انا قربت اخاف من الفرنساوى !!!!!!!!

**Ahmed.Essam** · 02-04-2014 03:58 AM

في رأيي الشخصي ماتحاولش تقارن البيجو 301 باللانسر لانك هتظلم اللانسر ومهما حصل اللانسر اعلى من ال301 عيب اللانسر الرخم جدا انها شكل متغيرش من زمان وتكنولجيا ثابتة مبتتقدمش بسرعة
ولو هنتكلم بالعقل والمنطق
اللانسر تتفوق في :
انتشار قطع الغيار
الاعتمادية
الثبات على الطرق السريعة
شكل اللانسر بيقبل اي لمسة تعديل
موتور اللانسر خصوصا الشارك ( مايفك ) موتور جبار ما شاء الله

بس في الاول والاخر البيجو 301 عربية جميلة جدا ومحترمة لكن لو هتقارن باللانسر اللانسر تكسب بعيدا عن رغبة القلب في ركوب عربية شكل جديد وملفت للنظر واسمها فرنساوي

**Ahmed Saad** · 02-04-2014 04:08 AM

بص يا باشا الفرنساوي تكنولوجي عالي اوبشن حلو اعتماديه كويسه بس فيه حاجات تقرفك عندك الميجان وكل فتايس البيجو اللي بتنتش وكل شويه يغيرولها حساسات بس هيه عربيات تدي برستيج بس تتعامل معامله ادميه مش بتاعت شد بس الشد والجري والحرق ده بتاع اليباني اللي متفوقين فيه وبينافسهم فيه الالماني بس طبعا الالماني اعتماديته اعلي من الياباني بس نرجع لموضوع انت عايز تركب علشان تحس بالعربيه وتتمتع بيها ولا علشان اللي هيركب بعدك بصراحه انا بعشق عربيه واحده في الياباني السوبارو لانها كاسره قاعده الياباني واكتر عربيه ياباني اعتماديه واتحدي بس للاسف مالهاش سوق علشان محترمه بس بصراحه مش عايز اقولك هات ال301 علشان سوقتها ولقيت فيها النتشه بنت التيت بتاعت البيجو من ايام ال 406 بس غير الفتيس عربيه محترمه جدا لو هتركب 301 يبقي مانيوال لو ليك فالمانيوال بس نصيحه قالهالي واحد كبير زمان هاتركب اتوماتيك يبقي يياباني يا الماني بس اللي كسر قاعده نتشه الفتيس الفرنساوي الفلوانس من الاخر كده عايز تركب ياباني وسعر كويس شارك هاي لاين فرنساوي فخم فلوانس فرنساوي سعره كويس في ظل الهبل اللي عايشينه 301 مانيوال او توكل علي الله وهاتها اوتو وربنا يوفقك للاصلح

**Mohamed_301** · 02-04-2014 04:37 AM

انا احترت اكتر من الاول
انا كنت خلاص هروح اجيب البيجو ب اوفربرايس عشان معنديش استعداد استنى 3 شهور
وقبل ما اروح بــ يوم واحد اقرأ الموضوع دة غير كل تفكيرى ولغيت كل حاجة وقولت استنى وافكر تانى
بس تعبت والله
وماينفعش اقول هجيب واجرب عشان انا مش بشترى عربية كل يوم
انا لو مكنتش فتحت اللاب فى اليوم دة كان زمانى بكتب تقرير عن العربية
الحمد لله واللى ربنا عايزه هيكون ان شاء الله :))

**miceg** · 02-04-2014 05:00 AM

لو عليت المبلغ سنة صغيره
هات الفلوانس وانت الكسبان
الفلوانس اتغيرت
موتور وفتيس وتكييف من نيسان

**borio1704** · 02-04-2014 12:54 PM

المشاركة الأصلية كتبت بواسطة hitmangate

بص يا باشا الفرنساوي تكنولوجي عالي اوبشن حلو اعتماديه كويسه بس فيه حاجات تقرفك عندك الميجان وكل فتايس البيجو اللي بتنتش وكل شويه يغيرولها حساسات بس هيه عربيات تدي برستيج بس تتعامل معامله ادميه مش بتاعت شد بس الشد والجري والحرق ده بتاع اليباني اللي متفوقين فيه وبينافسهم فيه الالماني بس طبعا الالماني اعتماديته اعلي من الياباني بس نرجع لموضوع انت عايز تركب علشان تحس بالعربيه وتتمتع بيها ولا علشان اللي هيركب بعدك بصراحه انا بعشق عربيه واحده في الياباني السوبارو لانها كاسره قاعده الياباني واكتر عربيه ياباني اعتماديه واتحدي بس للاسف مالهاش سوق علشان محترمه بس بصراحه مش عايز اقولك هات ال301 علشان سوقتها ولقيت فيها النتشه بنت التيت بتاعت البيجو من ايام ال 406 بس غير الفتيس عربيه محترمه جدا لو هتركب 301 يبقي مانيوال لو ليك فالمانيوال بس نصيحه قالهالي واحد كبير زمان هاتركب اتوماتيك يبقي يياباني يا الماني بس اللي كسر قاعده نتشه الفتيس الفرنساوي الفلوانس من الاخر كده عايز تركب ياباني وسعر كويس شارك هاي لاين فرنساوي فخم فلوانس فرنساوي سعره كويس في ظل الهبل اللي عايشينه 301 مانيوال او توكل علي الله وهاتها اوتو وربنا يوفقك للاصلح

الحقيقة إن فيه لخبطة كبيرة عندنا موضوع الاعتمادية..

