرة 5 تلاف للناس الى بتقطع العربيات
الموضوع دا بختك يا بو بخيت لان فى برنامج جابوة فى التلفزيون ان ناس دفعت وما خدتش حاجة وناس تانية دفعت وخدت عربيتها ولا عزاء لجهاز الشرطة
والى يفقع فى الموضوع لما يبقي حد مشهور او معروف ويحصل معاه كدا ساعتين زمن والعربية ترجع يعني الشرطة تقدر ترجع عربيات الناس الشقيانة بس نقول اية حسبنا الله ونعم الوكيل وربنا ينتقم من كل ظالم

**OmarEzzat93** · 27-03-2014 08:25 AM

ربنا معاكو و ترجعوها بس ازاى بتتسرق هى مش فيها امبوليزر

**amr011111** · 27-03-2014 08:25 AM

المشاركة الأصلية كتبت بواسطة mansy212

انا معايا نيسان صنى 2014 واتسرقت من 10 ايام والحمد لله رجعت النهارده الصبح بعد ما دفعت 22 الف جنيه وده كان عن طريق وسيط بينى وبين الحراميه
المهم حضرتك عربيتك اتسرقت فين و امتى
وحاولى تلاقي وسيط يضمن وجود العربية ويشوفها الاول وبعا بياخد فلوس مقابل كده
وربنا يوفقك

انا اعرف ان نيسان الشكل الجديد فيها ايموبلايزر فهل خدوها منك تثبيت ولا هى الشكل القديم