فلتر زيت تويوتا الجديد

**matrix_2010** · 03-04-2014 06:22 PM

المشاركة الأصلية كتبت بواسطة abofandy

بالنسبة لصيانه ال 5000 كيلو يتم فيها الاتى \

* تربيط على العفشة
* تشيك على الفرامل ( التيل ) والطنابير
* تشيك على سوائل العربية من مياه رادتير و مياه المساحات
* تشيك على انوار السياره
* تغيير زيت الفابريكه ( ويتم الاختيار بين زيت موبيل وان ال 5000 الاف او 10.000 وينصح ب 10.000 )
* تغير فلتر زيت ( حشو فقط )
* غسيل السياره

التكلفه : 600 جنيه مصرى لا غير ( مصنعيه وتمن الزيت والفلتر والغسيل )
التوكيل لا يسمح بتغير الزيت بداخله الا بموبيل وان ولا يتم التغير باى زيت غيره
حتى ولو انت الى جايبه من بره لا يعترفوا بيه حتى لو كان نفس الى عندهم فى التوكيل ( دة الكلام من كبير مهندسى الصيانه )

طيب ينفع اعمل الصيانة في التوكيل من غير ما اخليهم يغيروا الزيت ... وابقي اغير زيت انا برة

**iUsef** · 03-04-2014 07:00 PM

المشاركة الأصلية كتبت بواسطة ابوحميد

على فكرة الموضوع ابسط بكتير مما انتوا فاكرين ..
فعلا كورولا 2008 و 2009 فلتر الزيت بتاعهم الاسود العادى .. و من 2010 لغاية 2013 فلتر حشو ..
طبعا مش معقول اروح التوكيل و اسافر عشان اغير الزيت ..
النهاردة غيرت الزيت و الفلتر و كان الموضوع عادى جدا جدا .. مفيش اى صعوبة فى فك الفلتر او تغيير الحشو ..
انا صورت الفلتر فى مكانه و صورت الحشو القديم و الجديد .. حرفعهم فى موضوع قريب ..
بس كان فى مشكلة بسيطة .. فى كمية الزيت الجديد ..

المشكله بالنسبالي انها كانت اول مره اسمع عن الفلتر الحشو خصوصاً ان واحد صحبي سالي في التوكيل قاله ده غير الموديلات القديمه وفلتر حشو ومش اي واحد ممكن يغيره بس انا رحت دلوقتي موبيل وسالت لقيت انه فعلا فلتر حشو و الفني قالي بنغيره عادي بس لما سالته علي العده بتاعته موجوده لقيته سكت شويه وقالي عنده بس بصراحه مفهتش هل هي عنده فعلاً و استغرب من سؤالي ولا بيفتي وهيفكه بالفهلوه خصوصاً كل الفديوهات اللي شوفتها ليها طريقه معينه زي ده

وده فديو برضه للتغير
https://www.youtube.com/watch?v=GMy0EXUFvoQ

السؤال هنا بقي بما انك غيرت هل فعلاً الموضوع سهل في الفك و التركيب و ياتري مكانه مكشوف ولا لازم يفك التصفيح؟؟؟

2- حطيت زيت ايه؟؟؟ وخد كام كيلو هما كاتبين 4.25 ك بالفلتر صح كده؟؟

ومستنيين الصور

**iUsef** · 03-04-2014 07:15 PM

المشاركة الأصلية كتبت بواسطة Hany Saad

سلام و تحية لكل التويوتاوية و أخصهم بالذكر أحلى دكترة أبو فندى و العزيز يوسف بيك و باسم باشا و هندسة محمد هانى.....

سؤال يا رجالة بمناسبة موضوع الصيانة وخصوصاً ال 5000 لأنها صيانة فاكسه و لا ليها اى 30 لازمة

هل لو عملتوها بره أو غيرتوا زيت بره...هل التوكيل ما يقولش العربية خارج الضمان....

لأن نفس الموضوع عندنا فى رينو و صيانة ال 5000 ألاف و مضاعفاتها إفتكاسة و مع أنها مجانية عندنا و مفهاش غيار زيت و لكن التوكيل مصمم أنك لازم تروح علشان توريله عرض كتافك و تضيع اليوم عنده و تمشى... و إلا تخرج العربية من الضمان أو بمعنى أخر ممكن يستخدمها حجة ضدك لو لا قدر الله حصل خاجة يقوم يقولك أصلك مكنتش بتعمل الصيانات الدورية عندنا.....

