الموضوع: طريقة قياس مستوى الزيت فى الفلوانس فيس ليفت

انا الموضوع لخبط معايا لأن الميجان كان فيها مقياس زيت digital و عمره ما نزل شرطه لمدة 8 سنين و 80 الف كم
انا تقريباً فهمت السيستم فى الفلوانس و هو احدث بكثير من الميجان و اعتقد و الله أعلم انهم مستخدمين ultrasonic sensor علشان يقيس الزيت فى اى وقت.....
زى ما بقول تانى الميجان كنت الصبح او الظهر لسه خارج او مشوار طويل المقياس ثابت لا يتحرك

اما فى الفلوانس فهو الاتى:
- عندنا على عصاية القياس علامة L و تعنى LOW و موجودة تحت و علامة H و تعنى HIGH و موجوة اعلى عصاية القياس و ما بينهم منطقة مشرشرة حتى لا ينزلق الزيت لأسفل و تستطيع قراءة المقاس بدقة
- المسافة ما بين العلامة L و العلامة H تمثل بالمقياس الديجيتال عن طريق 6 دواير....او بمعنى اخر 6 اجزاء
- انا فعلياً عندى عصاية القياس الزيت جايب 3/4 المسافة ما بين L و H و هى ممثلة باربعة دواير كاملة فى حالة ان العربية باردة و القياس صباحاً مع اول تدوير
- لو مشيت و لو مشوار صغير و طفيت العربية و دورتها و قست ديجيتال بلاقى كل الدواير مليانة و هو واقعى جداً لان الزيت اتحرك فى اجزاء الموتور و بيبان اعلى من مستواه و ده طبيعى فى اى عربية و علشان كده بننصح ان احنا نقيس و العربية باردة تماماً علشان الزيت كله ينزل تحت و نقيس المقاس المظبوط

يبقى نراجع مع بعض مرة أخيرة :
- القياس سواء ديجيتال او من العصاية يكون صباحاً فقط و العربية باردة
- فى القياس الديجيتال:
* كل الدواير مليانة يبقى الزيت عندك MAX او ما فوق
* دايرة واحدة ناقصة يبقى اقل من ال MAX و اعلى من ال 3/4
* دايرتين ناقصين يبقى 3/4
* 3 دواير ناقصين يبقى النص بالظبط ما بين ال MAX و MIN و هو الوضع المثالى
* 4 دواير ناقصين يبقى ما بين النصف و الربع
* 5 دواير ناقصين يبقى الربع او اقل من الربع حاجة بسيطة و هنا بتظهر رسالة التحذير TOP UP OIL LEVEL و لكن نلاحظ ان المقياس بيبقى اعلى من ال MIN و مفيش اى ضرر على السيارة
* 6 دواير ناقصين يبقى خط ال MIN او اقل و هنا خطر و المفروض لو اقل كتير عن ال MIN لمبة الزيت الحمرا و علامة ال STOP هينوروا للتنبيه

ارجو ان موضوع المقياس الديجيتال يكون وضح الان و طبعاً لو حد عنده ملاحظات تتفق او تختلف معى برجاء المشاركة

تحياتى

مستنيين ناس تجرب وتقول رأيها للوصول إلى آلية عمل المقاس الديجيتال .

المشاركة الأصلية كتبت بواسطة sadkoooi

هانى بيه فيه مشكلة فعلا عندى فى الموتور مش عارف ايه هيا لانى روحت التوكيل وفحصوها وما فهمتش كلام المهندس وقالى بعد الف كيلو كلمنا .ياريت تكلم حد فى التوكيل وتفهمنا ايه الموضوع لان بصراحة العربية حلوة قوى ومش عاوز اكرهها

حضرتك رحت انه فرع؟ و ياريت توضحلى بس اى حاجة من النقاش علشان اعرف اتابع و هل زودوا زيت لحضرتك و لا ايه؟
يا ريت بعض التفاصيل حتى استطيع المتابعة من جهتى
ان شاء الله خير و مش هيبقى فيه حاجة تقلق
تحياتى

المشاركة الأصلية كتبت بواسطة sadkoooi

شكرا لاهتمام حضرتك يا هانى بيه انا روحت العبور وزودولى زيت تقريبا 200 مل

حضرتك عامل كام كيلو دلوقتى و المقياس عندك دلوقتى اد يه سواء عصاية القياس او الديجيتال؟