الموضوع: برجاء المساعدة: صيانة الماروتي

المشاركة الأصلية كتبت بواسطة esraa_tarek

السلام عليكم
هاستأذنكم يا شباب بناء على الحاجات اللي حضراتكم مشكورين نصحتم بيها أنا هجمع النقاط المطلوبة لصيانة العربية و هاستأذنكم توضحولي تكلفة الصيانات دي و أجرة المصنعية:

1- تغيير زيت الموتور شيل هيليكس الأصفر15w50 و فلتر الزيت.
الفلتر تمنه من 20 إلى 60 حسب النوع والزيت الجركن 4 لتر بالتغير فى حدود 125 جنيه
2- تغيير زيت الفتيس شيل 80w90 و تغيير الفلتر
زيت الفتيس الجركن 1 لتر تمنه 25 جنيه يعنى الأتنين لتر حيعملوا 50 جنيه والفتيس ملهوش فلتر
3- تنظيف الريداتير ووضع مياه زرقاء.
مصنعية تنضيف دورة التبريد فى حدود 10 إلى 20 جنيه والمياه الزرقا موبيل الجركن 4 لتر ب 85 جنيه
4- تغيير فلتر البنزين و سير الكاتينة و الدينامو و البلية.
فلتر البنزين من 10 إلى 30 جنيه حسب النوع وسير الكاتينة يابانى ب 85 جنيه وسير الدينامو من 15 إلى 30 حسب النوع
5- تغيير بوجيهات و أبلاتين و كوندنسر و فلتر الهواء.
البوجيهات ngk حتعمل 30 جنيه لل 3 بوجيهات أبلاتين من 25 إلى 40 حسب النوع كوندينسر من 40 إلى 50 وفلتر الهوا من 10 جنيه إلى 50 جنيه حسب النوع
6- تفريغ العجل و ملئه بالنيتروجين على 27.
حتتكلف 20 جنيه بس ياريت ترصصى العجل بالمرة وحيتكلف 20 جنيه كمان
7- حاجة كمان أنا محتاجة أوطي الدبرياج لأنه عالي جدا و كمان محتاجة أعالج إن العربية بتدور من سادس أو سابع مرة.
تدوير الماروتى فى السقعة بالذات ليه طقوس معينة راجعى الموضوع ده حتعرفيها
http://www.nilemotors.net/nile/280941-a.html
بإذن الله تعالى هاروح بكرة أعمل الحاجات دي ف محتاجة دعمكم لأني مش عارفة أي حاجة عن الأسعار
جازاكم الله عني كل خير

أتمنى يكون الرد مفيد مع العلم إن الأسعار ممكن تكون مختلفة شوية عن اللى قولته لآن الأسعار كل يوم فى حال