الإخوة الأفاضل ياريت لو حد يعرف أشترى منين عسل نحل طبيعى 100 % بدون ما يكون حاطط سكر للنحل وما الى ذلك
كل العسل اللى فى السوق استحالة يكون نقى 100% بدليل انه بينزل كميات كبيرة جدا على مستوى الجمهورية
ولكم جزيل الشكر
عرض للطباعة
الإخوة الأفاضل ياريت لو حد يعرف أشترى منين عسل نحل طبيعى 100 % بدون ما يكون حاطط سكر للنحل وما الى ذلك
كل العسل اللى فى السوق استحالة يكون نقى 100% بدليل انه بينزل كميات كبيرة جدا على مستوى الجمهورية
ولكم جزيل الشكر
للاسف اغلب الي في السوق مبيكونش عسل نقي 100% حتى عسل نحل امتنان الشهير هو عسل عادي وبه نسبه من السكروز العالية
وعموما اي عسل في الدنيا لابد من وجود نسبة سكروز فيه ولكن الفرق في النسبة عاليه ام طبيعيه ووزارة الصحة في مصر تعطي نسبة السكروز المسموحه في العسل البرسيم النوارة الي 10% لا تتعداها وان كان يوجد منه في المناحل حتى 20% وما فوق وكذلك في السوق
وممكن ان تحصل علي عسل اقل من 5% سكروز لكن ليس كل النحالين يفعلوا ذلك ولكنه موجود
اما 0% او 1% فغير موجود الان وان كان موجود فبصعوبة شديييييييييييييييييييده جدا
صعب جداااا
وعلى حد علمى العسل الخام غالى ممكن يوصل لالف جنية دة لو لقيتة
للاسف كلام حضرتك غير صحيح ومبالغ فيه
نعم يوجد انواع من العسل قد تصل لقيمة عالية من المال مثل السدر اليمني وهو اغلاهم وقد يصل سعر الكيلو تقريبا ل 1000 جنية
لكن هناك انواع من العسل غير مغشوشة بل عالية الجوده واسعارها اقل من هذا بكثير جداااااااا
وسأوضح لك الامر
العسل ينقسم الي
1- عسل مغشوش بالكليه ( وهو عبارة عن خليط من السكروز مع منكهات وطعوم ويعالج بطريقة معينة حتى تراه كالعسل وقوام ولون ورائحة العسل )
طريقة كشفه تكون صعبة جدا الا بالتحاليل المخبرية
2- عسل نحل غير مغشوش بالكامل ولكن يغذى النحل علي السكر ( وهو قبل وقت قطف العسل يقوم النحال باطعام النحل في خلاياه كمياة من السكر المذاب في الماء بشكل مبالغ فيه والهدف من ذلك زيادة كمية انتاج العسل للربح التجاري )
هذا النوع لا نستطيع ان نقول عنه انه مغشوش ولكن قيمة الغذائية قليلة وفائدته العلاجيه غير مجدية ولكنة قد يستخدم كمحلي
3- عسل مغذى أيضى في وقت قطافه علي محلول سكري ولكن بنسبة مسموح بها من قبل وزارة الصحه وهي كما قلت في عسل نوارة البرسيم لا تتعدى 10% وهذا يعد عسل جيد وسعرة ليس بالبهيظ ويفيد في معالجه بعض الامراض والوقاية منها
4- عسل نسبة السكروز به تقل عن 5% وهو متوافر ايضا ولكن بنسبة اقل تجاريا وهو جيد جدا جدا وعلي حسب نوع العسل
5- عسل غير محتوي علي نسبة سكروز او اقل من 1% وهذا نادر خصوصا في بلادنا والحصول علية صعب جدا جدا وان كنت قد استطعت ان اتحصل علية في بعض الاحيان من بعض من اثق بهم
خلاصة القول : العسل من الامور صعب اكتشاف غشها وليست هناك طريقة لمعرفت غش العسل من خلال الافراد الا بالتحاليل المخبرية وهذا ليس متوفر لكل أحد
فالعسل اما ان تشتيه مممن تثق فيه او تحليله مخبريا وهذا مستحيل بالنسبة للافراد
الحل الوحيد انك تشتري خلية نحل وتستخرج العسل بنفسك
غير كده انسى الا لو جالك عسل جبلي من مصدر ثقة بالخارج مثل اليمن او السعودية
ايه ده ؟؟؟
حتى امتنان مغشوش !!!!!!!!!!