ما هو الحال عندكم دام فضلكم؟

تحياتى لأحلى رجالة

هاني باشا ديماً منورنا والف مبروك علي الترقيه معلش جت متاخر وانت اهلاً لها

انا كنت بحاول اقول كده الصيانات المهمه هي 20.000 و 40.000 ومضعافتها و 100.000 غير كده كله اي كلام وانا عن تجربه شخصيه عمري ما غيرت الزيت في التوكيل دايما بجيب فلتر اصلي و اغير زيت موبيل في 10 دقايق في البنزينه وعمري ما قلولي حاجه في التوكيل اهم حاجه اني اعمل صيانات في التوكيل بانتظام يعني مثلا كل 20.000 فل الفل و لغايت ما عملت 190.000 كان ضمان الفتيس شغال زي الفل و عمرهم ما قلولي انت معملتش صيانه ال 70.000 او 90.000 و الكلام ده كله انا شايف زيك بالظبت تضييع فلوس و وقت و اظن الكلام ده في كل التوكيلات مش تويوتا بس وبرضه اسئل اهل الخبره عني في رينو عشان ممكن يبقي الموضوع مختلف عن تويوتا

**iUsef** · 03-04-2014 08:33 PM

تمام يا رجاله المفيد من الاخر الفلتر فعلاً طلع سهل في فكه وتركيبه بس لازم يكون موجود العده المخصصه ليه والناس بره بيفكوه ويغيره الزيت لوحدهم من غير اي تعب و دي صور موضحه اكتر للموضوع

**iUsef** · 03-04-2014 10:24 PM

المشاركة الأصلية كتبت بواسطة ابوحميد

ربنا يسامحك حرقت الموضوع و الصور ..

LOL
عموما يا باشا باختصار مكان الفلتر مكشوف .. لو نزلت من تحت العربية تشوفه بسهولة اسفل الباب اليمين الأمامى بس ناحية المنتصف ( بطن العربية ) .. و لونه زى اى فلتر أسود من برة .. و فكه سهل و مش محتاج أى عدة خاصة .. الصنايعى فكه بنفس الأداة اللى كان بيفك بيها فلتر الزيت بتاع التريوس و السيراتو و قبلهم اللادا اللى كانوا معايا و الكرولا ال 2008 بتاعة الوالد .. ( معرفش العدة اسمها ايه بس هى عبار عن عصا حديد فى طرفها حزام قماش بيلف و يقرص حول الفلتر و يفكه و يربطه حسب الطلب .. أكيد كلنه شفناه أتمنى أكون وصلتها لك

) ..
و بعد الفك بيطلع الفلتر و جواه الحشو و يحط الحشو الجديد و هو هو بتاع الكرولا من 2010 لحد 2013 و متوفر .. و تحط الجديد مكانه و تربطه تانى .. بس يا باشا .. و ربنا يعوض علينا بموضوع جديد نفيد بيه الناس

معلش يا ابو حميد متعوضه يا كبير طالما كنت ناوي خلاص خدت الثواب :)
بس انت ما خفتش من الفك و التركيب بالعصايا اللي فيها جنزير دي خصوصا ان الفلتر القديم كان ديما يطلع مطبق من القرص في الفك طبعا هو هيتفك تمام بس خلي بالك زي اي صموله من الفك و التركيب بالقرص ممكن يفوت ساعتها هتخش في موال تاني ربنا يبعدك عنه
بس مقولتليش برده حتيط زيت إيه وكام كيلو؟؟ و مفكرتش في زيت 0w-40

**bassem.naguib** · 03-04-2014 10:46 PM

المشاركة الأصلية كتبت بواسطة ابوحميد

ربنا يسامحك حرقت الموضوع و الصور ..

LOL
عموما يا باشا باختصار مكان الفلتر مكشوف .. لو نزلت من تحت العربية تشوفه بسهولة اسفل الباب اليمين الأمامى بس ناحية المنتصف ( بطن العربية ) .. و لونه زى اى فلتر أسود من برة .. و فكه سهل و مش محتاج أى عدة خاصة .. الصنايعى فكه بنفس الأداة اللى كان بيفك بيها فلتر الزيت بتاع التريوس و السيراتو و قبلهم اللادا اللى كانوا معايا و الكرولا ال 2008 بتاعة الوالد .. ( معرفش العدة اسمها ايه بس هى عبار عن عصا حديد فى طرفها حزام قماش بيلف و يقرص حول الفلتر و يفكه و يربطه حسب الطلب .. أكيد كلنه شفناه أتمنى أكون وصلتها لك

) ..
و بعد الفك بيطلع الفلتر و جواه الحشو و يحط الحشو الجديد و هو هو بتاع الكرولا من 2010 لحد 2013 و متوفر .. و تحط الجديد مكانه و تربطه تانى .. بس يا باشا .. و ربنا يعوض علينا بموضوع جديد نفيد بيه الناس

في انتظار الموضوع

**MOTOR HEAD** · 04-04-2014 01:39 AM

هو 20w-50 ده مش مضر للمواتير الحديثه ؟

و المفروض تحط مثلا 10w 30 و لا ايه

عشان انا مش فاهم حاجه هههه انا معايا نيو اكسنت

الموضوع: فلتر زيت تويوتا الجديد

LinkBack

أدوات الموضوع

عرض

-

-

-

-

-

-

-

المواضيع المتشابهه

هو فلتر زيت سيراتو الشكل الجديد زي السابق؟؟

هل موديلات صنى الجديد بتنزل من فلتر التكييف

فلتر الهواء الجديد

تويوتا ياريس الجديد

مكروباااااز تويوتا الجديد

الكلمات الدلالية لهذا الموضوع

المفضلات

المفضلات

ضوابط المشاركة