اقتباس المشاركة الأصلية كتبت بواسطة Mustafa_Zain مشاهدة المشاركة
ألف شكر على الموضوع الشيق.

بالنسبة لنظام مانع الانزلاق لو كان غير مفعل واتحطيت في الموقف الحرج ده، هل وقتها حيفعل لوحده ولا لأ؟ وطالما هو مهم قوي كده ليه ميبقاش اجباري؟ وهل فيه مؤشر على الشاشة تبين إنه متفعل ولا لأ؟
نظام esp /trc موجودين في زرار واحد ،
حضرتك لو دوست علي الزرار مرة واحدة هيلغي نظام ال trc و هيكتبلك تحذير علي الشاشة باللون الاصفر TRC OFF وده بتعمله في حالة ان العربية غرزت منك و عاوز تطلعها ﻷن عمرها ما هتطلع طول ما انت مفعل النظام ده ﻷنه بيحد من قوة الموتور عشان يديك افضل عزم، عشان كدة عملو زرار تقفل و تفتح في حالات زي دي .
طيب و ال esp بيتقفل ازاي ؟ لما حضرتك تفضل دايس علي نفس الزرار مدة اطول بالتقريب 3 ثواني هيلغي النظام و هيظهرك في التابلوه برضو علامة صفرا تانية علي شكل عربية و تحتيها زي حرفين s اللي هي علامة ال esp وده معناه انه مقفول.
يعني حضرتك طول مامفيش اي لمبة من الاتنين دول منورين تعني ان النظامين مفعلين و زي الفل.
الميزة بقي انك تقدر تلغي ال trc و تسيب ال esp شغال لكن العكس غير صحيح .
عشان تشغل اانظامين تاني هتدوس علي نفس الزرار مرة تانية اللمض الصفرا هتروح و يبقي اتفعل.
طيب امتي بيتفعل تاني ؟
لو حضرت قفلت ال trc و ال esp و مشيت و حصل موقف مفاجئ مش هيشتغلو ابدا.
طب افرض فضلت ناسيهم ؟
لما حضرتك بتبطل العربية النظامين بيفعلو اوتوماتيكيا لما تيجي تشغل العربية المرة القادمة.
و كمان لو حضرتك لغيت نظام ال trc فقط بدون ال esp و مشيت بالعربية و سرعتك تخطت ال 40 كم/س بيرجع يفعل اوتوماتيك و اقصد بذلك ال trc .
و علي رأي عادل امام عاوز esp ياخد عاوز trc ياخد هههههه
اتمني اكون افدت حضرتك