الموضوع: حكايتي مع التويوتا وربنا كرمني بالنيو سيراتو

الحقيقة اني اول مرة اركب كوري وكانت عندي عقدة ان دي ياباني ودي كوري لان كنت راكب لانسر لمدة لاتقل عن خمس سنوات بس بموديلات متغيرة كلهم بوما وقررت بعد كدة ان لما انزل من الانسر الياباني اركب بردو ياباني بس تويوتا وربنا كرمني واشتريت تويوتا زيرو موديل 2013 في شهر ديسمبر الماضي والحقيقة كانت قدامي السيراتو بتزغلل في عيني واخويا كان معايا كان مصمم ان اجيب سيراتو وانا الحقيقة اللي رفضت وتغاضيت عن ضيق في التويوتا في قعدة سواقتها وفي قعدة اللي يقعد ورايا بسبب كلمة ياباني وكوري واشتريت العربية وقتها لونها فضي وبعد مااشتريت الحقيقة ومشيت بيها خلاص حسيت انها فعلاً خنقاني لاني انا طويل والكرسي مرجعة للاخر يعني حتي اللي ورايا مش هايعرف يقعد حتي لوطفل فضلت اصبر في نفسي لان الحقيقة انا اللي عملت في نفسي كدة لان ركبت السيراتو الحقيقة في المعرض اللي انا اشتريت منة التويوتا كانت واسعة جدا ومريحة بالنسبة لي وبالنسبة للي يقعد خلفي مريحة جداً جداً ورغم كل دة وانا صممت ان اركب الياباني وقتها .. معلش طولت عليكم بس هااحكيلكم علي النصيب واللي حصل بعد كدة المهم طبعاً عملت فرش جلد للعربية محترم وفرش للدواسة وركبت فوج لايت وجهاز انذار ورخصت العربية 3 سنين وخليت العربية عروسة الحقيقة بعد كدة .. نيجي لجهاز الانذار اللي هو كان سبب الكارثة اللي هاحكيلكم عليها مش بقولكم نصيب طبعاً الكهربائي اللي ركبلي جهاز الانذار كهربائي قديم ومش اول مرة اعمل عندة شغل عملت كذا جهاز انذار عندة لكل الانسر اللي ركبتها وركبت كمان حساسات عندة في الانسر كمان قبل كدة ومفيش اي مشكلة نهائي ظهرت بعد كل تركيب .. المهم طبعاً انا واقف فوق دماغة وهو بيركب وشايف كل حاجة الحقيقة تمام في التوصيلات خلص الانذار وقفل السلوك بنضافة وبنشغل العربية ونجرب جهاز الانذار لقينا لمة الاية بي اس ولمبة فرامل اليد منورة ومش راضية تطفي خالص الله اية الحكاية هو بيقول لنفسة انا معملتش حاجة غلط المهم قالي دي سهلة احنا هانشيل كابل البطارة نصف ساعة وكل حاجة ترجع زي ماكانت قلتلة انت شايف كدة قالي اة شلنا كابل البطارية نص ساعة ووصلنا ان اللمبتين يطفو ولا الهوا كان هايجنن راجع التوصيلات هو الحقيقة تاني وفصل جهاز الانذار خالص ان المبات تطفي بردو مفيش قالي كدة طيب العربية عايزة تتحط علي جهاز كشف كمبيوتر وانا الحقيقة مااعنديش وفعلاً هو ماعندوش قلتلة طيب انا كان كدة انا هااشوف واحد كويس وارحلة قالي اوك ماشي بس ماتقلقش حسابك قالي ياعم خلاص قلتلة لا انت ذنبك اية المهم حاول وانا صممت ان اديلة حسابة وفعلاً حاسبتة ومشيت والحقيقة اللمبتين مضايقني رايحلة طافيين والعربية ولا الهوا ارجع بمشكلة في العربية قعدت طبعاً مضايق جدا وقلت ياريتني ماركبت انذار ولا عملت اي حاجة بس كان لازم اركب اذار علشان العربية خليجي مفتاحها بدون ريموت فاقلت علشان افتح واقفل منة بغض النظر عن كونة انذار .. المهم انا كنت ناوي اروح بيها التوكيل عربية جديدة واشوف اية اللي حصل علماً بان العربية بدون ضمان علشان خليجي مش وكيل واحد حبيبي وصفلي كهربائي وعندة كمبيوتر كشف اعطال قالي دة هايظبطلك الدنيا قالي بدل ماتروح التوكيل والتكلفة تبقي عالية دة في نص ساعة ان شاء الله هايظبطلك القصة فعلاً روحت عندة لقيتة مش فاض وكان وقتها الساعة 8 مساءً قالي ممكن تجيلي علي الساعة 11 مساءً في نفس اليوم قلتلة مفيش مشكلة وقالي هااظبطهالك قلت كويس واتبسط رحت فعلاً في نفس التوقيت اللي قالي علية بدا دخل العربية علي الجهاز لقي ان الجهاز بيقولة في مشكلة في العجلة الخلفية يمين قالي دي اكيد الهربائي اللي وصل في سلكة اقطعت منة تقريباً دي ماشي فك كل السلوك اللي عملها صاحبنا ومش ور كل سلكة وقعد يقيس بالافوميتر علشان يشوف انهي سلكة فاصلة لقي مفيش ولا فردة سلك فاصلة .. قالي يبقي كدة مفيس غير حساس العجلة الخفية يمين ممكن يكون عمل الكهربائي قفلة ضربت الحساس قلتلة ماشي قاس الحقيقة