الموضوع: متردد فى شراء عربيه فكروا معايا

اكتشفت ان اصعب حاجه بجد قرار شراء عربيه ...وبجد الواحد بيسمع كلام ويشوف اشكال استغفر الله

طبعا وعربيتى معايا تسئل مثلا تعمل كام تسمع منهم كلام يتهىء لك ان عربيتك دى لو ببلاش تبقى غاليه
وتيجى تشترى منهم عربيات عايز الحرق يحسسك ان مثلا اليابان معملتش غير العربيه دى وهى فعلا عايزه الحرق وتسمع اسعار حدث ولا حرج تقوله يابيه هى فى الزيرو بكام يقولك زيرو ايه ده الجديد كله بايظ ومشاكل وممكن تاخد العربيه مرشوشه من المعرض يانهار الوان غامقه ويقولك العربيه فبريكه ومفيهاش خربوش تلاقى العداد معدى ال100 الف تقوله هو صاحل العربيه دى الفبريكه دى كام ماشى 100 الف كيلو لوحده فى الشوارع يعنى وحتى مفيش عيل ابن تيت رسم بمسمار عليها يقولك يابيه دى عايشه فى جراج اقوله وعملت ال100 الف وهى واقفه فى الجراج ياعااااااااااااااااالم العربيه رشه كلها ولسه اثر البويه على اماكن يقولك سلامه نظرك انت متأكد ان بتعرف تفرز عربيه............... هى دى عقول التجار اللى عندهم حاجات مفتكرنها عربيات الله يخ......... ولا بلاش