امتنان كويس جدا .. و فيه طريقه لاكتشاف العسل الاصلي من المغشوش .. شوفتها علي اليوتيوب.. و هي عباره عن انك بتحط نقطه عسل في منتصف طبق و تحط شويه ميه علي العسل اللي في الطبق .. و تبدأ بتحريك الميه علي العسل عن طريق انك تحرك الطبق يمين و شمال .. بعد دقيقه تقريبا حتلاقي العسل اللي في الطبق رسم شكل خليه نحل سداسيه الشكل .. و هوه ده العسل الاصلي .. انا جربتها ..و الله اعلم .
اعتقد فى مناحل على طريق القناطر بتبيع عسل نسبة الغش فية 25 %100
يا جماعة الخير انا مقلتش ان عسل امتنان مغشوش !!
للمعلومات عن عسل امتنان
الشركة بتاخذ عسل بكميات كبيرة من النحالين في مصر وباسعار رخيصة لكنها للامانة لا تقبل اي عسل عندها مغشوش ولكن هي تقسم العسل الي فئات ( أ و ب و ج ) واخيرا ضموا ( د) ما هذه الارقام لمن لا يعرف ؟
الفئة أ: هو العسل الممتاز الذي يكون فيه السكروز أقل من 5% وهذا فقط للتصدير
الفئة ب: وهو العسل سكروز أقل من 10 %
الفئة ج: عسل السكروز فيه يصل الي 15%
الفئة د : عسل يصل نسبة السكروز فيه الي أكثر من 20 %
و الفئتين ج و د هما اللذين يعبئان للمنتج المحلي في مصر
أرجو ان تكون وضحت الفكرة
نأتي لنقطة طرق كشف غش العسل المنتشرة علي الانتر نت
اولا جميع هذه الطرق غير فعالة ولا تظهر العسل المغشوش من غيرة كما يظن البعض وإنما كل ما هناك أن بعض هذه الطرق تبين نسبه الماء في العسل لذلك يظن البعض انها نجحت والعسطل قد يكون سليم 100% ونسبة المياه فيه عاليه فيظهر علية هذه العلمات كالذوبان في الماء سريعا وانتشاره
خلاصة القول في العسل حتى لا تتعبوا انفسكم العسل المغشوش لا يكتشف بطرق تقليدية وإنما عن طريق تحاليل مخبرية تأتي لك بالتفاصيل حتى نسبة حبوب اللقاح وغيرها
لذلك لتأكل عسل سليم وغير مغشوش أمامك طريقتين لا ثالث لهما
1- تحليله في معامل وزارة الصحة
2- أخذه من ثقة سواء نحال او تاجر تظن فيهم تقوى الله
طب الله يكرمكم ملاحظاتي :
1- يعني امتنان بتطرحلنا ج و د - طيب يا ولاد ال.... اطرحم أ و ب بسعرهم ...... بس الاقي منتج بلدي انا اولى بيه ( حتى الت.... في النحل )
2- اجابه السؤال لسه ماتقالتش : حد يعرف نحال بيتقي الله زي الاستاذ الفاضل بيقول ؟
وشكرا
جزى الله الإخوة الأفاضل كل الخير
عسل امتنان أنا جربته الحقيقة لقيته سئ للغاية
وكنت قابلت واحد فى محل عسل أكد لى ان عسل امتنان مصنع بالكامل بس انا فهمت دلوقتى معنى كلمته دى من كلام حضراتكم
اللى اشتريته ولقيته معقول عسل ايزيس فهل يشاركنى أحد فى هذا الرأى
طبعا ده بالنسبة للأنواع اللى فى السوق ، بس أنا نفسى حد يعرف يدلنا على مصدر موثوق فيه نشترى منه
وهل التجار اللى بيبعوا عسل سدر يمنى أعرف ازاى انه أصلى
وهل اللى فى السعودية سليم ولا فيه مغشوش برضه
عسل امتنان ليس مغشوش وهذه شهاده لله وانما هم علي النحو الذي وضحته وهذا من تعاملي مع الشركه ومن يورد لها بنفسي ولكن هو عسل عادي جدا جدا ولكن شهره واسم وكما قلت هم يشترونه بابغس الاسعار نظرا لكمياتهم المهوله وايضا لانواعه وترتيبتاته عندهم
عسل ايزيس انا لا اعلم عنه شيء حتى الان ولم اجربه لكن ظني انه سيكون في مستوى امتنان لان هما يحكمهم سعر السوق والتكاليف