فيه فرق كبير بين الاعتمادية والمتانة

بس الأول.. يعني إيه اعتمادية؟؟

تعريف الاعتمادية في المراجع يعني "الوقت الذي يمر بين عطلين"... بمعنى .. إنه الوقت اللي العربية (أو أي جزء فيها) هيفضل يشتغل لحد ما يعطل تاني.

إنما المتانة ده حاجة تانية.. معناها إن العربية أو أجزاءها معمولة من خامات قوية تتحمل الاستخدام العنيف أو المتطرف.

ودي حاجة ممكن تكون أحد العوامل اللي داخلة في الاعتمادية... بس مش هي الاعتمادية

معظم العربيات الألمانية معروفة بالمتانة دون شك

إنما الاعتمادية.. فلا يعلى على العربيات اليابانية .. وده مثبت بالإحصائيات.. مش رأيي الشخصي

...

**Mohamed_301** · 02-04-2014 11:47 PM

المشاركة الأصلية كتبت بواسطة borio1704

الحقيقة إن فيه لخبطة كبيرة عندنا موضوع الاعتمادية..

فيه فرق كبير بين الاعتمادية والمتانة

بس الأول.. يعني إيه اعتمادية؟؟

تعريف الاعتمادية في المراجع يعني "الوقت الذي يمر بين عطلين"... بمعنى .. إنه الوقت اللي العربية (أو أي جزء فيها) هيفضل يشتغل لحد ما يعطل تاني.

إنما المتانة ده حاجة تانية.. معناها إن العربية أو أجزاءها معمولة من خامات قوية تتحمل الاستخدام العنيف أو المتطرف.

ودي حاجة ممكن تكون أحد العوامل اللي داخلة في الاعتمادية... بس مش هي الاعتمادية

معظم العربيات الألمانية معروفة بالمتانة دون شك

إنما الاعتمادية.. فلا يعلى على العربيات اليابانية .. وده مثبت بالإحصائيات.. مش رأيي الشخصي

...

تمام شكرا ياباشا واللى فيه الخير يقدمه ربنا

**Mohamed_301** · 02-04-2014 11:49 PM

المشاركة الأصلية كتبت بواسطة mohgomaa2002

بص يا باشا من قديم الزمن الترتيب كالتالي في الرفاهية
1- الامريكاني
2- الالماني
3- الفرنساوي
4- الياباني
5- الكوري
فلو بحثت فى فئة معينة تلاحظ ان الامريكي والالماني والياباني كذلك مقتصرين على صناعة بلادهم .
بمعنى ان الانسر و الكورولا معظم الفيبر و البوجيهات من شركة دنسو ngk
البيجو معظم حاجاتها من جوه بوش ألماني و طبعا مش كل البيجو كده لأن الموضوع اختلف من كفاءة صناعة الى دوران راس المال و أرباح و غيره

شكرا لاهتمامك يا باشا :))

**samyyousef** · 03-04-2014 12:09 AM

طالما تسلل الشك اليك...فتأنى و تربص
كنت املك سيتروين c3 picasso موديل 2012 ..لم تنتشر ابدا و لم اراها في الشوارع
و كل ما حد يشوفها معايا يخوفني
العادي بتاعي انني لا اتأثر بكلام الناس ..و افعل ما اقتنع به..لكن من كتر ما سمعت ...لم اغير رأيي ...لكن ابتديت اركز مع العيوب و انسى المزايا...فقمت ببيعها و اشتريت تيدا 2013.....اداء الستروين افضل بكثير بالذات في السفر على الطرق السريعة..فراملها افضل...الساوند سيستم افضل...الدريكسيون انعم.....و رغم كل ذلك نفسيا مرتاح مع التيدا و محدش بيوجع دماغي..و بصراحة احساسك و انت راكب الياباني بيبعد عنك القلق مش عارف ليه
تحياتي

-

الموضوع: انا قربت اخاف من الفرنساوى !!!!!!!!

LinkBack

أدوات الموضوع

عرض

-

-

-

-

-

-

-

المواضيع المتشابهه

بقيت اخاف على نفسي من المنتدى

قدر الله و ما شاء فعل لكن ابتديت اخاف من اللوجان للاسف((فعلا متضايق))

اطلقها ولا اخاف علي مستقبل ابني

انا بدأت اخاف من شيل الاصفر

بدات اخاف تانى من شراء الجين 2

الكلمات الدلالية لهذا الموضوع

المفضلات

المفضلات

ضوابط المشاركة