متردد فى شراء عربيه فكروا معايا

**zangry** · 04-04-2014 09:54 PM

حاول تشوف فيكترا 2008 احسن حاجة بالسعر ده

**طارق _عبد السلام** · 04-04-2014 10:29 PM

المشاركة الأصلية كتبت بواسطة omaranes77

ربنا معاك ياباشا
ولو انو صعب تلاقي عربية زي الفانتازيا بس اكيد اقل
انا برشحلك اوبل فكترا سي
bmw 316 موديل 2000-2004

اشكرك وفعلا الاختيار بين اتنين قمه فى الامتياز

**طارق _عبد السلام** · 04-04-2014 10:33 PM

المشاركة الأصلية كتبت بواسطة m7mdwagih

الجولف 5 فتيس عادي 6 نقلات مش dsg

المعلومه دى جديده على يعنى فتيس عادى هنقول مثلا زى فتيس الاوكتافيا لو كده ادور عليها العربيه دى بحترمها جدا

طيب بدايه dsg كانت سنه كام من 2009 زيها زى الجيتا والباسات

**طارق _عبد السلام** · 04-04-2014 10:38 PM

المشاركة الأصلية كتبت بواسطة zangry

حاول تشوف فيكترا 2008 احسن حاجة بالسعر ده

كده فيه شبه اجماع على الفيكترا وهى عربيه بجد شكل ومضمون
طيب مفيش واحده قدامك واهو تبقى نمر المحله ومانجريش ورا ترخيصها

واخبار قطع غيارها شبه الفانتازيا كده

ولا حنينه شويه

على فكره ياجماعه انا اتساهلت كتير جدا فى بيع الفانتازيا يعنى ماشديتش قوى كنت محتاج ابيعها فعلا

وبعتها ب 167 الف مع انى كان ممكن امسك 172 بس السمعنى السعر ده كان اشترى خلاص
وبصراحه المشترى من احترامه لو كان طول معايا فى الشراءكنت دفعت له فلوس مع العربيه من احترامه :)

**Moratoz** · 04-04-2014 10:52 PM

استاذي طارق بك
تحياتي اولا لسيادتكم انا برشح لحضرتك الباسات اول حاجة لانها نفس الركوبه وأحسن من الفنتازيا ولو علي الفتيس لو عرفت تنزل ثمن الصراحة من ثمن العربيه وباقي العربيه نظيفه وتستاهل اعتقد انه هيبقي خيار جيد جداً
ثانيا الجولف 5 و 6 هي هي الأيهم فايف والجيتا ونفس الفتيس وبعدين تقريبا م ٢٠٠٩ بقي فتيس dsg
ثالثا الاوبل فيكترا عربيه محترمه جداً ولكن بحس انها اعطالها ليست سهله التشخيص والإصلاح وكمان الفتيس الخاص بها الأيزي ترونك كان في بعض الاشخاص لم يستريحون في التعامل معه لأنه بتحط ان فيه نتشه شويه فمحتجين شويه معرفه واسئله لملاكها وان كان طبعا قيادتها وصالونها يتميز بالفخامة والرفاهيه
تحياتي

**J A G U A R** · 04-04-2014 10:55 PM

ارشحلك فيكترا c عربيه محترمه جدا وشكلها افخم من الفانتازيا والايزى ترونيك فيها حاجه تانيه لواحده

**طارق _عبد السلام** · 04-04-2014 10:59 PM

المشاركة الأصلية كتبت بواسطة zangry

لو في متأخرش عنك .. معرفش قطع غيارها نظامها اية بس الاكيد انها مش هتقل عن الفانتازيا ان مكنتش اغلي

بس ركوبة محترمة جدا بس المهم الحالة

167 !! يارتني خدتها منك :( مبروك عليك ياباشا

اغلى من الفانتازيا فى قطع الغيار ربنا يطمنك ههههههههه

طيب لما كنت عايز الفانتازيا مقلتش ليه على فكره انت لسه معرفتنيش وبجد عندى معرفه المحترم اغلى من اى فلوس والله لو حد غير اللى اشتراها مكنتش نزلت جنيه بس لانه انسان محترم مايتخير عنك تساهلت جدا معاه ولتصميمه انه لازم ياخد العربيه مردتش استغل الظروف (نَّ أَطْيَبَ الْكَسْبِ كَسْبُ التُّجَّارِ الَّذِينَ إِذَا حَدَّثُوا لَمْ يَكْذِبُوا ، وَإِذَا ائْتُمِنُوا لَمْ يَخُونُوا ، وَإِذَا وَعَدُوا لَمْ يُخْلِفُوا ، وَإِذَا اشْتَرُوا لَمْ يَذِمُّوا ، وَإِذَا بَاعُوا لَمْ يُطْرُوا ، وَإِذَا كَانَ عَلَيْهِمْ لَمْ يَمْطُلُوا ، وَإِذَا كَانَ لَهُمْ لَمْ يُعَسِّرُوا "
وفى انتظار تفاعل احبابنا فى الموضوع

**طارق _عبد السلام** · 04-04-2014 11:14 PM

المشاركة الأصلية كتبت بواسطة moratoz

استاذي طارق بك
تحياتي اولا لسيادتكم انا برشح لحضرتك الباسات اول حاجة لانها نفس الركوبه وأحسن من الفنتازيا ولو علي الفتيس لو عرفت تنزل ثمن الصراحة من ثمن العربيه وباقي العربيه نظيفه وتستاهل اعتقد انه هيبقي خيار جيد جداً
ثانيا الجولف 5 و 6 هي هي الأيهم فايف والجيتا ونفس الفتيس وبعدين تقريبا م ٢٠٠٩ بقي فتيس dsg
ثالثا الاوبل فيكترا عربيه محترمه جداً ولكن بحس انها اعطالها ليست سهله التشخيص والإصلاح وكمان الفتيس الخاص بها الأيزي ترونك كان في بعض الاشخاص لم يستريحون في التعامل معه لأنه بتحط ان فيه نتشه شويه فمحتجين شويه معرفه واسئله لملاكها وان كان طبعا قيادتها وصالونها يتميز بالفخامة والرفاهيه
تحياتي

الخلوق عمرو بك (اهو انت اللى استاذى)
بجد الباسات مكنتش حاسس بالغربه فيها والعربيه جديده فعلا من بره بدون خرابيش وماشيه 83 الف ووكيل مش خليجى بس بمجرد ما حسيت بالنتشه وقعدت اجربها على الهادى واللى راكب معايا يقولى انت مبتعرفش تجرب عربيه اهاااااااااااااااا..على عمو لا طبعا عايزنى اجرى بيها علشان محسش بالتتشه
نزلت منها ومتكلمتش حتى فى سعر

من كلامك كده الايزى ترونيك هتحس بكل غيار طب ده ينفع ؟!
وهى من جهه فخمه ففعلا العربيه شكلها مش وحش بالعكس

الموضوع: متردد فى شراء عربيه فكروا معايا

LinkBack

أدوات الموضوع

عرض

-

-

-

-

-

-

المواضيع المتشابهه

فكروا معايا .. ابيع العربية ولا لأ

فكروا معايا يا شباب في العربية دي

تظبيط اسبيرنزا .. فكروا معايا

فكروا معايا العيب من اين

الكلمات الدلالية لهذا الموضوع

المفضلات

المفضلات

ضوابط المشاركة