أكثر العسل الذي يحصل به الغش هو السدر لانهم يضيفون عليه عسل ( حبة البركه ) لانه لونه غامق مثل السدر وقريب من الطعم حتى يربحوا ارباح خياليه بل بعضهم ياتي بالسدر المصري ثم يبيعه علي انه يمني وفرق السعر بين الاثنين كما بين السماء والارض ثم اقول لك غالب من يبيعون السدر علي انه يمني لا يكون يمني وانما هو عسل سدر يأتي من باكستان ويبيعونة علي انه يمني فاليمني يا اخي غالي جدا جدا قد يصل كما قلت سعر الكيلو من 800 الي 1000 جنيهاقتباس:
وهل التجار اللى بيبعوا عسل سدر يمنى أعرف ازاى انه أصلى
وهل اللى فى السعودية سليم ولا فيه مغشوش برضه
وكما قلت لكم سأرجع لارشيفي وبإذن الله سأفيدكم سواء في انواع العسل السدر و العسل المصري
طيب ايه رأيكم فى عسل عتمان اللى فى المحلة؟
عليك وعلى اليمن
متابع للافاده
اعتقد مفيش حاجة 100%
الكمال غاية لا تدرك
والكمال لله وحده
...
اي عسل معبأ زي امتنان والتمساح لازم بيبقي عليه اضافات لضمان عدم تجمده في الشتاء واحيانا بيحطو حاجات تانية للتأثير في الطعم واللون وما الي ذلك
العسل اللي ب 1000 جنية ده اسمه السدر الجبلي
وبيبقي من نحل يعيش في الجبال وليس في خلايا صناعية
علشان كدة الحصول عليه صعب وكميته بتبقي قليلة جدا ... وده سبب غلو سعره
وطبعا حتي لو كان موجود في مصر ح يتم غشه
الغش اسلوب حياة عندنا :36_2_55[1]:
انا عن نفسي باجيب العسل من المنوفية وهو افضل بمراحل من العسل التجاري اللي في الصيدليات زي التمساح وامتنان
طبعا استحالة يكون النحل متغذي 100% علي زهور ... بيبقي فيه نسبة تغذية علي الفراكتوز والجلوكوز
لكن اللي اضمنه انه معليهوش اي اضافات سواء مياه او مواد سكرية
احسن قطفة في العسل هي قطفة البرسيم ووقت العسل بتاعها بيبقي شهر 5 و 6
التجار الشاطرين مش بياخدو العسل في بداية الموسم ... بينتظرو اسبوعين مثلا لان احتمال اي غش بيبقي اكبر في بداية الموسم
فيه كمان قطفة الموالح ... دي بيبقي النحل متعذي على زهور البرتقال والموالح وبيبقي العسل رائحته جميلة لكن قيمته الغذائية اقل من البرسيم
وفيه كمان قطفة القطن
انا باجيب العسل اللي يكفي السنة كلها في موسم قطفة البرسيم في شهر 6 من تاجر جارنا في المنوفية لكنه راجل مجترم جدا وعنده ضمير وبأثق فيه
وكل اللي بيجرب العسل عندنا بيشكر فيه جدا
اسعار العسل للجمله بتكون من 20 الى 25 حسب الجودة والكمية
طبعا ده لا يقارن بسعر العسل اللي في الصيدليات او السوبر ماركت
دي تجربتي اللي باعملها كل سنة والله اعلى واعلم
وبالهنا والشفا :Copy of m-s5:
الحاج احمد راجع المنتدى ومعاه الخير كله..
حمد الله على السلامة يا حجيج :)
ممكن تدلنا على عنوان التاجر اللى فى المنوفية او رقم تليفون الله يباركلك ....
يا خبيبي انا من المنوفيه و بعد الثوره تجار كتير بطلم يشتغلم في العسل لانه كان بيتطلب نقله كل شويه و ده بقى فيه مخاطر السرقه و التثبيت ...الخ
يا ريت تجيب لي تليفون الراجل الطيب بتاع المنوفيه اكلمه
وشكرا
جزاكم الله خيرا علي المعلومات المفيدة. أنا العسل اساسي بالنسبة لي باحب استعملة كثير. وعندي واحدة صحبتي عندها منحل باشتري منها و فية بتاع وزارة الزراعة باشتريه كمان لاني سمعت انه كويس و جربتة بس لو حد يعرف معلومات اكثر عنه يا ريت يعرفنا . انا كنت فاهمه الغش غير كدة يعني كنت فاهمة انهم بيغذوا النحل علي السكر و خلاص فافتكرت ان مادام فية مزارع يبقي هيغشوه ليه بس الآن فهمت جزاكم الله خيرا لكن معرفة الغش كده مستحيلة.
