الموضوع: متردد فى شراء عربيه فكروا معايا

المشاركة الأصلية كتبت بواسطة inspiron

يا باشا ان تحت امرك وفي خدمة الناس كلها هنا .. وبالنسبة لقسم فولكس...ربنا يفك ضيقته هههههه

شوف يا أستاذ طارق..اسمحلي هحط نفسي مكانك.
انا لما نزلت من الفانتازيا جيبت عربية مؤقتة كده ركبتها كام شهر .. كرولا 2013 الشكل القديم..وحسبي االله ونعم الوكيل في اللي حدد سعر العربية دي هي واللي زيها ويبيعها للناس والناس بتشتري !!! وانا عملت زيهم..
العربية دي اشتريتها..وبعدها بشهرين عملت بيها حادثة جامدة دمرت وش العربية.وسببها ان الفرامل بتاعتها ملحقتش توقف العربية وكانت علي سرعة 80 !!!!!!!!! اللي هي كانت في الفانتازيا لو نفس الموقف العربية بتقف في ثانيه..صلحتها وبيعتها علي طول جبت الباسات.
طبعا مقولتش حاجة في المنتدي عشان الناس اللي راكبين كرولا ميزعلوش مني لما اهاجمها..لانها فعلا..متستاهلش..

القصد من القصة دي كلها..عمرك ما هتعرف تتأقلم علي عربية تانية اقل من الفانتازيا لاسباب كتييييييييير حضرتك عارفها..

يبقي الحل..زود 5000 او 10000 واركب a5 2007

+111111111
كلام حضرتك صح 100 * 100 مع احترامى لراكبى الكورولا وانا حاليا واحد منهم الكورولا الموديل بتاع 2001 لغاية 2007 التجار والناس كلها طالعة بيها السما وماسكة سعر رهيب مع انها فى وجه نظرى عربية ولا ليها اى لازمة جمب الفانتازيا وديه وجه نظرى الشخصية
وحتى الشكل اللى من اول 2008 لغاية 2013 كان معايا واحده فى دبى كانت بتطير وانا على طريق دبى بوظبى لو عربية عدت جمبى بسرعة
لكن ميزة العربيات الكورولا ديه انها فعلا اعتمادية جدا وقليلة الاعطال وسوقها فى مصر عالى قوى بالذات موديلات 2001 لغاية 2007