الموضوع: لمبة الزيت في الهوندا سفيك 92 منورة

المشاركة الأصلية كتبت بواسطة SAMEH_FOUAD

طيب انا عايز اعرف حاجة , انت ازاى غيرت الزيت من شهر ومغير الفلتر من شهرين ؟؟؟؟؟؟؟؟؟؟؟؟

هو فية حد بيغير فلتر زيت على زيت قديم ؟؟؟؟

يبقى دلوقتى حضرتك عشان بس تكون مطمئن , ودة بعيدا على موضوع اللمبة

انك هتفك الفلتر وتغيرة بواحد اصلى تمنة 40 جنية من عند اشرف البخارى فى الكيتكات

وهتزود من نفس نوع الزيت اللى انت حطيتة , لحد مايوصل للعلامة ( max )

موضوع بقى لمبة الزيت , وانها بتنور خفيف , هقولك تعمل اختبار حلو اوى عشان تختبر كفاءة طلمبة الزيت

هتيجى الصبح بدرى مثلا , قبل ماتدور تتطلع مقاس الزيت وتشوف النسبة بتاعتة مظبوطة ولا لأ , وبعد كدة تمسح المقاس وتركبة تانى فى الماتور

وبعد كدة تدور لمدة دقيقة مش اكتر , وتبطل , وتنزل تتطلع المقاس , وتشوف الزيت طلع لحد فين على المقاس

المفروض على الاقل يكون غطى 60% من المقاس من بعد علامة ال max

موضوع بقى اللمبة بقى انها بتنور ضعيف , ممكن يكون في عندك مشكلة فى الكهرباء

جرب تشيل قواطيش البطارية وتركبها تانى وشوف المشكلة هل هتكون لسة قائمة ولا لأ

لو لسة قائمة وديها لكهربائى متخصص

بس ضرورى لازم تغير فلتر الزيت

متشكر اوي يا سامح علي ردك وانا كنت فقدت الامل ان حد يرد عليا
انا مغير الفلتر من شهرين واصلي من عند مجدي الدسوقي لونه ازرق ب 45 جنيه لاني كنت غيرت زيت علي الف كيلو ولما سقطه وحطيت زيت جديد طبيعي ان اسيب الفلتر زي ما هو عشان لسه متغير لانها كانت جابت جوان فالبيه الميكانيكي قالي هات زيت 1000 علي ما الجوان يطبع وبعد شهر غيره بتلات الاف كيلو
نسيت اقولك ان من بعد ما غيرت الزيت فيه زيت ناشع عند طبه الكرتيرة بتاع الزيت بس كل يوم ابص تحت العربية القيها مفيش اثار لاي بقعة زيت تحت منها وانهاردة قبل ما ابطل العربية بقيس الزيت وهي دايرة لقيت مقاس الزيت عند الشرطة اللي تحت مش اللي فوق فهل ده طبيعي وهي راجعة من مشوار وصوت الماكينة كان عالي انهاردة وهي علي ال n
انا خايف ليكون طرمبة زيت او فيه حاجة في الكرنك او ايه بالظبط طمني وهل ممكن اغير الكربراتير لانجكشن من غير مغير موتور