الموضوع: حاسس بإيه ناحية نصر أكتوبر؟

المشاركة الأصلية كتبت بواسطة حاتم سليم

تُرى هل من سبيل آخر ؟؟

إن مصر تاخد كاس العالم للشباب

انا كنت عايز احط السؤال ده بس ما حطيتوش بس فكرت بيه
النهارده الصبح بتفرج على عمر اديب لقيته برضه بيتكلم عن نفس النقطه دى انه نصر اكتوبر واليوم الاجازه ده بيمثل لينا ايه ؟
هل هى ضغوط الحياه والياس من حال البلد ؟
ولا احنا الى ما عدناش قادرين نفرح ؟
للاسف انا كمان ما عنديش جواب

على فكره نتيجه الاستطلاع مش حقيقيه ومش مصدقها

المشاركة الأصلية كتبت بواسطة KSA2011

على فكره نتيجه الاستطلاع مش حقيقيه ومش مصدقها

مش حقيقية اللي هي مزورة يعني و لا ايه؟

قرأت الموضوع لاخر حرف قبل ان اكتب حرف و امتعنى الشد و الجذب و تباين المشاعر نحو هذا اليوم..... لكن مش لاقى اختيار محدد فى الاستطلاع يعبر بالظبط عن اللى انا حاسه.....
عن نفسى انا بحب الافلام الحربية و فى هذا اليوم من كل عام باتفرج على فيلم او اتنين من هذا النوع.....نظرا لان الجيش يتميز بميزتين مهمتين جدا هما الانضباط و التطبيق المستمر لاحدث التكنولوجيا الحديثة التى سرعان ما تأخذ طريقها الى التطبيقات المدنية.....

اما بالنسبة لحرب اكتوبر فرأيى ان معجزتها الحقيقية هو الانسان المصرى..... الذى قام بالقتال فعلا مندفعا بروح فدائية غير عادية مكنته من هزيمة السلاح المتقدم الذى لم يكن متوفرا له..... كيف قام المقاتل المصرى البسيط بتحييد اقوى اسلحة عصره وهى الدبابة الامريكية m1a1 عن طريق سلاح بسيط محمول كتفا..... و بلغت به الجرأة و الشجاعة الى اكتشافه لنقط ضعف فيها لم يكن يتخيل صانعوها و مصمموها الى اكتشافها..... اكتشف مقاتل المشاه البسيط انه اذا ضرب الدبابة تحت البرج بالضبط فستشتعل فيها النيران و قد يطير برج الدبابة بالكامل فى الهواء..... و نقطة ضعف الدبابة ان سائل الهيدروليك الذى كان يدور به البرج كان قابل للاشتعال..... وهذا ما لم يتخيل احد ان يصل اليه المقاتل المصرى..... لكن مثل هذه الضربة كانت تتطلب شجاعة نادرة لانها يجب ان تكون ضربة وجها لوجه و تعتمد على دقة تنشين غير عادية..... وهذا مجرد مثل

بقى لى تعليق بسيط على دور الحروب فى حياتنا..... كل العالم اختبر اهوال الحروب كما اختبرناها نحن كشعب..... لكن و مع نهاية هذه الحروب تحولت هذه الشعوب الى الحياة و كيف تعيشها و كيف تبنيها على اساس صحيح...... و ابسط دليل على ما اقول هو سؤال بسيط: تفتكروا اول معاهدة لتكوين نواة الاتحاد الاوروبى اتعملت سنة كام؟ سنة 1954 اى بعد نهاية الحرب العالمية التانية باقل من 10 سنوات..... لانهم ناس عايزة تعيش و عايزة تشتغل و بتحب الحياة و عايزة تعيشها كما ينبغى ان تعاش.....

اما احنا بقى فحكايتنا حكاية...... و مش هتكلم عن الحكومة و لا الدولة ولا ولا ..... لكن هتكلم عن الانسان العادى و حياته...... انا مره عملت موضوع استطلاع و كان محوره سؤال بسيط :"لو مفيش رادار و لا مخالفات و قدامك الطريق فاضى، هتمشى على السرعة القانونية و لا هتجرى؟" و كانت نتيجة الاستطلاع كاسحة بنسبة 80%....... لتخطى السرعة القانونية المسوح بها!!!!!!!!

طالما مازلنا مصرين- كمجتمع و ليس كافراد- على ان كل واحد فينا يعمل اللى على مزاجه بدون اى التزام و لا اجادة فى عمل و لا رغبة فى الاتقان فسيظل هذا حالنا بل و سنظل ننحدر من سئ الى اسوأ..... فاسلوب حياتنا حاليا كمجتمع هو اسلوب انتحارى..... اسلوب مجتمع يحفر بيده الهاوية التى ينحدر اليها.....