فيه عسل من المانيا اسمه الغابة السوداء . عرفته من واحدة صديقة والدتي عندها leukemia شفاها الله و عافاها و كانت بعد جلسة العلاج الكيميائي طبعا مهدودة لكن بعد ما كانت بتاخذ العسل ده مع العلاج طبعا بتقول انها بتكون كويسه و مش تعبانة لكن المرض نفسة لم يتأثر.هي اشترته من واحده كانت في الخارج و باعته هنا لكن مش عارفه تجيبه تاني مش بيتباع هنا تقريبا هي اشترت منها الربع كيلوا ب 250 ج.م.
السلام عليكم
اكثر ما ازعجني في عسل امتنان...عسل حبة البركة..و الذي يميل لونه الى السواد
فمعلوماتي المتواضعة ان زهرة الحبة السوداء (حبة البركة) لونها ابيض...و المفروض ان النحل يمتص الرحيق من الازهار البيضاء و ليس من الحبوب السوداء...فعندما سألت احد المختصين في امتنان ..قال لي انه عسل مضاف الية حبة البركة..!!!! فقررت له ان الدعاية على المنتج ذكرت انه عسل حبة البركة و ليس عسل مضاف اليه حبة البركة ؟؟؟؟ و هذا احزنني كثيرا..لكن يظل اسم امتنان اكثر ثقة من غيره
و من المواصفات التي عرفت انها تنم على ان العسل اصلي و غير مضاف اليه جلوكوز...هي ان العسل يتجمد في الشتاء ....و العجيب ان معظم العسل في السوق لم يتجمد !!
لذلك انا انصح صاحب الموضوع بالصبر على الاستعلام حتى يجد واحد يملك منحل و يكون مضمون ..و ياريت لو يتم نقل النتيجة هنا حتى يستفيد الجميع
تحياتي
إن شاء الله ربنا حيكرمنا ونصل لتاجر كويس نشترى منه كلنا ، أنا وصيت واحد قريبى فى السعودية يسأل لى على أسعار وأنواع العسل هناك والله المستعان
وشكرا جزيلا ومنتظر باقى مشاراكات الإخوة الأفاضل
انا جبت برطمان عسل
كان كويس
لحد قرب اخره ابتدى يتجكد ويكون اشبه بالسمن المجمد
ده كويس ولا سيء
بالنسبه لعسل حبه البركه هو المشهور عنه عند محلات العسل والناس ان لونه اسود قاتم وهذا خطأ فعسل حبة البركه الطبيعي بدون اضافات لونه بني فاتح وله نكهه تميزه لكن الموجود في السوق لا يضاف إليه مسحوق حبه البركه كما قالوا لك لكن سبب لونه الاسود القاتم انهم يغذون النحل علي اشياء تكسب العسل لونه الاسود مثل ( الببسي كولا و العسل الاسود ) صدق فهذه حقيقه وانا رأيها بنفسي وبعضهم يضيف علي العسل بعض القطف عسل اسود بكميات معينة وهذا كله من الغش التجاري
خلاصة القول في عسل حبة البركه حسب خبرتي في هذا المجال سنين طويل نااااااااااااااادر جدا ان تجد عسل حبة البركه غير مضاف عليه اشياء تغير لونه او طعمه حتى لو وجد عن نحال يكون بكميات قليله جدا وتكون باهظة الثمن لانها نادره
بالنسبة لتجمد العسل فهذا طبيعي واضيف اليك ان العسل المغشوش كليا يتجمد !! وهذه ليست علامه علي غش العسل من عدمه
من خواص العسل الطبيعي انه جمد في الشتاء وهذا عكس الفكره المنتشره عند الناس ان العسل الذي يتجمد او يبلور حبيبات هذا مغشوش طبعا لارساله مره اخرى ضع البرطمان في حمام ماء دافيء لفتره حتى يزول التجمد
واحكي لك قصه حصلت معي مع العسل المجمد
