الموضوع: حكايتي مع التويوتا وربنا كرمني بالنيو سيراتو

المشاركة الأصلية كتبت بواسطة hosam_optrawy

بغض النظر عن ان العربيه دى كويسه او وحشه بنحبها او بنكرهها , ايه السعر دا !!!!!!

سبحان الله انا مش قادر اصدق

مش قصدى اكدب حضرتك وطبعا صادق من غير حلفان

بس مش قادر اصدق ان حد يدفع السعر دا في العربيه دى أيا كان نوعها ايه مش شرط الكورولا , عربيه تتباع مستعمله اغلى من تمنها زيرو ب 30 الف ليه !!!

المشاركة الأصلية كتبت بواسطة تامر.محمد

يا نهار اسوح صحيح !!!
العربية بتتباع مستعملة اغلى من زيرو الشكل اللي بعدها اللي مفروض احلى منها و فئة عالية منه كمان ؟؟؟؟؟؟؟؟
مش باقول تشكيكا في كلامك يابو حميد و الله
بس انا مستغرب المصريين جرى لهم ايه !!!!!
مالهاش عندي تفسير الا ان التاجر بيفكر لهم و يوديهم و يجيبهم زي ما هو عايز , كعادة كل حاجة :(

هو ده السوق المصري , كلمة توديه و كلمة تجيبه و ده بسبب جشع التجار المجرمين . ودايما الكلمة العليا للتجار اللي ماسكين السوق , يخسفو بعربية الارض و يرفعو التانية السما حسب اهوائهم و مصلحتهم عشان بيستوردوها من السعودية و عليها خصم جامد جدا من الوكيل هناك عشان الموديل الجديد 2014 نزل فبيخلص القديم اللي عنده فبتتباع اقل من سعرها هناك بكتيييير فتخيل مكسبهم هنا .
وعندك حق يا تامر ,العربية وصلت ثمنها اغلي من الجديدة عشان التجار اللي بيستوردو الخليجي من السعودية نشرو ان كورولا 2013 هي اخر كورولا ياباني و بعد كدة كله تركي و مسكو في الكلمة دي .
فكل الناس بقت تجري تشتريها بأعلي الاسعار عشان بس كلمة اخر كورولا ياباني !!!
تخيل بقي الكلمة دي شعللت العربية و لو حابب تاخد فكرة ادخل شوف الناس بتعرضها علي كام هتتصدم. انا اخر رقم شفته 190 الف دلوقتي وانا بتفرج في ناس بتبيع 200 الف و صدقني هيبع بكدة .
طب اقولك حاجة تانية , كلم سمير ريان بالتليفون اسئله كورولا 2013 هاي لاين وكيل بكام واخد بالك 2013 مش 2014 , هيقولك 200 الف و المصرية و المعارض التانية 202 الف .
شوف الاعلان ده, وكمان كاتب للجادين فقط و التجار يمتنعون :200 الف مستعمل
http://m.contactcars.com/usedcars/engines/1639761