الحساس اليمين بالافوميتر بردو شغال قال نشوف الناحية الشمال يمكن الجهاز قرائتة غلط وارد لقي نفس القصة الحساس تمام قال نشوف حساي العجل الامامي بردو نفس القصة كلة تمام قعد يشوف الفيوزات ودة كان في الاول الحقيقة قبل اي شي جرب الفيوزات كلها بردو كلة شغال كان هايتجنن قفل السلك تاني بنضافة دة كانت وصلت الساعة 4 الفجر الكلام دة وبعد كدة اكدلي ان الموضوع عندي ان الاية بي اس نفسة هو اللي باظ طبعاً انا الحقيقة خدت كلامة علي انة علشان ماعرفش يطلع العيب فقال كدة قفل العربية وخد حسابة ومشيت متعكنن اكتر بيني مابينكم وقررت اني اروح التوكيل اتصلت بيهم في توكيل العباسية علشان احجز وحكتلة علي المشكلة قالي لا انت بالنسبة لك حالة طواري فابدون حجز قلتلة طيب المهم واحد كهربائي كان سمع عن القصة قالي انا هااعملهالك قلتلة ياعم دة انا لفيت وكذا وكذا قالي ياعم انا اللي هااعملها قلتلة اوك فعلاً دخل العربية علي كمبيوتر لقي نفس المشكلة ان في مشكلة في العجلة اليمين الخلفية قعد يحير ويدير وبفك السلوك ويعمل مافيش فايدة لما غلب قالي سيبهالي يوم وترجع تلاقيها متظبطة قلتلة ولا يوم ولا ليلة شكرأ وخد حسابة ومشيت لروحت التوكل تاني يوم الحقيقة دخلت الساعة 10 الصبح وقالي ان فية رسوم كشف هاتبقي 1200 جنية اة والله زي ابقولكم وقالي الكشف هايظهر الساعة 2.30 قالي عايز تقعد اوكية عايز نتصل بيك ونقولك اية المفيد مفيش مشكلة طبعاّ انا كنت حكيتلهم علي اللي حصل بالظبط والكهربائية والجهاز اللي كشف وكل حاجة حصلت معايا علشان اسهلهم شوية المهم مشيت ورجعت الساعة 2.30 من غير ماحد يكلمني بقول لمهندس الاستقبال اية الاخبار قالي مش قادريت نوصل للمشكلة وفية 4 مهندسين بيشوفوا العربية ومش عارفين العيب منين طبعاً انا كنت خلاص اتعقدت علي الاخر فضلت قاعد لغاية ميعاد التوكيل قرب يقفل طلع المهندس من جوة الحقيقة وهو حزين ومتاثر شايف عربية زيرو وكنسولتو مهندسين حواليها دي كارثة قالي بص اللي اقدر اقولهوك ان ممكن تسيب بس العربية تبات هنا لبكرة علشان الموضوع عندك موضوع الاية بي اس هو اللي فية المشكلة وعلي فكرة والاية بي اس عندك كانت فية صواميل محلولة من قبل قالي كدة واتجننت لان محدش جة عن الاية بي اس خالص من الصنايعية اللي رحتلهم وكنت واقف فوق راسهم قالي بس في محاولة كدة هانجربها بس سيبنا لبكرة قلتلة اوك طبعاً انا اكدت اجزم ان العربية انا اشتريتها كدة وحصل فعلاً اي حاجة من كهربائي الانذار خلاة كشف العيب فوراً انما كان اساسة ملعوب فية المهم رحت تاني قالي كدة وبكل تاكيد جهاز اية بي اس فية مشكلة داخلية ودة لازم تغييرة طبعاً انا كنت في حالة صعبة كحالة نفسية ان عربية جدية يااولاد ويحصل فيها كدة وتخليني الف وادور علي الصنايعية والتوكيل كدة طيب اية لازمة ان الواحد يشتري زيرو دة حتي اولادي والله لسة ماركبوهاش العربية كانت عاملة كيلو متر اقل من 1000 كيلو بقولك بتوع التوكيل كانو هايتجننو المهندسين المهم قلتلة وتكلفتة هاتبقي كانم وكانت الكارثة 13200 ثلاثة عشر الف ومائتين طبعاً سمعت الرقم صعقت وعربية جديدة قلت اروح اجيبة من الحرفيين واركبة برة خايف العربية تتبهدل مرة ممكن الاقيها تسرب زيت مرة الرامل تحجر وبعدين بردو قلت العربية الحوض الموتور بيلمع لو جبت القطعة دي استيرا هاتظهر في العربية انها قديمة وخفت العربية تتبهدل مني حتي مااعرفش ابيعها لاني انا خلاص اتعقدت منها فكرت شوية وانا قاعد في التوكيل انهم يغيرو الاية بي اس وهاابيعها فوراً وفعلآ اتفقنا علي تغييرة بس قالولي تسيبنا يومين وهانتصل بيك لما تخلص العربية ونجربها نقولك تعالي استلمها بالفعل يومين واتصلوا بيا ورحت التوكيل لقيتها خلصت وركبوا وحدة الاية بي اس الجديدة وكلة تمام واعطوني الوحدة القديمة بس الحقيقة بعد دة كلة نفسي وقفت من العربية وقررت اني ابيعها وفعلآ بعتها وربنا كرمني بالنيو سيراتو وربنا قادر يعوضني خير فيها ويبعد عننا شر الحاقدين والحاسدين يارب .. ودي حكايتي بس طبعأ طولت عليكم ومتاسف ليكم جداً