في فتره من الفترات عملت في هذا المجال وكنت ولله الحمد اشتري بكميات كبيره فكنت عند احد النحالين في زياره وديه وكان يطلعني علي انواع عسل عنده حتى وقعت عيني علي عسل مجمد عنده في برطمانات بلاستيكيه وكان عسل قطن صافي ( ومعروف ان عسل القطن ارخص انواع العسل ) ومن شدة تجمده لو ضربت به حائط قد يكسر :) طبعا تذوق العسل واعجبني جدا واشتريت كل الكمية وكانت 60 ك واخذتهم معي في السيارة للاستعمال الشخصي الوالده لما رأت العسل قالتي لي هذا عسل مغشوش وانبتني ولكن لما ارسلت العسل وتذوقته تقريبا هي التي استعملت كل الكمية وخصوصوا انه كان فعال جدا في علاج الحموضه وحرقان المعده
جاتلى أسعار العسل اللى فى السعودية
العسل اليمنى الحضرمى سعره من 160-280 ريال
العسل الباكستانى 40-70 ريال
وبإذن الله حيجينى بكرة من السعودية كيلو عسل من الباكستانى وان شاء الله أقولكم أخباره ايه ولو كويس يبقى نقول لأى حد مسافر يجيبلنا ان شاء الله
وانا زي الحاج احمد بشتري العسل من البلد في الصعيد من تاجر ثقة
مع اني جربت انواع كتير في السوبر ماركت لكن كنت بحس بطعم حاجة صناعي فيهم
وجربت كتير من البلد لكن ارتحت مع نوع معين واحيانا بلاقي منه هنا في القاهرة هو اسمه الياسمين
بس مش عارفة قبل كدة كان بيتجمد في الشتا المرة دي الشتا جات ومشت ومتجمدش خالص بس هو هو نفس الطعم
عسل السدر اليمني الجبلي تذوقته مره واحده في حياتي ولم أذق مثله قط في طعمه وحلاوته ولاأحدثكم عن تأثيره.. وكان شديد اللذعان مع حرقة خفيفة على اللسان و الجوف ولونه مائل إلى البني.. كان يأتي بالطلب لأمير سعودي من طرف قبيلة معروفة في جنوب اليمن مشهورة بتجارة العسل المقطوف من قمم الجبال دون أي تدخل بشري.. سعر الكيلو يتجاوز العشرة الآف ريال سعودي!! هذا الشيخ تجاوز الستين ورغم تقدمه في العمر الا انه كان يتمتع بصحة جيدة وكثير الزواج والإنجاب وهي كلها أسباب.. العسل الأصلي حقيقة هو أكسير الحياة.
فعلا موضوع العسل بقى محير جدا ...
بقالى فترة بجيب من وزارة الزراعة على الاقل احسن من اللى فى السوق ...
شخصيا لا استعمل الا امتنان اللي في محلات امتنان وليس المعبأ لان ده حاجة وده حاجة تانية خالص
كان وقتها امتنان بيبيع العسل سايب ويعبية قدامك
نصيحة لو مش لاقي مكان موثوق منه هات من امتنان محلات امتنان نفسها وعندهم انواع كتير قوي كركدية وحبة بركة وده لونه قريب للسواد واغلي
واحيانا كان بيجلي من طنطا اصلي برضه
لكن عسل في برطمان في سوبر ماركت ده سكر في شكل عسل :-)
لا هو لي في محلات امتنان هو هو الي في السوق انا اقصد بالاخص ( عسل نوارة البرسيم ) أما المحلات فطبيعي تلاقي فيها تشكيله غير الي في السوق لان السوق ميستوعبش انواع غاليه جدا وطبعا العسل اشكال والوان كثيرة جدا تتوه فيها
وارجع واقول تاني مش كل العسل الي في السوق مغشوش في انواع جيدة وكما قلت 10% سكروز في العسل هي نسبة وزارة الصحه فاصلا كل العسل الذي يباع عند وزراة الزراعة 10% فما فوق
لكن اذا رأيت شخص يبيع لك كيلو عسل + كيلو هديه ب 20 أو 25 جنيه تخيل دا اصلا ايه ؟!!
دا محلول سكري كامل 100% ويضاف عليه بعض النكهات واصلا هو يقف عليهم سعر الكيلو لا يتعدى 7 جنيه
فين محلات امتنان دي يا كريم ؟