فيه محل امتنان فى شبرا مصر لو حبيت اوصفه لسيادتك تحت أمرك
عرض للطباعة
فيه محل امتنان فى شبرا مصر لو حبيت اوصفه لسيادتك تحت أمرك
أنا كنت بشتري عسل هندي و أمريكي من دبي
الهندي إسمه جولدن هايف..مكتوب عليه إنه من جبال الهيمالايا بس طعمه مسكر أوي
والأمريكي إسمه sue bee بردو مسكر شوية بس دا من مزارع البرسيم
كانوا في حدود 30 درهم
المهم لما قريت الكلام في الموضوع هنا نزلت أدور علي السدر
لقيت في محل جنبي إن فيه نوعين مشهورين
1- السدر
2- السمر
والنوعين فيه منهم إماراتي وفيه منهم يمني
لقيت السمر الإماراتي أغلي من السدر الإماراتي
والعكس في اليمني
السدر اليمني أغلي من السمر اليمني
مش عارف إزاي الأسعار عاكسه كدا
الأسعار كانت
السدر الإماراتي: 165 درهم للكيلو
السمر الإماراتي: 280 درهم
السدر اليمني: 240 درهم
السمر اليمني: 105 درهم
وكان فيه نوع تاني يمني مش فاكر اسمه كان ب 350 درهم
أنا سمعت إن السدر الإماراتي كويس فجبت منه وفعلا طعمه غير أي عسل دقته قبل كدا
شكرا يا رجالة موضوع مفيد جدا
آسف للتأخر في الرد
الزملاء اللي سألوا عن التاجر اللي باتعامل معاه في المنوفية
الراجل ده اسمه المعلم خيري ( ابو بيتر )
مكانه في المنوفية قرية زوير
زوير دي في ؤطريق قويسنا - شبين الكوم قبل شبين ب 4 كيلو عند ميت خلف ولها طريق حوالي 2 كيلو من ميت خلف ولها عربيات من شبين الكوم
تليفونه 01006543406
انصح بقطفة البرسيم بتبقي في اول شهر 6 يعني ممكن تتصل بيه من نصف مايو يعرف مواعيده ايه بالظبط لأن مواعيد العسل مش دقيقة
وممكن تقوله انك من طرف الحاج ابراهيم عبد الفتاح ( والدي ) لأننا جيرانه في البلد ولايمكن يدينا حاجة مش كويسة واكيد اللي من طرفنا ح يديله عسل محترم ومش مغشوش
السنة اللي فاتت كان الكيلو في حدود 22 تقريبا حسب ما أذكر وده كان لكمية كبيرة لأننا بنجيب للعائلة والاصدقاء وبيبقي خزين للسنة بالكامل اكتر من 500 كيلو فبيبقي سعر جملة
لو انت معاك الاواني اللي ح تاخد فيها ( برطمانات او جراكن بلاستك ) بيبقي الوزن صافي
لو هو ح يجيبلك علب صاج مجلفن بيبقي وزن العلب داخل الوزن مقابل تمن العلب نفسها
وطبعا لو ح تخلي العسل وقت طويل ينصح انك تخزنه في برطمانات زجاج وان كنت ساعات باسيبه في العلب الصاح لمدة عام كامل وبالاقي العلب سليمة بدون اي صدأ
لو انت عاوز العسل نقي جدا ممكن تصفيه في قطعة شاش نظيفة
تربط الشاشة حول وعاء كبير وتسكب العسل فوق الشاشة وتسيبه يصفي بالليل
ح تصبح تلاقيه متصفي كويس وبقي زي الذهب
انا اصلا مش باصفية لكن في ناس بتحبه متصفي خالص
فيه عنده برده شمع عسل بيبقي عبارة عن الخلايا الصناعية ( بلاستك نقي ) اللي النحل بينتج عليها العسل والشمع ( مش شمع طبيعي علشان محدش يظن كدة )
لو عاوز شمع من ده بيحطك مع العسل حسب طلبك
واخيرا بالهنا والشفا :orangeabli:
جيب عسل نحل ايزيس من هايبر او كارفور... فوق الممتاز ومش غالي قوي
جالى بفضل الله العسل الباكستانى من السعودية الكيلو ب 40 ريال
وجالى فى جركن صغير زى جركن مياه زمزم الصغير مش فى برطمان زجاج
لونه بنى وتقيل جدا وطعمه مالوش علاقة بالأنواع اللى موجودة هنا واللى تحس انها فعلا سكر مش عسل
وده حيخلينى ابدأ بإذن الله فى تجربة الأنواع الأخرى خاصة السدر اليمنى
جربت امتنان
وبصراحة عادي وبدور علي حاجة افضل
السلام عليكم ورحمة الله وبركاته : بداية أنا تاجر عسل وعطور واكسسوارات هاند ميد تصنعها زوجتي و أتعامل مع صاحب منحل أمين يتق الله عز وجل وإن كان قد أعطاني تفويضا بأن أتحدث للمشترين مني على أنني صاحب المنحل وهذا لقربي منه ومعرفة كل خطوه من خطواته في انتاج العسل إلا أنني ءأثر الصدق في الكلام والرزق بيده سبحانه أنا أبيع العسل الذي أقبله لأولادي فإن لم أجد فلا أبيع وأنتظر للعام القادم وبفضل الله لا أعتمد على العسل إعتماد أساسي لأن بيعه بطيىء خاصة أسعاري مرتفعه نسبيا بالنسبه لمحافظتي وبالنسبه للمعروض في السوق وأقولها لله أن تعيش بدون عسل أ فضل من أن تشتري من مصدر غير موثوق فيه لأن الأمراض تنتظر من يدوم على المغشوش وأقلها ثقب في المعده وستتأكدون من كلامي إذا أخبرنكم بما يضاف للعسل المغشوش وأشهد الله أن كلامي وتحذيري جعل بعض الناس لا تشتري مني شخصيا ولكن لا أستطع أن أكتم النصيحه وأسأل الله أن تكون خالصة لوجهه وبفضل الله عندي إجابه على كل أو معظم ما كتبتموه وسأتابعكم إن وجدت متابعين وهذه صفحتي الحاليه على الفيس https://www.facebook.com/profile.php...3614وبإذن الله سأوضح أمورا كثيره على هذه الصفحه صفحة المنتدى ولكن اتأكد من وجود متابعين حتى لا يكون هناك مضيعه للوقت