الموضوع: اول حكة بالفلوانس بعد أستلامها بأيام ( نصائحكم )

المشاركة الأصلية كتبت بواسطة ahmedelfeky

أحمد بيه انا حاسس بيك والله تقريبا اللي حصلك حصلي بالظبط يمكن انا اسوء شويه وربنا مايكتب الكلام ده علي حد.... ححكيلك حدوته عربيتي اللي لونها فضي وللاسف اللون ده عليها مجرم لابعد الحدود لان الشبكه سوداء وهوايات الاكصدام الامامي سوداء وطبعا الصالون لونه اسود وضيف عليه كده ان الفضي والالوان الفاتحه عامه بتكبر العربيه.

انا اشتريت العربيه في شهر ابريل 2013 اول استلام للفيس ليفت وانا شغلي نصه سفر ونصه اجازات يعني تقدر تقول العربيه معايا من سنه استخدمتها 6 شهور وال 6 شهور التانيه راكنه في الجراج

1-اول استفتاحه كنت رايح شرم الشيخ المهم طوبه من حيث لا تدري هوبا في الكبوت ومنها للازاز عملتلي نغزتين صغيرين ف الكبوت ونفطتين في الازاز بدون شروخ الحمد لله.

2-سافرت ونزلت اجازه في يوليو في رمضان طلبت معايا فطار سي فوود وان افي الطريق لاسكندريه كنت بلاعب بت اخويا راكبه ورا وكان في فاصل من بتوع الطريق نايم علي جنبه مش واقف منهم لله بتوع الموتوسيكلات بقي منيمينه عشان يعدوا المهم هوبا الجنط اللي قدام شمال لبس فيه واتعوج بس الفره مانامتش وكملت بالمطعم اللي كلت فيه كان منيل حمدت ربنا ورحت علي كده ادور علي الجنط وكلمت التوكيل قالولي ب 2500 ولازم اروح احجزه بعد ماوصلت قليوب الدنيا وقفت والبلد ولعت كان يوم فض اعتصام رابعه روحت ورحت في يوم تاني حجزته.

3-في نفس الاجازه الظاهر اني ماكنتش حامد ربنا بما فيه الكفايه بزف واحد صاحبي وفي منطقه مطبات عاديه اديت انتظار وهديت خدت مطب والتاني وهوبا صاحبي لبس في الاكصدام الوراني ب اوكتافيا 99 والدنيا ضلمت يامعلم....

رحت وديتها التوكيل فرع العبور اخر شهر اغسطس ونزلت اجازه في اكتوبر استلمتها واتصلحت ب 9200 جنيه غيرت الاكصدام الخلفي وردوا مكان الاستبن لانه اتلط في الموضوع عيدت بيها عيد الاضحي ووودتها تاني قعدت 4 ايام لان الشغل ماكنش مظبوط واستلمت الجنط اللي كنت طالبه وروحت بالعربيه قعدت طول الاجازه كل ماطلع مشوار الاقي الشنطه مليانه تراب بغباء المهم سافرت تاني

ونزلت ومش عارف التراب ده جاي منين وطول الجازه مضايق بسببه لانها زيرو لسه سافرت تاني ونزلت اجازه في فبراير وقبل ماسافر تاني بكام يوم وديتها فرع العبور للمره التالته التراب وصل انه بيخش تحت الكنبه الخلفيه واذا بكاوتشه التراب اللي بتبقي راكبه في الشنطه ورا بطانه الشنطه من جهه وخلف الاكصدام الخلفي من الجهه الاخري اساسا مش موجوده وهي حجمها 15 سم *15سم الحمد لله بعدها ماشوفتش تراب تاني وسافرت وبكتبلك الكلام ده دلوقتي

أسف للاطاله بس الواحد ساعات بيحب يفضفض

بالنسبه ليك غير الاكصدام باصلي وماتصلحوش وهيرشهولك في التوكيل الاكصدام الامامي في رينج من 3000 ل 3500 بالمصنعيه ختشخلك في حوالي 4 - 4.5 الاف .....

وأكيد ربنا خفف عنك حاجه بااللي حصل ده في النهايه سلامتك انت وأسرتك اهم حاجه في الدنيا


تحياتي

أهلا أستاذ أحمد
والله حقيقة بعد سماع حديثك والاستمتاع بالقراءة به تاكدت دائماً أن هناك قضي أخف من قضي بالتاكيد وبالعكس والله ما زعلان لانها جت كلها فى حاجات خفيفة الحمد الله

وقررت أني اوديها التوكيل وأهدي شوية كده وبعدين أبقي أرجع اركبها مره تانية

بس دلوقتي انا بصراحة مش فاهم هعمل أيه بظبط

أولاً العربية ليها تامين شامل بـ 3.5% من قيمة المبلغ

العربية أتخبطت أمبارح وموضوع الجنط النهارده

دلوقتي هل أبلغ التامين بالامر ؟
وهل أحجز فى التوكيل وأروح وأشرح لهم المطلوب عمله ؟
وهل يتم حجزها فى نفس اليوم ولا هروح يعملوا معاينه وبعدين أرجع تاني وأروح فى يوم أخر ؟

أيضاً أنا من سكان المريوطية بالتالي ماهو أقرب فرع قريب لي ؟


أعتذر للازعاج ...

تحياتي .

المشاركة الأصلية كتبت بواسطة ahmedjumaa

أهلا بيك أستاذ احمد ،

من ناحية أني زبون أنا زبون هههههههه بس المشكله بقي أن سمعت كلام بيقول أنهم لو الخبطه فوق ال 1500 جنية مش هيتحملوا حاجه غير 1500 وأنا هتحمل الباقي ،

وكمان اتصلت بالتوكيل النهارده وقالي من الاحد للخميس فرع ابو رواش من 8 الصبح الي 11 صباحاً

أن شاء الله بكرة هروح وربنا يسهل

مش مظبوط الكلام ده اكيد فيه سوء فهم
هوا النظام الجديد في التاءمين بيعرض عليك تعملها بره التوكيل والا تدفع ١٠ في الميه من اجمالي فاتورة الاصلاح
وفي الحاله دي كل اللي هتدفعه حوالي ٤٠٠ جنيه
الا لو كنت ماءمن بنظام انك تتحمل نسبه من الاصلاح فياريت تراجع البوليصه كويس

المشاركة الأصلية كتبت بواسطة hany63

مش مظبوط الكلام ده اكيد فيه سوء فهم
هوا النظام الجديد في التاءمين بيعرض عليك تعملها بره التوكيل والا تدفع ١٠ في الميه من اجمالي فاتورة الاصلاح
وفي الحاله دي كل اللي هتدفعه حوالي ٤٠٠ جنيه
الا لو كنت ماءمن بنظام انك تتحمل نسبه من الاصلاح فياريت تراجع البوليصه كويس

أهلا بك أستاذ هاني

بالفعل بعد الاتصال بالتامين وأبلاغهم بالامر ... أوضح لي قيمة الضريبة الخاصة بالتوكيل ساقوم بالتحمل لها وهي 10% من قيمة المبلغ كامل ..

وإن شاء الله بكرة هروح أعمل المعاينه والمقايسة وربنا يسهل ...

معلش يا باشا
شايف انك تسبها شوية